هههههههههههههههههههههههه
يفضل طبعا إذا كان في حد مننا يعرف حد عاقل في أمن الدولة يستشيره في الأمر
لتنفيذ غرضنا في ظل القانون ........ بصراحة حيبقى موضوع جامد جدا و لا حد
حيهوّب نحيتنا (مع إلتزامنا بعدم إحراج من يدعمنا)
طيب ايه رايكم بدل الوقفه في الشمس زي عساكر الامن المركزي
نملا عربياتنا من بره باعلام مصر ونرصها جنب بعضها ونحيي مصر بالكلاكسات او نقف قدام عربياتنا او وراها
(دا مجرد اقتراح )
لاننا منتدي سيارات مصري بيعلن عن احتجاجه
فلازم برضه تكمل هويه المنتدي بوجود السيارات
وكله ييجي بعربياته ماعدا الناس المسافرين علشان يبدلوا مع بعض في الطريق او ييجوا كل اتنين في عربيه واحده
وفي الحاله دي حنحتاج حد يجيبلنا سعر كويس للاعلام لاننا حنشتريها بالجمله
قديمة يا شنورى :)
عملوها كتيررر قبلينا و عندى صور للمقابلات دى و كان عددهم كبير و للاسف مرت عادى جدا ..
اانا فاتح القاهرة اليوم دلوقتى و بشوف حاجات مخليانى مش هتنازل عن انى احرق علم الكلاب دول و ادوس عليه ..
لو هنعملها فى الصحراء , يبقي هنولع و نفجر كمان و لا امن دولة ولا حاجة , لكن لو هنعملها فى مكان عام يبقي نكتفى بالرسم و القفز فوق علمهم .
طيب بما اننا منتدى سيارات
ليه ميكونش الموضوع عباره عن مسيره بالعربيات ( ده فى حاله لو عددنا كبير )
هنكتب كل الشعارات ونلزقها على العربيات ونتحرك فى الاماكن العامه ومعانا اعلام مصر
كدا هنغطى مساحه عرض كبيره وفى نفس الوقت مش هنضايق حد
هو ده اللى بافكر فيه من بدايه الموضوع
تنظيم موكب يمر فى شوارع القاهره والجيزه بشرط يكون يوم عطله علشان الشوارع تكون فاضيه وتتصور فيديو وفوتو وتتنقل لصفحات الانترنت ونشوف اى قناه اعلاميه نبلغها بالحدث واكيد هايتفاعلوا معانا ده لو عشرين عربيه بس هايكونوا موجودين صدقنى خلال ساعه هاتلاقيهم فوق الخمسين عربيه وننظمها بشكل حضارى ياعنى مافيش تخطى للسيارات يكون عباره عن صف واحد سرعه بالكتير 30كم/س
كده مافيش فيها اى ضرر وهاتكون شىء فعلا حضارى
بعد أذن كل الاعضاء
انا قاعد أقرأ فى كل الموضوع وبسبب حالة الاحباط (العامة) طبعا بطلت انى ارد الا فى اضيق الحدود
قبل اى حاجة لازم نعمل تحليل كامل لكل حاجة هاتحصل ونكون منظمين جدا
أولا لازم نعرف ايه هو الهدف الاساسى من التجمع بتاعنا (ركزوا جدا فى النقطه ديه)
ثانيا يجب اختيار المكان بعناية فائقة - تابع للنقطة الاولى
ثالثا يجب اخبار اى جهه حكومية مسئولة عن التجمع بتاعنا (مسئولية كريم منير)
رابعا جمع اكبر عدد من الاشخاص اللى احنا عارفنهم (كل واحد يجى بعائلته وأصحابه مش بمفرده - أنا هاجيب أولادى وزوجتى وأمى اذا ظروفها الصحية سمحت - والهدف الاساسى انى احافظ على عائلتى وبالتالى هاحافظ على التجمع ومش هاهرب)
خامسا مراعاة الاشخاص اللى هايجوا لازم يكونوا أشخاص مهذبين ومحترمين ومفيش أى عنف (أسف على النقطة ديه)
سادسا ممنوع نهائيا حرق العلم الجزائرى مهما كانت الظروف أو حتى رفعه
سابعا يجب كتابة مطالبنا ورفعها عاليا وبدون شتيمه
ثامنا الاطفال اللى هايكونوا معانا لازم نلفهم بأعلام مصر (أنا هاجيب أولادى مروان سنتين وعبدالرحمن سنه واحده)
انا مخلصتش كلامى لكن هو ده الشكل اللى عايز اننا نفكر بيه
نبدأ الكلام المسترسل
انا واحد من الناس رافض تماما اننا نأجل ولو حتى يوم الوقفه ديه - بالعكس ممكن نعمل أكتر من وقفه
المكان مع احترامى للجميع كل الاماكن اللى انتم اقتراحتموها فى راى الشخصى مش مناسبه - اللى عايز يزعق ويشتم يقعد فى بيته ويشتم انا مش مستعد ان زوجتى وأمى وأولادى يسمعوا الكلام ده
احنا ناس متحضرين ولازم نثبت اننا متحضرين حتى لو بالشكل
واحد هايقول لى احنا هاندور على المظاهر دلوقتى - هاقوله ايوه لأن المظهر العام هو اللى بيثبت اننا صح والمتخلفين والبربر غلط
تخيلوا اننا عاملين دائره كبيره وكلنا شايلين تعليقاتنا وفى المنتصف أولادنا بيلعبوا مع بعض - بجد منظر حضارى عمر ما البربر عملوه ولا هايعملوه
بخصوص المكان - انا شايف ان المكان الامثل هو أمام جامعة القاهره - مكان ملحوظ جدا - كل الدنيا هاتبقى شايفه احنا بنعمل ايه - مساحة محترمة كلنا ممكن نتجمع فيها - مكان نعرف نركن عربياتنا ونقعد براحتنا
بخصوص الميعاد أهم حاجة اننا كلنا نلتزم بالميعاد جدا جدا جدا - لو حد راح والناس اتأخرت عليه 10 دقائق هايحبط وهايمشى وعليه كلنا لازم نروح فى الميعاد بالظبط
يوم التجمع - كلنا بنقول اننا مستأين ومتضايقن وهانموت ............ الخ
طيب ممكن نبدأ نضحى شوية بعد أذنكم ونتعب شوية علشان أولادنا لما يكبروا يفتكروا اننا على الاقل كانت لينا وقفه بجد وكالمعتاد مش سلبيين
اليوم اللى باقترحه هو أول أو ثانى أيام العيد بالكتير وأفضل أول يوم لأنه ان شاء الله هايكون يوم جمعة - والتجمع يكون الساعة 3:30 وحتى الساعة 5:00 فقط - يعنى كل واحد هايضحى ب ساعة ونصف + بنزين عربيته أو مواصلاته + وقت الذهاب والعودة فقط - لو شايفيين ان مصر تستاهل اننا نعمل كده يبقى ياريت نتجمع كلنا - وبما اننا كلنا مصريين ومش بنتكلم وبس احنا هاناخد القرار النهارده احنا هانتجمع امته وفين
كيفية دعوة الناس لحضور الاجتماع
بالنسبة لنايل موتورز انا هاتبرع وابعت لكل الاعضاء اللى اعرفهم رساله خاصة بخصوص الموضوع بتاعنا ده والعنوان هايكون دعوه لرد الكرامة
بخصوص اصحابى هاتبرع واكلمهم من تليفونى وادعوهم للميعاد بعد تحديده النهارده ان شاء الله
بخصوص اللافتات ان شاء الله هاحاول اطبع كذا لافته كلها موجهه لطرد السفير الجزائرى بدون اى شتيمه - ومواجهه للفيفا علشان تنزيل عقوبات على الجزائريين ليس حبا فى كرة القدم ولكن حفاظا على ماء الوجه
للمره الاخيرة واسف على الاطالة
ممنوع اظهار علم الجزائر
ممنوع حرق أى شئ
ممنوع السب او القذف
ممنوع نهائيا الشعارات والهتافات ضد الحكومة (احنا لينا هدف وعائلتنا معانا مش طالبه مرمطه)
ممنوع حضور اى شخص (مع احترامى للجميع) غير قادر على السيطره على مشاعرة
الامضاء
مصرى اكتشف انه مصرى بعد أكثر من 30 سنة
فكره اكثر من ممتازه
امتي التنفيذ يا جماعة
التاخير بيخلي الموضوع مالهوش لازمة
msobhy
للاسف اول يوم العيد ده بالنسبة لي مستحيل
واعتقد بالنسبة لناس تانية كتير خاصة اللي هايجو من خارج القاهرة
بقية اقتراحاتك ننظر فيها
بس انا رايي مع المسيرة بالسيارت كمسيرة سلمية نعرض طلباتنا امام العالم
وعشان دي شكل منظم وفعال للمسيرة اقترح الاتي
الاستيكرات اللي بتتباع عند بتوع الاستيكر
كل واحد يلزق بطول العربية استيكر علم مصر بطول العربية
وم الشنطة والزجاج الخلفي وسقف العربية ما عدا الزجاج الاماي ويحط كمان على كبوت العربية
كدة العربيات كلها هايبقي ليها طابع واحد انها كلها بعلم مصر
والنزافذ الخلفية يتحط على لافتات بمطالبنا
ومالناش دعوة بالجزائر
والمسيرة مثلا تتحرك يوم الجمعة اللي بعد العيد بعد الصلاة على الساعة 1.30 الى الساعة 3 فقط
تكون المسيرة من جامعة القاهرة لغاية قصر النيل مرورا بمجلس الامه وحدقة الحيوان والرجوع الىنفس نقطة التجمع
مسيرة بسرعة 30 كم فقط
بدون كلاكسات ولا دوشة ولا هتافات
كدة نقدر نلفت نظر العالم
اي ميعاد قبل كدة هايكون غير مناسب لي اطلاقا ومعتذر عن الحضور مسبقا لظروف عائلتي وظروف عملي