لاحظت أن الكثير منا
وأقصد الشعب المصرى عامة
وليست عائلة نايل موتورز
متأثر بشكل كبير جدا لما حدث لنا فى السودان من هزيمه غير متوقعه
وكانت آمالنا معلقه فى الوصول لكأس العالم
على الأقل فى ترويح النفس التى عانت الكثير
وهى حقيقة فى حاجه ماسه للترويح لما نعلمه جميعا
ويظهر مكتوب علينا عدم الفرحه
شعب طول عمره محمل بالآلام
فكان الله فى عونك أيها الشعب المصرى
الذى كتب عليه التحمل والجلد والتصبر
فعسى أن يكون لنا الجزاء الطيب من عند خالقنا يوم القيامه
طبعا الأسباب كتير وراء ماحدث وتحتاج لعمق فكرى كبير
لمعرفة الآثار التى أوصلتنا الى مانحن فيه
وسبب كتابتى لهذا الموضوع
أننى وجدت الزملاء فى قسم الدايو متأثرين بشكل كبير لما حدث لنا فى المباراه النهائيه
وكان هذا هو رأيى
---------------------------------------------------
الحقيقه رأيى من رأيك يادكتور : ياسر
ليه العصبيه دى على كرة القدم
هو ده مستوانا وفكر لعيبتنا
يطلعوا على الرابع فى أول المباراه
وبعد كده ننه نوم
عاملين زى اللى بيطلع بالعربيه أمريكانى
لحد مايفوت الفتيس الأوتو
وبعد كده العربيه متسحبش
طيب ليه مننقلش صح علشان نحافظ على الفتيس
هو ده اللى بيحصل للعيب المصرى تماما
يبقى نستاهل اللى يجرالنا
أما لو لعبنا بحماس من البدايه لنهاية المباراه
كان الحال غير الحال
دا غير أن فكر مدربينا على قده
علشان عماد متعب جاب جول براسه فى آخر الماتش بتاع أستاد القاهره
لعب كل مباراة السودان
يعنى مفيش فكر صح
لا ودايما اللعيب المصرى لما بيتشهر
بيبدأ يدلع ويعيش على الذكرى القديمه اللى عملها
طيب ليه ميكونش مستواه على طول فى صعود
يبقى ده منطق يحتاج أننا نختلف عليه
دا حتى لو دخلنا كاس العالم
كنا يادوب لحد نيجيريا والطياره حترجع
يبقى يجب أننا نصحح مافى الداخل
لكى نستطيع أن نجابه مافى الخارج
مش كده ولا أيه
الله يرحمك يافؤاد يامهندس
----------------------------------------------------
فأرجو ممن يقرأ الموضوع ويحب أن يضيف تعليقا
بأن يتعمق فى الفكر مع نفسه
ويقول رأيه فى الكلام ده