+1
صح نرجع كرامتنا اللى اتداست بنعال الغوغاء وبعد كده يحلها الله من عنده
عرض للطباعة
هل انا تم انذاري باي مشاركة سيئة؟
لو حصل فانا بتاسف جدا لكن معتقدش اني تجاوزت
انا مضايق اوي يا جماعة
يعني يا جماعة انتم مش شايفين ان المشكلة أكبر من الجزائر باللي فيها؟
ايه اللي خلا الجزائريين يعملوا فينا كده؟ فين هيبتنا ومين ضيعها؟ ازاي يخططوا بالشكل ده لاهانتها واحنا مخططناش عشان نحمي نفسنا؟
وطالما دخلتي في سكة نظريات المؤامرات الغير مدعومة بدليل، يبقى ليه ماتكنش مؤامرة من جيرانا اللي مايتساموش عشان نضرب في بعض كمصريين وجزائريين؟ على فكرة انا مش مؤمن بالكلام ده، لأني واضح ان كتير من الجزائريين بيكرهونا من نفسهم بس برد على حضرتك بنفس منطقك. بعدين فين المؤامرة في اننا نقف وقفة مع نفسنا كمصريين ونسأل ايه اللي وصلنا للدرجة دي؟ يعني احنا لو حاسبنا نفسنا وحسننا من وضعنا وحافظنا على كرامة المصري في بلده يبقى وقعنا في المصيدة؟!!
ولما تصبح الجزائر عدوتنا الأولى يبقى كده موقعناش في المصيدة؟
ممكن اعرف الحل من وجهة نظرك ؟؟؟
وكمان لو انتظرنا نحل المشاكل الداخلية الاول يبقى عليه العوض فى كرامتنا
و اى دولى فى العالم عندها مشاكل داخلية وخارجية لكن الكرامة لا
ولو اللى حصل كان تبدبير يهودى تم بايدى جزائرية فالجزائر لازم تاخد عقابها
مش نطبط عليهم ونقول معلش اصلهم اتساقوا واضحك عليهم
اسمحلى حضرتك
هى ايه العلاقات المصرية الجزائرية
ايه نوع الترابط اللى بينا
ايه نوع العلاقات الاقتصادية او السياسية
ايه نوع المنفعة المتبادلة
حضرتك شايف ان اللى حصل فى السودان لازم نتيجته نقف واقفة مع نفسنا
امال امتى هنقف وقفة امام من فعل بنا ما فعل فى السودان
عاوزنا نحاسب نفسنا على ايه
على اننا بعتنا الفريق يلعب ولا على اننا بعتنا ناس محترمة تشجع
كنت عاوزين مصر تبعت مدمنين وهجامين يشجعوا وفى الاخر تقولوا هى دى الصورة اللى مصر بتقدمها عن نفسها للعالم
لما وائل الابراشى قال محدش يروح يا جماعة عشان تهديدات الجزائر قولتوا ازاى ومش ممكن نتخلى عن الفريق
ولا كنت عاوز مصر تبعت الجيش يحرس المنتخب فى ارض السودان دون الاخذ فى الاعتبار ان ده يسمى اعتداء على سيادة الاراضى السودانية ونحولها لحرب بقا على ارض بلد اخرى
انت ترضى ان لو فى مباراة بين تونس والجزائر على سبيل المثال تونس تبعت جيشها على ارض مصر يحمى لاعبيها دون احترام للسيادة المصرية على اراضيها
ياريت نحاسب اللى برة الاول ونرد على اللى حصل للمصريين وبعدين نبقا نحاسب اللى جوة
يا سيتي حقول كلمة مكنتش متوقع اني اقولها في يوم من الأيام. طز في الجزائر. لو عايزين نقاطعها معنديش أي مشكلة.
نقف وقفة ضد الجزائر. مش معترض. بس لو كرامتنا فضلت متهانة في بلدنا، اللي حصل في السودان هيتكرر في تونس والمغرب وليبيا والإمارات. نقاطع العالم كله ساعتها ولا من دلوقتي نعمل هيبة لنفسنا عشان محدش يفكر يدوس على طرف أي مصري؟اقتباس:
حضرتك شايف ان اللى حصل فى السودان لازم نتيجته نقف واقفة مع نفسنا
امال امتى هنقف وقفة امام من فعل بنا ما فعل فى السودان
مشكلتنا اننا مش شايفين غير تحت رجلينا. اختزلنا الموضوع في شوية بلطجية من الجزائر.
وهو الجزائر لما تبعت حثالتها من البلطجية ده مكانش اعتداء على سيادة الأراضي السودانية.اقتباس:
عاوزنا نحاسب نفسنا على ايه
على اننا بعتنا الفريق يلعب ولا على اننا بعتنا ناس محترمة تشجع
كنت عاوزين مصر تبعت مدمنين وهجامين يشجعوا وفى الاخر تقولوا هى دى الصورة اللى مصر بتقدمها عن نفسها للعالم
لما وائل الابراشى قال محدش يروح يا جماعة عشان تهديدات الجزائر قولتوا ازاى ومش ممكن نتخلى عن الفريق
ولا كنت عاوز مصر تبعت الجيش يحرس المنتخب فى ارض السودان دون الاخذ فى الاعتبار ان ده يسمى اعتداء على سيادة الاراضى السودانية ونحولها لحرب بقا على ارض بلد اخرى
انت ترضى ان لو فى مباراة بين تونس والجزائر على سبيل المثال تونس تبعت جيشها على ارض مصر يحمى لاعبيها دون احترام للسيادة المصرية على اراضيها
كويس قوي اننا بعتنا ناس محترمة. لأول مرة احس ان الشعب المصري متحضر بالمقارنة مع شعب تاني. اللي كان لازم نعمله اننا نفهم الجماعة السودانيين ان أمن المصريين مش لعبة ويكرسوا له كل طاقتهم. لو مش هيعرفوا يبقى نبعت قوات خاصة من عندنا، ده اسمه تعاون أمني مش اعتداء على سيادة. فين المخابرات المصرية اللي تحظر من المجازر المتوقعه وتنسق مع كل الجهات عشان تتجنبها؟ وائل الإبراشي نبه انهم باعتين بلطجية وانهم بيجهزوا لمجزرة، فين بقى الاجراءات اللي عملناها عشان نضمن أمن ولاد بلدنا؟
هي الفرخة الأول ولا البيضه؟اقتباس:
ياريت نحاسب اللى برة الاول ونرد على اللى حصل للمصريين وبعدين نبقا نحاسب اللى جوة
ردنا على اللى بيحصل للمصريين فى الجزائر واللى حصل فى السودان حتى وان وصل لقطع العلاقات هو ده اللى هيرجع كرامتنا ويوقف كل واحد عند حده ويثبتلهم اننا مش محتاجينلهم ولا بنتمسح فيهم عشان يرضوا عننا ونفضل اخوات ولا اننا عاجزين عن الرد والحفاظ على كرامة كل مواطن مصرى
اسمحلى لو اى حد قال ان المصرى مهان داخل وطنه فبرده احنا السبب فى الفكرة دى لاننا بندعمها ونروجلها اكتر منهم
وده مش موضوعنا دلوقتى ده موضوع ممكن نناقشه بعدين
واتمنى نتحد ضد ما حدث من الجزائر ولا نتطرق لموضوعات وتفريعات اخرى
بلاش نتجادل فيما بيننا ونعدد اكتر من موضوع للخلاف
بلاش كالعادة نسيب الموضوع والمشكلة الرئيسية ونتجه لخلافات فى وجهات النظر
تقبل تحياتى ولنا نقاش اخر فيما تريد بعد الانتهاء من هذه الازمة
بسكوتة الله يفتح عليكي
تعرف المثل البلدي الي بيقول انا واخويا وابن على الغريب
اهو انا واي مصري على اي كلب مايحترمش اخويا المصري
دي مشكلتنا الحاليه
وماتقوليش مشكلتنا في حكومتنا
احنا عارفين كويس اننا عندنا مشاكل مع الحكومة ومش راضيين عن تصرفتها
وبنعلن عن ده في كل مكان
لكننا حاليا في مشكلة خارجية
ولازم نجتمع ونتأزر
وبعد كدة نرجع لمشاكلنا الداخلية