طلب معلومات عن افيو !

الصراحه انا جديد فى العربيات ومعلوماتى عنها صفر% واللى خلانى افكر بالعربيه ان شغلى فى مدينه اخرى ومحتاج عربيه تقضى مشاوير سفر مسافات طويله وتعطى راحه احس انى مش راكب حاجه :D

وعجبنى العربيه الافيو من حيث الشكل الخارجى والداخلى جدا وسعرها برضه كويس

وانا من خلال تصفحى بعض المواضيع لقيت فيه كلام عن نوع مصرى وكورى وكلام من ده ياريت من واحد له خبره يوضحلى ايه الفرق والافضل وبعض المعلومات عن العربيه دى لانى انا متعقد من اى حاجه تقفيل مصرى :]

بأكد تانى ان معلوماتى زى مقلت صفر كل اللى اعرفه عن العربيات شكل وهيئه بس :-) :-)

وشكرا يارجاله

بص يا باشا الأفيو كانت بتنزل كورى فى الأول و بعدين بقت تقفيل مصرى فا حضرتك لو حتشترى حتلاقى مصرى بس

طيب وايه نظام المصرى كويس ولا تعبان ومتستهلش الواحد يجيبه ؟

لان سعر العربيه برضه مش رخيص يعتبر عالى

وياريت بعض المعلومات عن العربيه اذا تكرمت

يا سيدي التقفيل المصري ده في حاجات بسيطة في العربية يعني مش كارثة
و في عربيات كتيييير تقفيل مصري و زي الفل
بس تقفيل الافيو افضل كتيير لانه عند جي ام
و بخصوص المعلومات خد اللينك ده هيفيدك جدا
و ربنا يوفقك
http://www.nilemotors.net/Forum/viewtopic.php?t=10312