مشكله في فرامل الادا 2107 موديل 94

**Anti_virus_abdo** · 22-11-2007 04:10 AM

المشكله بتحصل لما اجي اضغط علي دواسة الفرامل بسمع اصوات تشبه اصوات جر السلاسل كده :D
مش عارف هتفهمو وصفي العجيب ده و لا لأ و الصوت ده بيبفي في العجل الي ورا فقلت اتأكد ده تيل و لا لأ فا رفعت الهاند بريك و انا ماشي بس معملتش الصوت ده صفرت باين بس :-)
المشكله التانيه و هي اني لو دوست فجأه فرامل جامد اوي (في موقف طارئ او حاجه ) و بعدين لما اجي امشي تاني بحس العربيه مكلبشه في الارض شويه و دواسة الفرامل بتعلي عن وضعها الاصلي و بتبقي ناشفه بس لما بعد ادوس عليها جامد تاني بترجع لوضعها الاصلي و بتروح كلبشة العربيه الي في الارض
علما بأن المشكله ديه (مشكلة الصوت) بقلها يمكن 4 شهور بس انا منفض الصراحه لكن المشكله التانيه بقلها كتيييير اوي يمكن اكتر من سنه و ودتها ابل كده للميكانيكي و فضالي الزيت و حط جديد و طلع الهوا و كل حاجه و اعدت يومين كويسه و رجع الصوت تاني
اه برضه معلش كنت عايز اسأل اصحاب الادا هي الفرامل مشوارها المفروض يبقي طويل اوي ؟؟ اصل انا عندي مشورها طويل اوي يعني ممكت تدوس نص الدواسه تقريبا فاضيه و بعدين تبتدي تلاقي الفرامل
ارجو الرد علي استفساراتي و اسف علي التطويل :-)

**Anti_virus_abdo** · 23-11-2007 01:46 PM

هو محدش يعرف حل للمشكله ديه ؟؟

**ahmed1981** · 30-11-2007 04:55 PM

الفرامل محتاجة طقم صيانة كامل
بعد الكشف طبعاً
تيل ورجلاش وتاخد الهواء ولو الطنابير وحشة أخرطهم

**SAMER_ENGINES** · 14-12-2008 01:26 PM

حضرتك الميكانيكي غلطان او مش فاهم حاجة لاني صوت يبقي في مشكلة في التيل ممكن يكون التيل فك من مكانه و دي بتحصل لما البرشام بتاع التيل الخلفي يكون اي كلام او التيل يتهري اووي اووي.
لازم تحل و تشوف بنفسك و اعملها عند حد بتاع فرامل عشان الميكانيكي ميشتغلكش و ربنا يستر و ميكونش التيل بوظ الطنابير و 99% هتحتاج خرط طنابير و ده الافضل عشان التيل الجديد ميبوظش.
بالنسبة لطول المشوار فنفس الموضوع عندي في اللادا 2105 الفرامل مشوارها طويل لكن لو عايز تعليها ميكانيكي الفرامل يعليها.