نيو أكسنت زيرو
و سيبك من المستعمل إلا لو كنت واثق فيه قوي قوي
عرض للطباعة
نيو أكسنت زيرو
و سيبك من المستعمل إلا لو كنت واثق فيه قوي قوي
عن مجرب خليك فى الالنترا 2008 شرط الحاله
الف شكر لمتابعتكم واهتمامكم وربنا يكركمكم
استفسار بسيط انا بسافر الغردقه مرتين شهريا فهل العربيه الماتريكس مريحه فى السفر وخصوصا فى الكنبه الخلفيه وهل هى اعلى فى المطبات ولا الالنترا وهل دركسيون الماتريكس خفيف لانى كان معايا لانوس وكنت تعبان منها لانى عامل عمليه قلب مفتوح ومحتاج اخف دركسيون ممكن انا عارف ان دركسيون الالنترا كهرباء فهل اخف من الماتريكس و اللانسر
انا سافرت الغردقة بالماتريكس بصراحة اول عربية اسافر بيها الغردقة وماتعبش
والثبات بتاعها حلو جدا انا ماكنتش مصدق بصراحة عموما بردو شوف انت احتياجتك ايه من العربية يعني مثلا الماتريكس الكنبة بتتني ومساحتها جوه كويسة و متهيالي موضوع 80000 ده كتير انا كنت مع اخويا بيشتري واحدة انهاردة ب 64000
بس 2005 و عاملة 60000 كيلو وفيها فتحة سقف وحالتها نضيفة جدا وكان قصاده واحدة عاملة 26000 2006 اتباعت ب 68000 سيبك من السوق وتابع الوسيط واعلانات النت وربنا يكرمك بحاجة كويسة
الف سلامه يا باشا
بص اخف باور هو الالنترا.. لكن باور الماتريكس معقول
انا كان معايا لانوس و بجد الماتريكس فارقه فى حاجات كتيييييييييير افضل من اللانوس
يعنى انا معايا i10 موديل 2009 الباور كهرباء فأخف من الماتريكس و بحسها لو نزلت من واحده و ركبت التانيه وراها.. بس الالنترا الباور فيها اخف من ال i10 الصغيره دى.. بجد غريبه انا مشوفتش باور انعم منها
من ناحية الارتفاع عن الارض الماتريكس عاليه و مميزه جداااا فى الحتة دى و نادرا لما تحك لو محملها كلها على الاخر و الشنطة و مطب رخم و تنح.. لكن الالنترا سمعت كتيير انها بتحك.. اما اللانسر فأعتقد زى الماتريكس مش بتحك و عاليه نوعا ما
بخصوص السفر لا تقلق نهائيا ممتازه انا سافرت بيها مرسى مطروح و الحمد لله مفيش اى مشاكل.. كمان الكنبة الخلفية فى الماتريكس بنظام البانوراما يعنى قعدتها عاليه و تخليك شايف الطريق و طبعا المساحة الخلفية مفيهاش كلام واسعه جداااا
و بعدين يا راجل دا انا كان معايا دايهاتسو ميرا 850 سى سى كنت بسافر بيها الغردقة او شرم ممكن رايح راجع فى نفس اليوم مبتقولش لأ :36_1_1[1]:
بس خد بالك كراسى الماتريكس ناشفه نوعا ما و قماشها خشن مش ناعم زى اللانوس.. الاحسن تنزل اى معرض و تشوف القعدة اللى هتريحك.
انا بصراحه والدى لما بيركب معايا ال i10 بيقعد يتوجع من الكراسى :rfds: اما الماتريكس فبيشكر فيها جداااا
بالتوفيق ان شاء الله
الف شكر بجد ياجماعة اجمل حاجه فى المنتدى ده ان الاعضاء فيه بيهتموا جدا ببعض ومش بيكبروا دماغهم عشان كده انا طول النهار بشغل الكمبيوتر واطفيه مره لمتابعة الموضوعات شكرا جزيلا وربنا يعوض تعبكم خير
انا استقريت على الماتريكس وجارى البحث عن ماتريكس اتوماتيك 2005 او 2006 فى حدود المبلغ اللى حدده الاخ brown بس هل السعر ده للاتوماتيك
السعر ده للاوتوماتيك
انا اخويا خلص مع الراجل ورايح يستلم بكره ان شاء الله
2005 اوتوماتيك عاملة 68000 فتحة سقف كاملة ب 64000
وكان قصاده واحدة تانية 2006 تقريبا نفس العداد وفتحة سقف بردو ب 67000 بس اتباعت
وكان في واحدة 2006 عاملة 20000 كيلو كاملة اوتوماتيك اتباعت ب 70000 تقريبا بس انت تابع الوسيط والاعلانات وبلاش التجار