كنت أتمنى أكون بمصر دلوقتى واكون معاكم
لأن هو ده الوقت اللى لازم نتكاتف ونقف كلنا
يد واحدة وعلى قلب رجل واحد من منطلق وطنيتنا ..وايماننا بالظلم اللى وقع علينا ..
ومن رغبتنا فى التعبير عن غضبنا بأى شكل
والله يا شنوري خليتنى ابكى لما حسيت بالعجز وقلة الحيلة وغربتي اللى هتفضل
مصدر ألمي ووحدتي طول العمر
معاكم وربنا يعلم بقلبي وروحي وأى شىء ممكن أعمله وأنا هنا هعمله بدون تردد لأنى من يوم الموضوع ده بقيت مش ليا نفس لا أخرج ولا اروح اى مكان غير بس افتح النت واتابع الاخبار واكتب واخرج اللى جوايا ....
مصر ميعرفشي قيمتها كويس الا اللى يتغرب عنها ويشوفها من بعيد وقتها هيحس انه روحه بتفارقه فى بعده عنها ...........
وهنا بفتكر كلمات أغنية لمحمد فؤاد بتقول:ـ
يعني ايه كلمة وطن؟
يعنى أرض حدود مكان ؟ ولا حالة من الشجن؟
ولا ايه ولا ايه ولا ايه؟
شاى بالحليب على قهوة بالضاهر هناك
نسمة عصاري السيدة ودير الملاك
يعنى ايه كلمة وطن؟
نشع الرطوبة فى الجدارولا شمس مفرقة برد النهار
ولا أمك ولا أختك ولا عساكر دفعتك والرملة نار ؟
يعنى ايه كلمة وطن؟
يعنى ريحة يعنى صوت ايام بتشد فى بعضها
وسنين تفوت
وما نسافر والحدود يفصل مابينها ألف ميل
بنسيب سنين الحب والعمر الجميل
ولا ايه ولا ايه ولا ايه
ولا بتاخد كل دول هزة فرح أو غيم هموم
واحنا بنحلم للوصول حتى فى عرقنا فى الهدوم ..بتهزنا حاااااااالة شجن
هو ده معنى الوطن ... هو ده معنى الوطن
هو هو ..هو ده معنى الوطن
ـــــــــــــــــــــــــ ـــــــــــــــــــــــــ ــ لغاية هنا
سكت قلمي من كتر ما دموعي مسحت حبره
ـــــــــــــــــــــــــ ـــــــــــــــــــــــــ ــــــــــــــــــ