-
السيراتو اتدمرت
ياجماعه للاسف صاحبى وقريبى عمل حادثه بالسيراتو والعربيه اتدمرت
كبوت واكصدام وفانوس الجانب الشمال كله والخبطه ليها اثر على البابين اللى فااليمين
الايرباج مفتحش
المهم العربيه دى متأمن عليها لو عايز يمشى فى اجراءات التصليح تبع التامين يعمل ايه
سبب الحادثه العجله اللى ادام فرقعت مش عارف ازاى العربيه مكملتش 20 الف على بعض والعجل فرقعت وخبط فى سور
ا
-
حمد الله على سلامة قريبك ..
واللى ييجى فى الريش بقشيش ..
-
حمدالله على سلامته
وربنا يستر علينا جميعا ....
-
ربنا يعينه
هوة جنطه كان 17 ولا كام
-
قدر الله وما شاء فعل ......والله يعوض عليه
-
الستر من عند الله اول حاجه هيتصل بشركة التامين علشان فى بعض الشركات على ما اعتقد بتبعت مهندس معاينه وعموما يتصل بيهم وهما هيقولوا لله يعمل ايه
-
الحمد لله على سلامته
وان شاء الله ترجع زى الاول.
-
انشاء الله ترجع زى مكانت ..
-
هى العريبه جنوط 16
و شكرا ليكم على شعوركم الطيب ده
وان شاء الله هحاول ارفع الصور من على الموبايل
الحادثه زى ما بيقولى كان فى صلاح سالم عند جامع الشرطه وهو ماشى 80 / 100 كده وكان هياخد غرزه بس لاقها ما تجبهوش فهدى لاقى العربيه عامت منه وقاعدت تلف الطرق حولين نفسها لحد ما خبطت فى الرصيف و ركنت وطلعت على الرصيف وعمود النور وقفها بس عمود النور محصلهوش حاجه
العجله القطع اللى فيها من الجنب عن الكلام اللى بيقبى مكتوب على الكاوتش مش من النقشه فهمنى
فمش عارف ايه اللى خالى العربيه تعمل كده ممكن تكون عامت منه وحصل كده
ممكن يكون الكاوتش ضرب فحصل كده بس كاوتش يضرب بعد 20 الف مش غريبه
مش عارف الصراحه
-
اعتقد ممكن تكون العربيه عامت نتيجه حركه الدركسيون السريعه مع الفرامل (كان حياخد غرزه و هدى و غير رأيه) و الكوتش فرقه و العربيه بتطلع على الرصيف او و هيا بتدور حوالين نفسها
و الله اعلم
Content Relevant URLs by
vBSEO 3.6.0 PL2