المحرات يطلق عليه ايضا الشبين وهذا الاسم منتشر اكثر ببورسعيد ويتراوح سعر الكيلو ما بين 10 الى 15 جنيه للكيلو نىء بعد السلخ والذى منه وهو غضاريف مش شوك وطعمه فعلا رائع بس يفضل ميتحطش فى الثلاجة كتير علشان بيجرمز.
على ذكر السمك فيه انواع كتير جدا معتقدش ان الناس تعرفها هنا زى نوع مثلا اسمه ابو كرش وهو سمك صغير جدا وملوش كرش خالص, عندك اللوت ودة حاجة طويلة كدة شبه البورى وطعمه جيد جدا, طبعا فى سمك موسى ودة لما بيتقلى بيبقى وهمى وبالذات الحجم الوسط, وفى باغه ودة من عائلة القاروص وديله ملون برتقالى ولما بيتشوى بيبقى وهمى, وكمان فى السهلية ودة سمك سغير شوية ولكن طعمه جيد جدا فى الشوى ومش بياكل الا جمبرى, وفى نوع اسمه الـ نُقط ودة برضة ممتاز فى الشوي وعند يا سيد القطع ودة البورى الصغير وما احلى البورى البحارى او بتاع الكنال وسيبك من المزارع والاونطة دى وطبعا الجمبرى بانواعه سواء الصغير او السويسى او العرايشى وبالمناسبة الجمبرى هاجم اليومين دوول وبالتالى سعره رخيص فى بورسعيد, كيلو الوسط بـ 45 جنيه وكيلو السويسى المتوحش بـ 110 جنيه, وبالهناء والشفاء.
ابقى شرفنا يا عم كيمو فى بورسعيد واحنا نأكلك سمك تحلف بيه بس انت انوى وقول يا باسط :mrgreen:
المفضلات