المشاركة الأصلية كتبت بواسطة a_tantawy7
للأسف الاعلاميين الجهلة المبتدئين في الفضائيات المصرية هم السبب في هذه المشكلة هما اللي سخنوا في الأول وهما اللي هيودونا في
حديد ان شاء الله, و أنا هدي مثل بسيط, حد لاحظ-في زحمة الأحداث-تغيرموقف شوبير 180 درجة بعد مكالمة علاء مبارك لخالد الغندور على دريم واللي قال فيها " أنا مش عارف كابتن شوبير بيقول عروبة ومش عارف ايه, هما ماسكين علينا ذلة" من ساعتها شوبير غير موقفه المساند للوحدة و داعم الأخوة في ليلة واحدة, النهاردة ومن ساعتين بس كان عمال يقطع في الجزائر كأنه لا راح ولا عمل مبادرة مع الشروق ولاغيره واللي يشوفه النهارده مايشوفوش امبارح قبل مكالمة علاء. منتهى الرياء و النفاق و صراعات و خناقات ,كله بياكل عيش و حاجة تقرف_الا من رحم ربي_, على فكرة أنا مش بتكلم كمشاهد فقط أنا مخرج تليفزيون و اشتغلت مع مدحت شلبي و شوبير وغيرهم كتيير وعارف بقوول لحضراتكم ايه, يا اخواننا كل الناس دي بتاكل عيش ومش فارقة معاها لا مصر ولا غيره وحتى لو افترضت أنهم حسوا بالغيرة على الوطن ولو شوية بعد الأحداث الأخيرة فلأسف هم غير مؤهلين بالمرة لقيادة الاعلام المصري في هذه القضية أو غيرها و ذنبنا أن هما اللي ظاهرين على الشاشة وبيمثلو المصريين أسوأ تمثيل أمام العالم كله. أنا هطلب من حضراتكو حاجة أخيرة أعملوا مقارنة سريعة بين أي واحد من دوول وأي مقدم في فضائية عربية محترمة أخرى( العربية أو الجزيرة) وشوفو الفرق , والله العظيم الناس بتوعنا دوول معندهم فكرة وببشر حضراتكو من دلوقتي اننا للأسف هناخد على قفانا ,ارحمنا يارب....