السلام عليكم ورحمة الله وبركاته
ايه انواع الاطارات الكويسة في مصر بس يكون سهرها مناسب لملاكي مقاس 13 و سعرها كام من اهل الخبرة
و شكرا للجميع
عرض للطباعة
السلام عليكم ورحمة الله وبركاته
ايه انواع الاطارات الكويسة في مصر بس يكون سهرها مناسب لملاكي مقاس 13 و سعرها كام من اهل الخبرة
و شكرا للجميع
كل واحد هيقولك رايه الشخصى عن تجربته بس انا شخصيا محترم البريدج استون
طبعاٌ احسن نوع هو الميشلان و البريدجستون والكونتنينتال ومقاس 13 فى الأنواع دى من 275 الى 325 وانا عن نفسى لسه مغير طقم كامل ماركة كومهو كانت الفرده ب190 جنيه بالترصيص والتركيب هو يعتبر كويس وبينزل فى الشيفروليه الأوبترا وهو صناعته كورى
أنا بأحترم الكومهو
نظرا لتجربتى معه على مدار 8 سنوات
لأن تمنه معقول ومعملش معايا مشاكل
انا عاوز اركب بريدجستون بس مش عارف اجيبه منين . هل فيه توكيل ناحيه المهندسين او المعادى ؟؟؟
اكيد افضل الانواع الميشلان الفرنساوى وبعدية البريدجستون يبانى او المانى مش متزكر تقدر تقول عاليهم التوب
وبعد كدة فى انواع كتير فيها حاجات محترمة بردو واسعار اقل من النوعين دول
مثلا عندك الجوديير , الكونتنتال , البريدجستون الاندلوسى , البيرلى , الكومهو, النانكينج .التويو,.....................وانواع كتير بس دول اللى متزكرهم
عن تجربة فى عربيتى الكومهو جميل ومش غالى وركبت بعدية النانكينج من شهرين كدة لحد الان عاجبنى ومريحنى ومشتكتش منة
وعن تجربة مع اصدقائى وبعض الاقارب
الميشلان الفرنساوى التوب , البريدجستون رائع جدا بس مش الاندلوسى لأن بينهم فرق واضح فى الخامة والاداءوالسعر, الكومهو سعرة رائع وعجلة محترمة يعتمد عاليها ,التويو عجلة معفنة ومن اى دوسة فرامل عنيفة لازم الكاوتش يصرخ,البريلى جميل ومحترم
يارب اكون قدرت افيدك
بالنسبة لحضرتك المقاس عندك 13 يعنى لو جبت الميشلان او البريدجستون الاصلى هترتاح جدا وهيعجبك اوى هو سعرة غالى بس بالنسبة للمقاس بتاعك مش هيعدى ال350ج للفردة دة بالكتير اما لو كان المقاس عندك كبير 15 او 16 هتفرق معاك فى النوعين دول والمبلغ دة يادوب هيجبلك كومهو بيرللى جوديير والميسلان والبريدجستون على الاقل ابدأ اتكلم من اول 450 وانت طالع 500 ل600 ج
الكومهو و البريللي حلويين جداً
انا جربت نان كانج و جربت جى تى بس عاجبانى اوى ال جى تى و سعرها تقريبا 225 الى 235 مش فاكر بالظبط و النان كانج بتبقى ارخص 20 جنيه تقريبا
كانضف واحسن وبيعيش بريدجستون ويشيلان
وبعد كده بفضل الكوموهوا
عن تجربة
الميشلان ممتاز - ثباته رائع - امتصاص صدمات ممتاز - للأسف صوته عالى نسبيا
قبل كده كنت جربت ال gt وال الكومهو لا وجه للمقارنة بينها وبين الميشلان
كل حاجة بتمنها ....
كنت سئلت قبل كده على الميشلان مقاس 13 ومش لقيت اصلى منه (لقيت تايلاندى) وكلمت التوكيل ( منتراك) قال لى انه مفيش من المقاس ده الا التايلاندى و مش بيجيبوا من المقاس ده تشكيلات كتيرة لان العربيات الجديده معظمها مقاس 14 فلو حد عارف مكان فيه ميشلان مقاس 13 اصلى يا ريت يدلنا
النكسن ايه رايكو فيه
انا حبت ماكسس تايلاند كويس وشغال وسعره 210
أنا مركب الميشلان الأسبانى
فرده محترمه فى كل حاجه بس مش مثبته الدريكسيون فى الملفات زى الجوديير .
طبعا الميشلان والبردجستون لا تعليق عليهم لانهم ممتازين بس سعرهم عالى شويه لو بتدور على حاجه معقوله انا مركب جود يير من 3 شهور وكويسين جدا الفردة كانت ب 215 بالتركيب بس كاوتشه ممتازة وطريه جدا فى المطبات وسعرها مقول يكفى انه كاوتش الطائرات
الجود يير فرده محترمه جدا وعندك الفلودا الالماني محترمه جدا جدا ويكفي انها الماني وانا مركب منها من 6 شهور والصراحه زي الفل وطبعا زي ما سبقوني الاخوه البريجيستون الياباني ده فوق الكل
السلام عليكم. انا بسوق من زمان و جربت الانواع الاتيه
1- بريدجستون و دى الاصلى منها انظف حاجه و بتعطى العربيه احسن اداء و دى رقم 1 فعلا و جامده فى الحرى
2- الميشلان . كويسه جدا بسه كان صوتها عالى شويه على الطريق بس انا كنت جايب 175 و اطول نوع جربته عمرا. فضل شغال لغايه مزهقت منه و غيرته و كان ممكن يعيش كمان شويه
3- جووديير اكوا . نقشتها جامده جدا و بتعطى العربيه ثبات جامد جدا فى الماء و السوائل اللى على الارض
4- بيرللى برده فرده كويسه و بتعيش
5- هانكوك و كمهو . الاتنين كورى و مصنع واحد و ادأهم و عمرهم على أد فلوسهم و هما مش وحشين
6- أخيرا جربت الكورسا و لحد دلوقتى الحمد لله مش بطاله
ارجوا انى اكون قد اضفت
corsa is very hard and this is to bad for the car
شكرا ع الافادة ياشباب
ايه رأيكم في اللاسا الميراتا التركي
http://www.autogumibolt.hu/images/fu...iratta%20k.jpg
عشان عارف هاتقولوا اللاسا بينزل في الفيرنا وزفت
حد جرّب النقشة اللي بقول عليها دي وايه رأيكم العملي في اللاسا كماركة
مع العلم ان سعرها اعلي بسيط من حاجات كتير بتتكلموا عليها
لا انا سمعت ان اللاسا مش حلو خالص و بيتمسح بسرعة كنقشة
و نوعية مش كويسة
اللاسا عن تجربه كاوتش ممتاذ فى الثبات ولكن صوته عالى جدا" وناشف ولكن بيستحمل البهدله ونقشته مبتتمسحش
اعتقد الكومهو بديل كويس ليه....