الموضوع: السيراتو اتدمرت

المشاركة الأصلية كتبت بواسطة yasserelsayad

انا حاطط الصور على الموضوع دا عشان تقريبا نفس الحادثة بظبط.
و بعدين ان مقلتش ان الجيتا اتقلبت .. العربية عامت منه و دخلت فى السور اللى فى نص المحور.و السيراتو باردوا متقلبتش فى الموضوع دا فا ياريت لما ترد على حد ترد على اد ما هو كاتب او على اللى هو بيتكلم عليه.
ثانيا انا متهمتش اى حد بأى حاجة ولا جبت سيرة السيراتو بتتقلب ولا مبتتقلبش
ثالثا انت اصلا مش معاك العربية ليه بقى بتدخل تكتب عنها من مجرد الاستماع عن حوادث او مشاهدة صور لحادثة فقط دون معرفة الاسباب الحقيقية اللى تسببت فى الحادثة.
وبعدين ملاك العربية بيدفعوا عنها عشان العربية معاهم معملتش اى حاجة او مش مفيش مشكلة بالنسبة ليهم .. زى كدا لما ملاك تويوتا لما كانوا بيدفعوا عن العربية لما كان حد يشتكى من عيب فيها ولكن لما الشركة هتسحب العربيات بسبب العيوب كلوا ابتدى يقول العيوب اللى عندوا.
انا مثلا معنديش تويوتا فا مش بدخل اتكلم و اعد اقول نشوف حل و نفكر طيب انا مالى هى المشكلة مش بتاعتى انا اصلا دى بتاعة ملاك العربية هما اللى هيبقوا يشوفوا الحل دا بنفسهم لما تبقى تظهر العيوب فى عربياتهم.

احنا الحمد لله عندنا الالمانى و الفرنساوى و الكورى و كنا ملاك سابقا لليابانى و الحمد لله مش بشتكى خالص من السيراتو ومريحانى جدا الحمد لله.

أولا حضرتك اعطيت مثال على الموضوع بالجيتا فطبيعي لازم افهم من الكلام ان حضرتك بتضرب مثال بالعربية الجيتا على ما نتحدث عنه وهو ان السيراتو حوادثها قلب كتير وشئ ملاحظ وإلا مكنش يبقى المثال والصور اللي حضرتك اشرت اليها ليس لها مجال في الحديث بتاعنا

ثانيا انا اكتب في المكان اللي انا عاوز اكتب فيه لأن ده حقي ليا ولأي احد هنا في المنتدى مادام لا اتكلم عن شخص احد او لا اهين احد وكلامي لم يتعدى حدود اللياقة
ولو حضرتك شايف ان ده مشكلة ممكن تتحدث مع الأدارة في الموضوع ده
ولكن لا تلقي عليا اوامر فكلنا اعضاء ولا احد فوق الأخر لكي يلقنه اوامر وقواعد من عنده اما غير ذلك فرجاء احتفظ به لنفسك او تحدث مع الادارة فيه انما انا فحدثني عما اتكلم فيه عن السيارات فقط

ثالثا أحب اوضح لحضرتك اني لست ممن يتفرج في المنتدى ولست ممن يتكلم في شئ لا يعلم عنه
وأظن ان المنتدى هنا لو مفيهوش حد بيتكلم عن ما يعلمه او يعرفه فأكيد مش هيبقى له اي لازمة فواضح ان حضرتك مش واخد بالك من فايدة المنتدى وان هنا تبادل خبرات بالمعلومات مش بالعربيات اللي راكبينها وانا والحمد لله لا اتكلم عن شئ الا وعندي على الأقل علم بما اتكلم فيه
وتقبل تحياتي

المشاركة الأصلية كتبت بواسطة hobiko

الغريب إلي بيتكلم على ال-cerato و شايف انها فيها مشكلة مش من ملاك العربية

و الغريب بردو إن كل كلام ملاك العربية على اختلافهم بيأكدو على نقطة تفوق العربية في الثبات

و الثبات بتعريفه في حالات الغرز المفاجأة رغم إن دة مش تعريف كافي للثبات

أنا معايا كورولا ٢٠٠٧ و أشهد إن ثبات النيو cerato أفضل بكتير من الكورولا ٢٠٠٧ (بتعريف الثبات الي مذكور فوق)

لكن إلي يقولك الكورولا عاميت و لفيت حولين نفسها و طلعت فوق الرصيف و نزلت تحت الأرض و إضرب عليها صاروخين بازوكا و كل دة مقلبتش

كدة بقى ثبات الكورولا تمام لأ طبعاً دة ستر ربنا مش أكتر

دة بقى مقياس الثبات لأ طبعاً

و بعدين ازاي نحكم على حادثة من غير ما نعرف ظروفها و ملابساتها

ازاي نحكم عليها من شكل العربية بعد الحادثة إذا كنت إتألبت بوشها ولا بدهرها

ازاي نحكم على العربية انها قلابة و الرجل محترم إلي اتقلب بيها بيقول بنفسه العربية مش قلابة

في النهاية احنا ملاك العربية راضيين تماماً عن العربية

و الناس المحترمين إلي إختبرو العربية اكدو على تفوق العربية في الثبات

http://www.nilemotors.net/Nile/83428-a.html

http://www.nilemotors.net/Nile/112814-a.html

و تقييمات العربية برة مصر إلي نجحت فيها العربية بامتياز

أما إلي بيحاول يضايق ملاك العربية و يكدبهم و يشكك في تقييمهم للعربية فدي حاجة مش جديدة عليه إذا كان عمل كدة مع زمايله في قسم تاني لما إشتكو من مشكلة في عربيتهم و قعد يكدب فيهم و يشكك في كلامهم لغاية ما طفشهم و بقينا كل فين و فين نشوف الأعضاء المحترمين دول بسببه

واضح إنو جاي يكمل المهمة في قسم كيا

حاول تفرق بين الكلام عن العربيات والكلام على الأشخاص بدل ما تروح تشتكي ان فيه شخصنة وانت اللي بتعملها بكلامك ده
فياريت لو عندك كلام عن العربيات وقولته يبقى تماما وجزاك الله كل خير
اما كلام غير كده فمكانه ليس في مواضيع تتحدث عن العربيات

ولا اعرف بماذا اصف كلامك ده غير انه

وعلى فكره الصورة اللي مزعله حضرتك دي العربيه مقلوبة من الأمام وانا مش بفتي ولا بقول كلام من الاوهام لأن ببساطة وش العربيه كله مش موجود والكابوت كله والقوايم بالسقف من الأمام واضح عليهم احتكاكهم الشديد بالأسفلت وبعدين تيجي تشكك في حاجات الواحد شافها بعينه وللأسف الصورة لم تسعفني في ذلك لكي ترى ما عليه شكل العربيه ولكن من المعتبر لدينا هنا ان احنا بنحترم رأي بعض وبنثق في كلام الأخرين مش اول ما نقول حاجه نشكك
حاجه غريبة بجد
يا اخي الفاضل حضرتك مقتنع بكلامك على العين والراس محدش دخل قالك كلامك ده مش عارف ايه ......... لا بنحترمه ونقدره برضه
اما انك تحرمه على غيرك وتبيحه لنفسك انك تحجر على راي احد علشان مش عاجبك فده شئ غريب بصراحه وفي مصلحة من
وبعدين انت بتقولني كلام من عندك هو انا قولت ان الكورولا كده تبقى تمام
انا استشهدت بحادثة قوية لأن السرعة فيها كانت فوق 140 ومع ذلك العربية مقلبتش لأثبت لك انه ليس من السهل ان فيه عربية تقلب بسهولة كده
وتقبل تحياتي
وياريت تفرق في الكلام علشان الواحد ميفهمشي انك عاوز تهاجم الشخصية لأنك مش لاقي رد لما تجده من ادلة تدعم ما نقوله
وبعدين حضرتك بتتكلم في مواضيع الكورولا الجديده ليه هو حضرتك من ملاكها ؟؟؟؟؟؟ ده بمقياسك وليس مقياسي ولا حلال لك وحرام على غيرك