اتبعت الاساليب القانونيه في الرخصه وترخيص السياره
ولكن دا ميمنعش ان في ناس ولاد تيت اخدو فلوس وحسبي الله ونعم الوكيل
عرض للطباعة
اتبعت الاساليب القانونيه في الرخصه وترخيص السياره
ولكن دا ميمنعش ان في ناس ولاد تيت اخدو فلوس وحسبي الله ونعم الوكيل
طلعتها من غير واسطه بس لازم في 20 جنيه لكل شباك تروحله و5 جنيه لبتاع الشاي علشان يدفعلي الفلوس في الخزنه ومقفش في الطابور
وفاكر ساعتها الراجل بتاع الامتحان سألني معاك واسطه قلتله لأ قالي طب اقف بعيد هنا اللي معاهم وسايط بس دورك بعديهم!!! وطبعاً كلهم طلعو قدام 2 متر ورجعوهم من غير قراطيس ونجحو
انما انا اخدت 4 قراطيس قدا م وورا وكان ناقص يقولي دريفتات :ma:
مرور فيصل = أسوأ مرور على وجه الارض
بالقانون
والله دايما كنت بحاول من غير واسطة لكن لما بيقرفوني وأجيب اخري بضطر اجيب واسطة
يعني رخصة السواقة سقطوني بدون داعي قرفت منهم وقعدت خمس سنين ماشي من غير رخصة وبعدين جبت واسطة وروحت طلعتها
وكذلك رخصة العربية بفضل مستحمل لحد الأخر لكن لما تلاقي كل اللي جايبين وسايط بياخدو دورك مرة وعشرة وعشرين بيبقي مفيش مفر ولازم واسطة علشان تخلص
هي رخصه القياده طلعت بالواسطه عشان كان معايا امين شرطه
بس الحلو في الموضوع اني دخلت الامتحان وعديت منه زي الفل مخبطش ولا قمع
والامر المضحك اكتر انه قبل ما امتحن العملي كان الورق مختوم من مدير الوحده يعني الي في ايده الورق هينجحني هينجحني ومدفعتش فلوس بس زبط امين الشرطه الي معايا
رخصه السياره مرتين طلعتها بنفس الامين وكان بيسهل لنا الاجراءات ويقف هوه في الطابور
رخصة العربية طلعتها بواسطة . وهدف الواسطة انجاز الوقت وميبقاش فيها بكرة وبعد اسبوع والكلام دا . لكن اكيد كل الورق كان كامل وكل حاجة كانت تمام
اما رخصة القيادة امتحنت خاصة مدخلتش المدرسة وكانت النتيجة انى خبطت قمع واحد وهو اخر قمع وانا رجع من حرف s ومرضيوش يمتحنونى على عربيتى امتحنت على عربية ربع نقل موديل 72 متتوصفش من غير مرايات . وكانت النتيجة انى اخدت تلت شهور . ولازم التلت شهور يخلصوا عشان اقدم على مدرسة حتى .. ولحد دلوقت مستنى التلت شهور يخلصوا
يارت بقى حد يقولى ايه عقوبة السير بدون رخصة قيادة . هل فيها سحب السيارة ولا سحب رخصة السيارة ولا حبس ولا غرامة ولا دا كله . وايه أسوء حاجة ممكن تحصل فى الموضوع دا ؟
بسم الله الرحمن الرحيم
الاجابة تونس