الموضوع: انا قلقان و ابتديت اقلق جامد --- فين الفيديو ولا صور؟

يا جماعة الناس كانت نايمة علي بطنها في الأوتوبيسات و مستخبية تحت العربيات .. و كل حاجة بتتكسر فوق دماغها .. هتصور إزاي .. للأسف الناس مش قادرة تتخيل الموقف لأننا ساعات بنقف نصور خناقات بمنتهي السهولة .. لكن محدش جرب يكون الهدف ! و يكون مطلوب منه التصوير .

بالنسبة للمحاضر .. كل المصريين اللي كانوا هناك كان في دماغهم حاجة واحدة .. نخرج من هنا .. و أخر حاجة كان ممكن تتعمل واحد يفكر يعمل محضر ولا بتاع .. السودان لو كانت تقدر تجيب حق .. كانت قدرت تحمي الأوتوبيسات .. مش ذم فيهم بس دي إمكانياتهم .. مفيش حد كان هيفكر يروح يشتكي لناس مش عارفة تحميه لحد ما يوصل المطار بل و قفلوا باب المطار قدامه !

و طبعاَ الجزائريين لازم يستموتوا فيها و يعملوا محاضر عشان يخلوا موقفهم قوي .. لأن كل اللي عملوه كان مخطط .. بينما رد فعلنا كان لحظي و بالتالي كان عشوائي.

للأسف الموضوع انا شايف صعب إثباته لذلك انا كنت بتكلم في إننا اللي في إيدينا نغير سياستنا و تعاملنا مع اللي حوالينا .. فيفا و كلام كدة أخره سد .. ننسي و نرمي ورا ضهرنا موضوع التأهل .. بس لو حد قدر يصور مع إني أشك .. يا ريت نقدم ملف .

و ده للأسف اللي مأثر في نفسية الجميع .. إننا إتلزقنا علي قفانا بإحترافية و بتخطيط عالي و علي خوانة .

المشاركة الأصلية كتبت بواسطة motorizer

يا جماعة الناس كانت نايمة علي بطنها في الأوتوبيسات و مستخبية تحت العربيات .. و كل حاجة بتتكسر فوق دماغها .. هتصور إزاي

بالنسبة للمحاضر .. كل المصريين اللي كانوا هناك كان في دماغهم حاجة واحدة .. نخرج من هنا .. و أخر حاجة كان ممكن تتعمل واحد يفكر يعمل محضر ولا بتاع .. السودان لو كانت تقدر تجيب حق .. كانت قدرت تحمي الأوتوبيسات .. مش ذم فيهم بس دي إمكانياتهم .. مفيش حد كان هيفكر يروح يشتكي لناس مش عارفة تحميه لحد ما يوصل المطار بل و قفلوا باب المطار قدامه !

و طبعاَ الجزائريين لازم يستموتوا فيها و يعملوا محاضر عشان يخلوا موقفهم قوي .. لأن كل اللي عملوه كان مخطط .. بينما رد فعلنا كان لحظي و بالتالي كان عشوائي.

للأسف الموضوع انا شايف صعب إثباته لذلك انا كنت بتكلم في إننا اللي في إيدينا نغير سياستنا و تعاملنا مع اللي حوالينا .. فيفا و كلام كدة .. ننسي و نرمي ورا ضهرنا .. بس لو حد قدر يصور مع إني أشك .. يا ريت نقدم ملف .

حمد لله على اسلامه يا عزيزى


لو صعب يتثبت يا محمود يبقى احنا هنتبهدل فعلا
عشان مصداقيه دوله بحالها كده بقت على المحك و رد الفعل هيبقى عنيف جدا
فيه تخبط رهيب و تعبئه دون سند دولى و ده اققل ما فيها ان احنا هنتبهدل فى كل حته اكتر و اى حدث بعد كده هيبقى مش مصدق

ربنا يستر
كان فيه بعثه اعلاميه كبيييره صعب وسط كل دول يبقى فى الاخر مافيش تصوير ولا فيديو يا محمود صعب جدا المصور عموما بيبقى تفكيره مختلف الصوره بالنسباله اهم من حياته فين الصور؟

والناس اللى كانت مستخبية يا محمود مطلعوش موبايلاتهم صوروا ليه؟ اللى كانوا بيتكلموا فى التليفون وهما فى عز الأزمة ببرامج تليفزيون انا اصلا معرفش أتصل بيها لو فى أزمة ويصوتوا وبتاع .. مكنوش قادرين يصوروا؟ ... محدش كان معاه كاميرا 5 ميجا بيكسل؟؟؟

مش منطقى ابدااا يا جدعان مش داخلة دماغى ان ميكونش فيه ملف فيديو واحد ولو 10 ثوانى ..

كاميرا التليزيون يا أستاذ طارق هدف سهل و كبيرة الحجم و صعب التعامل بها في موقف زي ده .. خاصة إن المصورين اللي رايحين مش مصورين حروب!! دول مصورين من اللي بيصوروا تقارير عادية .. أه في مواقف زي كدة في مصر بس بتتطلع تصور من فوق عمارة ولا حاجة .. إنما لما تكون المصور و الهدف .. الوضع صعب .. لو أخدت بالك فيه تقارير بعض البرامج سجلتها بكاميرات موبايل ! لصعوبة التصوير .. غير إن فيه جنود سودانيين كانوا بيمنعوا التصوير و ده تقدر تسمعه من تقارير العاشرة مساء هتلاقي بيقولوا للمصور متصورش متصورش ممنوع التصوير .

بالنسبة للمصداقية .. كشعوب عربية أعتقد إنهم مصدقنا .. إحنا أكبر رجالة عندنا راجعة تعيط عشان صعبان عليها نفسها .. الناس دي مش هتعمل كدة من فراغ .. بينما دولياَ .. موقفنا هيكون صعب .. بس يا ريت نستني يمكن يكون فيه حاجة إتصورت .

المشاركة الأصلية كتبت بواسطة ahmedgen2

والناس اللى كانت مستخبية يا محمود مطلعوش موبايلاتهم صوروا ليه؟ اللى كانوا بيتكلموا فى التليفون وهما فى عز الأزمة ببرامج تليفزيون انا اصلا معرفش أتصل بيها لو فى أزمة ويصوتوا وبتاع .. مكنوش قادرين يصوروا؟ ... محدش كان معاه كاميرا 5 ميجا بيكسل؟؟؟

مش منطقى ابدااا يا جدعان مش داخلة دماغى ان ميكونش فيه ملف فيديو واحد ولو 10 ثوانى ..

الناس كانت بتتصل من أماكن مستخبيين فيها بعيد عن الجزائريين زي البيوت السودانية و برامج التليفزيون كانت وسيلة للتواصل و الربط بين المصريين و قوات الإنقاذ و الأماكن الأمنة .

حرااااااام عليكم انتم قلقتونى يعنى كده اتخدنا على قفانا وحقنا ضاع و مش هنعرف نعمل حاجة بالطرق السلمية وطبعا ملناش فى الطرق العسكرية