ده صحيح يا شباب , انا بقالي 350 كيلو بحاول مزودش عن ال80 كيلو في الساعة
على كلام ( محمد زكي )
وبعدين بالصدفة كنت معه واحد صاحبي , وعرفني على انتيمه ( المدير الرئيسي لورشة فرع العبور - رينو ) - واسمه : مهندس محمد عمر , المهم سألته على حاجات كتير
وفي وسط الدردشة كنت بقوله : المفرود اني مزودش عن ال80 خالص
فوجئت انه بيقولي : ياباشا الرينو كلها موتورها بيتلين قبل ما يخش العربية اصلا
قلتله : ازاي المفروض اني افضل 1000 كيلو تليين !
قالي " والله العربية متلينه وعيش حياتك عادي خالص
احنا بس زياده تأمين عالعربية بنقترح انك اول 1000 كيلو ماتزودش عن 120 كيلو في الساعة
لحد ما الموتور يطبع ويبقى تمام وانت كمان تكون اتعودت عالعربية
انما عيش حياتك عادي والتكييف عاديييييييي
- انا طبعا قلقت منه وقلت اكلم 16202 احتياطي وزياده تأكيد
كلمت واحد هناك , قالي هحولك على الورشة , وكالمني واحد مش فاكر اسمه
المهم قالي نفس الكلام بتاع صاحب صاحبي ( مهندس محمد عمر )
- ومن ساعتها وانا عايش حياتي بس بحاول ماوصلش اكتر من 3.7 RPM
لحد اما اكمل ال1000 كيلو انشاء الله

والله يا جماعة الكلام ده صحيح وربنا شاهد عليا

ارجو التعليق والرد