عرض للطباعة
ان شاء الله الاسبوع القادم سأتوجه لعمل صيانة ال 1000 كم لسيارتي النيسان صني
بس عاوز اعرف من الاخوة اللي عملوا الصيانة دي قبل كدة .. ايه اللي هيتم فيها والتكلفة هتكون في حدود كام ؟؟؟ وتقريبا تآخد كام ساعة على ما تنتهي ..
وبالنسبة للي اتعاملوا مع مركز السبع هل فيه مكان للعملاء يقعدوا فيه بالمركز لانتظار السيارة حتى تنتهي من الصيانة ولا الواحد يروح يدور على كوفي شوب قريب لحين انتهاء الصيانة .. ارجو الافادة وشكرا
هيتم تغيير الزيت طبعا و كمان تربيط عفشه و كشف على جميع السوائل
المصنعيه مجانا فى صيانه الالف
هتدفع بس حق الزيت و الفلتر ممكن تحط زيت 5 الاف او زيت 10 الاف
السبع بيحط شيل لو عايز تحط موبيل ممكن تقولهم و تشتريه انت من بره
يوجد مكان جيد لانتظار العملاء مع مشاريب مجانيه
الصيانه بتاخد ساعتين
الحقيقه الصيانه نفسها بتاخد مش اكتر من نصف ساعه و الباقى عقبال ما عربيتك تدخل و بعدين لما تخرج تروح الغسيل و دا بيتاخر جامد
المهم الوقت ساعتين
لو معاك لابتوب يوجد هناك انترنت للعملاء
انا حطيت زيت 10 الاف و دفعت تقريبا 240 جنيه مش فاكر بالظبط الحقيقة
شكرا على الرداقتباس:
المشاركة الأصلية كتبت بواسطة asnady
وتم اليوم عمل الصيانة بتكلفة 254 جنيه شاملا زيت ال 10 آلاف وثمنه 180 جنيه والفلتر 50 جنيه وضريبة المبيعات
والمعاملة فعلا أفضل ما تكون
وتقابلت مع مهندس حاتم فوزي بس بعد الانتهاء من الصيانة ومشكورا تأكد من تلافي كل الملاحظات بنفسه بس المشكلة فقط في الـتاخير حيث الفارق بين موعد وصولي في الموعد المتفق عليه عند الحجز وخروج السيارة من الصيانة كان حوالي 4 ساعات وده يمكن بسبب الضغط عليهم قبل أجازة العيد
وكل عام وانتم جميعا بخير