انا معاكم ومع كل المصريين بس نفسي بدل ما يبقي العلم المصري لوحده يبقي العلمين المصري والجزائري مربوطين ببعض
انا معاكم ومع كل المصريين بس نفسي بدل ما يبقي العلم المصري لوحده يبقي العلمين المصري والجزائري مربوطين ببعض
والنبي ارحموا اعصابنا بقة وكفاية استفزاز فينا مش للدرجة دي والله لو شفت اي حد معاه علم جزائري هولع فيه مش عايزين حرقق اعصاب كفاية
وروح اعمل كدة في الجزائر ونبقي نشوف هيعملوا فيك ايه
شرير يا احمد يا كمال بجدارة
و دي كارثة اكبر
يعني بتعملي الشر ومش عارفة انه شر
ده انتى تبقي شريرة اوي
وكمان اللى منعك انك ملقيتيش ورق الحمد لله انك مالقيتيهوش
بقولك ايه عربيتي لانسر حمرا اوعي تقربي من اي عربية لانسر حمرا احسن والله ابلغ فيكي واقول انك كبيرة مشجعي الجزائر في مصر ومتنكرة
وانا معاك يا كايرو فى موضوع اللانسر الحمرا دى بلاش خالص
علي فكره انا اتصدمت فيكم انتم الاتنين
لان بعد كل الوقت ده وجايين تقولوا الفكره دي دلوقتي
دا انا شغال فيها من قبل الماتش
وليا واحد صاحبي واخد توزيع من اتصالات وباب المحل عنده اخضر وكنت بفكر ارحوله وهو قافل وارسمله الهلال والنجمه الذهبيه علي باب المحل
وفي زحمه فرحه الماتش الاولاني اللي غلبنا فيه الجزاير واحنا علي الكورنيش قولت باعلي صوتي الواد ده بيشجع الجزاير وروحت مشاور علي واحد صاحبي ومراته جوه عربيتهم
ربطوك من لسانك في ساقية يا..... بوتفليقة
انا معاكم
بس يا ريت حد يدلنى نجيب الاستيكر و الحاجات ديه منين
اخوكم اسكندرانى و موش عارف اوى الحاجات تتجاب منبن من القاهرة مع انى قفلت ال5 سنين فى قاهرة المعز
كان نفسى يكون أول يوم العيد بحيث ان الناس تتاكد اننى مش ناسين وفى نفس الوقت أننا نبدأ نعرف معنى كلمة تضحية
كلام جميل جدا وانا عن نفسى طبعت 40 علم لمصر بطول 25*45 سم مكتوب على 20 منهم- أنا مصرى - أطالب بطرد السفير الجزائرى - علشان بحب مصر
وال 20 التانين مكتوب عليهم Wake Up FIFA
وطبعا دول هايتوزعوا على كل اخوانى المشاركين فى الحملة اللى بجد نفسى انى اسميها بحبك يا مصر
وبخصوص الفيفا مجرد كلمه يمكن تنفع معاهم وينزلوا عقوبات على الجزائر وده بالنسبة لى نصر لينا
مع حضرتك فى كل الكلام اللى انت قلته لكن مازالت بأكد اننا لو ها نعمل حاجة كل ما كانت بدرى كل ما كان تأثيرها أحسن
حضرتكم بتتكلموا اننا نرد على حاجة حصلت يوم 18/11 على يوم 4/12 بعييييييييد جدا / يعنى بعد 16 يوم
وصدقونى احنا لازم نتنازل شوية ونضحى شوية بوقتنا
والله العظيم ديه أول مره فى حياتى اعمل حاجة زى ديه وأول مره اقتنع بشئ للدرجة ديه
عارف ان الموضوع مختلف تماما لكن انا عمرى فى حياتى ما مشيت فى مظاهره لكن الموضوع فعلا يستاهل
وبصراحة لأول مره احس أن مصر تستاهل واننا مقصرين فى حقها
المهم جدا محتاجين الاعلام والقنوات تاخد خبر بالمسيرة السلمية بتاعتنا
هتبقي رخمة لو بعد العيد .
يا ابو مروان اذا اردت ان تطاع فامر بما يستطاع
انا اول يوم دبح وتاني ويوم عزايم ماينفعش فيها تاخيرات
و 50% من المنتدى هاينزل شغل تالت يوم العيد
يبقي مفيش غير الجمعة
صدقني لوماكنتش الجمعة الجاية عيد كنت عملتها يوم الجمعة الجاية
لكن فعلا انا محكوم بوقت وناس ورايا
وعشان تطلع قد ثقة الناس دي لازم تنظ حاجة صح
وتطلع حلوة تطلع وحشة دي بتاعت ربنا بقي
معاكوا ان شاء الله بس يا جماعة ياريت الموعد والمكان
نرجوا ارسال رساله عند الانتهاء من النقاش لان الموضوع كبر اوى .. يعنى الواحد مش قادر يتابعه كله والكوربه مكان حلو وقريب منى ف هتبقى حاجه جميله ..
هو اللى هنقوله نعيده !
الكوربة مش هتنفع يا جماعة و قولنا , و محدش عنده اقتراحات و كمان هتتاجل لبعد العيد يعنى احتمال تكون الناس نسيت اصلا :(
معلش يا جماعة كام سؤال في السريع،
ليه ماعملناش كده أيام حرب غزة والإسرائيليين بيدبحوا في إخوانا في غزة ؟
وليه معملناش كدة لما الأمريكان احتلوا العراق ودبحوا صدام يوم العيد في اهانة واضحة لكل المسلمين والعرب، والعراق دي نص الشعب المصري عايش على خيرها؟
وليه معملناش كده لما 1300 واحد ماتوا في العبارة ؟
وليه معملناش كده لما البارجة الأمريكية ضربت مركب صيد مصري في قناة السويس وقتلت كل من عليه؟
وليه معملناش كده لما قناص اسرائيلي قتل طفلة مصرية في سيناء ؟
وليه معملناش كده لما صواريخ اسرائيل دخلت جوا سيناء في حرب غزة الأخيرة ؟
وليه معملناش كده لما الحكومة مضت عقد تصدير الغاز المصري لإسرائيل ؟
معلش بجد ياريت حد يرد عليا بمنطق مفهوم أو مقبول لأني قربت أتجنن من حالنا :banghead:
طيب ما نكمل الاسئلة ؟؟
ليه مش ناسمعناش صوتكم لما المصريين اتجلدوا في السعودية ؟
ليه مسمعناش صوتكم لما مصري بيتهان في اي دولة عربية ؟
ليه ما سمعناش صوتكم لما اتوصفنا ان تمننا مايساويش تمن غسالة كوري ؟
ليه ماسمعناش صوتكم لما المصريين كانوا بيرجعوا من العراق في نعوش ؟
ليه ماسمعناش صوتكم لما وزير الخارجيه اتهان في المسجد الاقصي ؟؟
في مليون سؤال ، عايز كمان ؟
والله اتكلمت ساعتها وحزنت جدا لما شوفت محضر التحقيق اللي اتنشر في الدستور وكان فيه ان المصري "اعترف".اقتباس:
ليه مش ناسمعناش صوتكم لما المصريين اتجلدوا في السعودية ؟
وأعتقد ان حوادث التحرش اللي بتحصل عندنا في الفترة الأخيرة خلت سمعتنا سيئة بما فيه الكفاية.
واسأل كده عن سمعة المصريين في الخارج ومن اللي بيعملوه مع بعض.
اقتباس:
ليه مسمعناش صوتكم لما مصري بيتهان في اي دولة عربية ؟
وليه يروح يشتغل هناك أصلا ؟
ما نسأل نفسنا ايه اللي اضطر المصري يروح يشتغل في أي دولة تانية؟
فين الحكومة اللي زعلانة على كرامة شعبها أوي كده ؟
ما توفرولهم فرص عمل كريمة أحسن ؟
وشوف الحكومة العظيمة استغلت الظرف وهترفع الدعم عن العيش من السنة الجاية.
يا جماعة الله يكرمكم لازم نفكر شوية ونشوف الأمور صح على حقيقتها ..
القاهرة - أطلق موقع "مصراوي" حملة للإبقاء على الأعلام المصرية مرفوعة، استمرارًا لما شهدته المدن والقرى المصرية من انتشار مكثف لعلم مصر خلال الأيام التي سبقت مباراتيْ مصر والجزائر الأخيرتين في تصفيات كأس العالم.
وتأتي دعوة "مصراوي" لجميع المصريين انطلاقًا من رغبة الموقع في الاستفادة من الروح الوطنية والتوحد والالتفاف حول راية الوطن الذي ساد مصر قبل المباراتين بشكل يعمق الشعور بالانتماء لمصر.
ولا يهم أن تشتري علم مصر غالي الثمن خصيصًا لهذا اليوم، بل يمكن المشاركة ولو بعلم تصنعه بنفسك أنت أو أبناؤك من خامات بسيطة أو حتى تلوين ورقة بيضاء بألوان علم مصر.
ولم تتوقف حملة "مصراوي" عند المطالبة برفع علم مصر فوق السيارات والمنازل وغيرها من الأماكن، بل امتدت إلى دعوة المصريين بالكامل إلى جعل يوم الأربعاء القادم يومًا لإثبات انتمائنا وحبنا لمصر بشكل إيجابي عملي.
وتتضمن هذه الأعمال الإيجابية العملية مساهمة كل شاب أو رجل أو فتاة أو سيدة مصرية في أعمال تعبر بها عن حبه للوطن وافتخاره بالانتماء إليه مثل التعاون على نظافة شارعك، أو أن يكون المرور في شوارع مصر منظمًا - قدر الإمكان - أو أي عمل آخر في هذا الإطار.
ويدعو "مصراوي" لأن يصبح الأربعاء القادم يومًا لمصر - بعيدًا عما حدث في السودان للمشجعين المصريين - نهدف منه لأن نقول للعالم أجمع إننا كمصريين متحضرون ومتوحدون على حب وطننا، وأن نترجم ذلك بشكل عملي إيجابي.
:Ta_clap[1]:
بصوا يا جماعه
بالنسبه للناس اللي داخله تقول ليه معملتوش وكان المفروض تعملوا كذا وكذا وكذا
اولا
احنا ملناش في مظاهرات التدمير اللي بيبقي نصها حراميه ونشالين وشباب داخل يحتك بالبنات اللي ماشيين
ثانيا
انا مش رايح اعمل مظاهره
دي وقفه احتجاجيه اعلاء كرامتنا كمصريين وحنرفع فيها علم مصر
ثالثا
اللي بيسالنا معملناش ليه
يا تري هو عمل حاجه ايامها ولا معملش
ولو عمل فهو عمل ايه ؟؟؟؟؟؟؟؟؟؟؟؟؟؟؟؟
كسر ودمر ؟؟؟؟؟؟؟؟؟؟؟؟؟
ولا هتف ضد الحكومه واخدله عصايتين ورجع ريح علي ما كدماته تخف
ولا معملش حاجه ومستني الناس تعمل بداله ؟؟؟؟؟؟؟؟؟
احنا مش رايحين للحكومه نقولها حاجه
وحكومتنا سواء برضانا او غصب عننا موجوده
حتحبها حتحبك حتكرهها حتكرهك
ولا حنزودها ولا حننقصها
احنا رايحين علشان نعلن للاعلام الغربي ان فيه تجمعات شبابيه بتحب بلدها ورافعه علمها
حكومه بقي حلوه ولا حكومه وحشه ولا مين عمل ايه قبل كده
فدي حاجه احنا مش داخلين نتكلم فيها
واظن هدف وقفتنا الاحتجاجيه مشروح بكثافه في الموضوع ومش محتاج اكرره او اعيد الكلام فيه
========================
يا ريت لما حد يكون ليه هدف معين نساعده علي تحقيقه
مش نقعد نحبط فيه
اسف اننا معملناش حاجه قبل كده
بس مش علشان معملناش حاجه مره نقعد طول عمرنا نولول باللي معملناهوش
بالعكس المفروض نعمل اللي نقدر عليه في اول فرصه متاحه لينا
برجاء اخذ خطوة يا مصريين
انا معاكم ان شاء الله بس حددوا المعاد
لعل و عسى انا تقوم هذه الوقفة الاحتجاجية بتفريغ جزء من شحنة الغضب و الكره اللى بداخلى و بداخل كل مصرى غيور على وطنه تجاه كل ماهو اخضر و يحمل اسم جزائرى
اخويا الكريم اللى بيقول كنتم فين........
السؤال الصح هتكونوا فين؟
يعنى حضرتك لازم يكون فى وقت نبدأ نتحرك فيه.......
لو جرت العاده على اننا نسكت ونكبر دماغنا...لما بقينا ملطشه الدول وسبه الدهر......
يبقى لما الاقى حد بيقوللى قوم يا مصرى...أقوله حاضر ووراك ويلا بينا يا مصريين....
معلش أهى خطوه هنبدأ بيها......
لا هنكسر ولا حنحرق...بس هنقول احنا بنحب مصر.....
والسادات ممتش وساب وراه بنات....زى ما بيقولوا....
مصر لسه فيها رجاله...
رجعوا سيناء......
وعبروا قناه السويس......
ولسه فيها الخير.......
سواء كانت الرساله للجزائريين...للإسرائيليين... .للأمريكان......للعفريت....
إحنا لسه مموتناش...إحنا لسه بنتكلم....إحنا لسه بنحب مصر.....