1- مافيش اى فيديو او صوره للسكاكين اللى فى السودان
2- مافيش اى صوره قويه لاعتداء و دم سايل
3- صور الاتوبيس الازاز بتاعه مكسور مش هيه ديه اللى تقلب الدنيا
4- مافيش صوره واحده لواحد جزائرى بيعمل حاجه مش كويسه
5- كل الصريخ و الهويل مالوش اى تأثير بدون ادله تؤكده
6- العالم متجاهل تماما ما نقول ولا احد يهتم فعليا بأى شئ
7- بو تلفيقه كلم البشير و شكره على المسانده الجامده و الواجب الجامد
8- فيه لخبطه جامده بينقلواا فيديوهات من اليوتيوب و يقوله على انها فى السودان و هيه مش فى السودان و فيه حاجات مش لمصريين و بيقولوا مصريين و كل ده بيتاخد ضدنا
9- شكلنا زباله واحنا بنهاجم السفاره الجزائريه و تكسير سيارات و احراق علم الجزائر امام العالم - العالم يرى شعب يهاجم بدون سبب هوه فاهمه غير ان احنا اتغلبنا فى الماتش
10- مافيش اى محاضر فى السودان
11- السودان اللى متسجل عندها 5 حالات مصريين و حوالى 28 جزائرى فى المستشفيات!!



انا قلقان
انا مش بكدب الناس اللى راحت هناك و واثق من كلامهم بس مافيش اى اثبات توريه للناس بره عشان تفهم

هنعمل ايه؟

انا شايف ان احنا رايحيين لصفر كبير زى صفر المونديال

انا مش بحاول ابث يأس بس بحاول اشاركوا خوفى و قلقى من ماذا يحدث