بشرى لاعضاء نايل موتورز الكرام للسيارات وقطع الغيار لسنة 2010

السلام عليكم ورحمة الله

تم منع دخول السيارات الفرز التانى للسوق المصرية للسيارات لسنة 2010

اكد المهندس صلاح الحضرى امين عام رابطة مصنعى السيارات انة سيتم منع السيارات الفرز الثانى التى لاتتبع شروط السلامة والبيئة من دخول السوق المصرية فور التوقيع على اتفاقية الامم المتحدة (دبليو بى 29) العام المقبل وقال :ان الالتزام بهذة الاتفاقية سوف يدفع للسوق المصرى بسيارات فائقة الجودة والامان والسلامة وايضا قطع الغيار الاصلية كما انها تعد خريطة للطريق لدخول سيارتنا المجمعة محليا الى البلاد الموقعة على الاتفاقية

واضاف :ان مصر وقعت 87 بندا من 126 بندا فى الاتفاقية وان التوقيع على باقى البنود سوف ياتى تباعا .


علامة سلامة مصرية ملزمة للسيارات المستوردة محليا
اعلن د.هانى بركات رئيس هيئة المواصفات والجودة انة سيتم اصدار علامة سلامة مصرية ملزمة للسيارات المستوردة والمنتجة محليا بمكونتها لتكون بمثابة دليل المستهلك على ان هذا المنتج مطابق للمواصفات الدولية مما سيمنع تجارة قطع الغيار المغشوشة واكد ان سلامة خط احمر لايمكن تجاوزة بالنسبة للبائع والمشترى وهذا لمصلحة المستهلك كما سيتم تطوير دورة الهيئة فى تنظيم ومراقبة تحقيق معايير السلامة .

معنى كدا اننا مش هنشوف جيلي و ماهيندرا و لاند روك و ليفان و الحاجات الغريبة دي ؟؟

الحكاية شكلها كده بيتكلموا فى استيكر يتلزق وعندنا ناس بتطبع الاستيكرات بجوده افضل من اللى المصنع منزلها

مش هتفرق كتير ، الناس كلها عارف اللى فيها

اليابانى يابانى

الأوروبى أوروبى

الكورى كورى

الصينى صينى

اللى عاوز يشترى عربية كويسة هيشترى عربية يابانى أو أوروبى ، واللى عاوز يوفر هيشترى كورى او صينى

بس كده

وبعدين العربية الكويسة بتعلن عن نفسها

ياجماعة العربيات مش حتنزل بجودة اقل بعد كدة وحيتطلب نزولها توفر وسائل الامان بها

حاجه كويسه ويارب تكمل ع خير

خطوة ممتازة............تحتاج رقابةو متابعة..........

اقتباس:

---

المشاركة الأصلية كتبت بواسطة successcre8or

معنى كدا اننا مش هنشوف جيلي و ماهيندرا و لاند روك و ليفان و الحاجات الغريبة دي ؟؟

---

بالعكس يا استاذ محمد

دانا متوقع ان العربيات دى هاتزيد على اعتبار ان فيها وسائل امان :(

وعربيات كتير زى نيو أكسنت وجيتز وريو وغيرها ماتنزلش غير بعوامل امان

والله اعلم

هو الشكر الواجب علي الخطوة دي للمهندس رشيد محمد رشيد

وفي انتظار التنفيذ

انا شامم ريحه كونتاكت فى الخبر مش عارف ليه

يعنى ايه عربيه فرز تانى ؟ فيها عيب فى اللحام مثلا فبقت فرز تانى ؟

ولا طلعت اصغر من مقاسها شويه فبقت فرز تانى

هو صحفيين السيارات وصل بيهم الجهل و ضعف الالفاظ للدرجه دى !!!!

الكلام الصحيح اللى يتقال ان هيتم فرض معايير لمعدل الامان والصداقه للبيئه للسيارات المستورده , مش فرز أول وتانى

هو احنا بنستورد جواكت !!!

قرار ممتاز المهم التنفيذ

اقتباس:

---

المشاركة الأصلية كتبت بواسطة ahmed0nouh

انا شامم ريحه كونتاكت فى الخبر مش عارف ليه

يعنى ايه عربيه فرز تانى ؟ فيها عيب فى اللحام مثلا فبقت فرز تانى ؟

ولا طلعت اصغر من مقاسها شويه فبقت فرز تانى

هو صحفيين السيارات وصل بيهم الجهل و ضعف الالفاظ للدرجه دى !!!!

الكلام الصحيح اللى يتقال ان هيتم فرض معايير لمعدل الامان والصداقه للبيئه للسيارات المستورده , مش فرز أول وتانى

هو احنا بنستورد جواكت !!!

---

لا هما كانوا يقصدوا بفرز تانى العربيات اللى كان بينزل فيها عيوب صنع وسيارات تقفيلها غير جيد زغير مطابقة للمواصفات الامان وردائة الخامات الموجودة بها وظهور اعطال وعيوب مصنعية ودة شايفينة كتير فى مصر

اقتباس:

---

المشاركة الأصلية كتبت بواسطة michohat

الحكاية شكلها كده بيتكلموا فى استيكر يتلزق وعندنا ناس بتطبع الاستيكرات بجوده افضل من اللى المصنع منزلها

---

ممفيش الكلام دة هما حيستوردو كوبيات وطاسات من هناك مفيش حاجة اسمها تطبع الاستيكر لان الموضوع حيبقى علية رادع دا غير التزام المصنعين ببيع المنتجات الحاملة لعلامة الجودة وحيبقى فى منافذ لبيعها مهما عاملين علامة لية واكيد حيقولو العلامة الاصلية عاملة ازاى على المنتج واكيد مش حيكون باتش بيتلزق

اقتباس:

---

المشاركة الأصلية كتبت بواسطة SuccessCre8or

معنى كدا اننا مش هنشوف جيلي و ماهيندرا و لاند روك و ليفان و الحاجات الغريبة دي ؟؟

---

حنشوف بس حتبقى خامات المستخدمة فى موديلاتها 2010 مش حتكون بها عيوب وردائة صنع وحتنزل بافضل الخامات وطبعا وجود وسائل امان فعالة يعنى حيبتدو يتاكدوا ان العربية صاجها مش ضعيف وتكون مطابقة للمواصفات الامان الاوروبية مش فكرة انها فيها abs وairbags تبقى كدة تمام لا طبعا ومش صينى بس لا كورى كمان

اقتباس:

---

المشاركة الأصلية كتبت بواسطة hani945

مش هتفرق كتير ، الناس كلها عارف اللى فيها

اليابانى يابانى

الأوروبى أوروبى

الكورى كورى

الصينى صينى

اللى عاوز يشترى عربية كويسة هيشترى عربية يابانى أو أوروبى ، واللى عاوز يوفر هيشترى كورى او صينى

بس كده

---

انا معاك بس كلة حينزل بجودة عالية دا غير قطع الغيار ذات جودة افضل ودة حيبتدى يبان فى الصينى والكورى ومننكرش ان اليبانى والالمانى بينزلو بعيوب صنع

فى رأيي...اهو كله كلام

اقتباس:

---

المشاركة الأصلية كتبت بواسطة ice_wolf

لا هما كانوا يقصدوا بفرز تانى العربيات اللى كان بينزل فيها عيوب صنع وسيارات تقفيلها غير جيد زغير مطابقة للمواصفات الامان وردائة الخامات الموجودة بها وظهور اعطال وعيوب مصنعية ودة شايفينة كتير فى مصر

---

يا باشا المصانع على مستوى العالم كله فيها مراقبه جوده لكل المنتجات اللى طالعه من المضنع وفى طريقها للمستهلك , الفرق بين التقفيل هنا وهناك ان الموضوع بس هناك بياخد حقه فى المراقبه واللى بيراجع بيكون عنده ضمير شويه فالعربيه لو فيها عيب تدخل تانى المصنع تتعدل بعكس هنا فى ظل انعدام الضمير فى اى شغلانه ممكن عربيات بعيوب تقفيل تظهر , يبقى كدا حته التقفيل ده مش من ضمن الاتفاقيه لأن محدش هيقف فى الميناء يراجع عربيه عربيه من اللى داخلين

سوء الخامات مفيش حكومه فى العالم تقدر تفرض قيود عليه لأنه بيع وشراء وامكانيات حسب السعر , الشركه لو عملت التابلوه اكياس بلاستيك والمشترى جايبها وعارف كدا يبقى هما احرار مع بعض

فيتبقى الامان و معدل انبعاثات الغازات الضاره

المعايير اللى هتيم تطبيقها مش حديثه و مش بالقسوه اللى بنشوفها مثلا فى اوروبا لأن سوقنا لا يحتمل القيود من النوع ده علشان لو صدرنا دماغنا فى حاجه مثلا مفيش شركه برا مستعده تعملنا خط انتاج منفصل بمواصفات خاصه تناسب كلام الحكومه , فالموضوع مش هيفرق كتير ولا هيتغير كتير لأن ببساطه لو قولنا بكره الصبح مفيش عربيات هتدخل مصر بمعدل امان اقل من 3 نجوم يبقى سوق تحت ال 100 ألف جنيه اتضرب فى مقتل والمنافسه هتصفصف على عربيتين ولا حاجه

ولو قولنا معايير بيئيه صارمه هنطلب العربيات بمواصفات ومحركات غير مستصاغه فى مصر وقد ترفع من تكلفه العربيات المستورده

يبقى كليا فيلم معايير الجوده المصريه ده يا كلام فى الهوا علشان نقول اننا متحضرين , يا اما كلام هيتطبق وهيبقى مش فى مصلحه الشعب وهيعقد الدنيا اكتر

اقتباس:

---

المشاركة الأصلية كتبت بواسطة ahmed0nouh

يا باشا المصانع على مستوى العالم كله فيها مراقبه جوده لكل المنتجات اللى طالعه من المضنع وفى طريقها للمستهلك , الفرق بين التقفيل هنا وهناك ان الموضوع بس هناك بياخد حقه فى المراقبه واللى بيراجع بيكون عنده ضمير شويه فالعربيه لو فيها عيب تدخل تانى المصنع تتعدل بعكس هنا فى ظل انعدام الضمير فى اى شغلانه ممكن عربيات بعيوب تقفيل تظهر , يبقى كدا حته التقفيل ده مش من ضمن الاتفاقيه لأن محدش هيقف فى الميناء يراجع عربيه عربيه من اللى داخلين

بص ياحمدالموضوع اللى انت ناسية ان هنا فى مصر العربية بتيجى بتبقى فيها ردائة صنع دا غير فيها عيوب مبتتحلش حتى فى التوكيل وبيبقى منزوع منها كماليات ووسائل الامان بتنزل فاضية
سوء الخامات مفيش حكومه فى العالم تقدر تفرض قيود عليه لأنه بيع وشراء وامكانيات حسب السعر , الشركه لو عملت التابلوه اكياس بلاستيك والمشترى جايبها وعارف كدا يبقى هما احرار مع بعض

الكلام دة غلط طبعا فى دول بتفرض جودة المنتجات وبتحارب المنتجات المضروبة للحفاظ على المستهلك بس الكلام دة طبعا لايطبق فى مصر وبنزل درجة 3 برة لو نزل التقليد فبيبقى درجة اولى ومفيش منتجات مضروبة وقطع غيار برة


فيتبقى الامان و معدل انبعاثات الغازات الضاره

المعايير اللى هتيم تطبيقها مش حديثه و مش بالقسوه اللى بنشوفها مثلا فى اوروبا لأن سوقنا لا يحتمل القيود من النوع ده علشان لو صدرنا دماغنا فى حاجه مثلا مفيش شركه برا مستعده تعملنا خط انتاج منفصل بمواصفات خاصه تناسب كلام الحكومه , فالموضوع مش هيفرق كتير ولا هيتغير كتير لأن ببساطه لو قولنا بكره الصبح مفيش عربيات هتدخل مصر بمعدل امان اقل من 3 نجوم يبقى سوق تحت ال 100 ألف جنيه اتضرب فى مقتل والمنافسه هتصفصف على عربيتين ولا حاجه

كلامك غير صحيح عربيات اية اللى اقل من 100 الف اللى مش حنشوفها 3/4 العربياتن الموجودة بتبتدى من 50 الى 100 الف واخد 3نجوم و4 نجوم خير دليل عندك سوزوكى سيلاريو كيا بيكانتو هيونداى i10 وكمان التقيم مش حيبقى بالنجوم حيبقى على اساس جودة الخامات المصنعة مش تبقى عربية ورق زى الفيرنا مثلا لو لغو العربيات الللى زيها دى تبقى مصلحة مش ضرر


ولو قولنا معايير بيئيه صارمه هنطلب العربيات بمواصفات ومحركات غير مستصاغه فى مصر وقد ترفع من تكلفه العربيات المستورده

هما مقلوش فى التقرير اى شروط على المعايير البيئة الموضوع بيتكلم عن العربيات وقطع الغيار وجودة الصنع والخامات وتوفر وسائل الامان والبعد عن استيراد السيارات المستوردة محليا التى بها عيوب وردائة صنع
يبقى كليا فيلم معايير الجوده المصريه ده يا كلام فى الهوا علشان نقول اننا متحضرين , يا اما كلام هيتطبق وهيبقى مش فى مصلحه الشعب وهيعقد الدنيا اكتر

---

انت منتقد الموضوع لية مفيش حاجة اسمها كلام فى الهوا مدام مضو على بنود تلزمهم بكدة واحنا مش مستنين العربيات تبقى خاماتها جيدة فى الصنع علشان نبقى متحضرين التحضر مش بالعربية

الحكاية دي ريحتها وحشة

هل الموضوع ده ليه علاقة بتخفيضات الجمارك ؟

الكلام على العربيات كلها ولايختص بالعربيات الاوروبية فقط وكمان نادرا لما اسمع ان الاوروبى فى خامات ردية او فرز تالت وتخفيض الجمارك على الاوروبى فقط

الكلام كتير المهم الفعل ما احنا كلام كلام .........

انا كونت عارف الموضوع ده لان المهندس / على توفيق رئيس الرابطة المصرية للصناعات المغذية للسيارات كان فى الجنه المشرفه على اتخاذ القرار و عرفته منه الاجراءات الواجبه على المصنع و الواجبه على المستورد و لو حد حابب يتعرف عليهم اكتر انا ممكن ابعتهالوا

اقتباس:

---

ان الالتزام بهذة الاتفاقية سوف يدفع للسوق المصرى بسيارات فائقة الجودة والامان والسلامة

---

يا خوفى من المبالغة.....

عم غبور بيشيل وسائل الامان من العربيات وبيعه بثمن ده طيب لما يحط وسائل الامان عيكون سعر العربية كام