ياريس بدون كلام ولا جدال ولا فصال ولا اي شئ لأن من الاخر العربيتين بعيد عن بعض في المقارنة لأن فرق السعر واضح جدا وبيدل على فرق العربيتين من بعض
انا مش هتكلم على الياريس ولكن هقولك على الكليو
1- ضيقة بغباء من الداخل
2- ناشفه جدا زي الزلطه والله وعن تجارب وليس تجربه
3- ماتور 1400 سي سي 8 صباب 75 حصان يعني بيهزروا من الاخر
4- صيانةمكلفة جدا والله مقارنة بسعر العربيه ككل يعني ممكن لا تعملك 100 الف كيلو تلاقيك صرفتلك صيانة فقط على العربيه حوالي 20 الف الى 30 الف جنيه
في حين الياريس مش هتحتاج طول الـ 100 الف كيلو الى زيت وفلاتر فقط والضمان معاك كمان
5- سعر اعادة بيع صفر بصراحه كارثة
6- قاعدة السواقة فيها متعبة جدا وزاوية الرؤية الامامية وحشه جدا لضيق المسافة بين التابلوه والسقف والكلام ده ممكن تركبها وتشوفه بنفسك
7- لها اعطال معروفة وموجوده في كل موديلاتها وبتحصل في خلال الــ 100 الف كيلو بصفة مستمره
كفايه كده وياريت محدش يشكك في الكلام ده لأني مجرب العربيه وعارفها حته حته والكلام ده عن تجربة والله
المفضلات