الموضوع: الحمد لله استلمت النترا 2010

المشاركة الأصلية كتبت بواسطة tarekabosdera

الف مبروك وان شاء الله يوفقك لعمل الخير بيها .

احب اقولك كام نصيحة في بداية شراء السيارة :

1- التزم بالتعليمات المكتوبة في الدليل بخصوص فترة التليين وده مهم ومتستهونش بيه .

2- تأكد من ضغط الاطارات لان العربيات الجديدة بتبقى فيها ضغط عالي وده مش كويس على الكاوتش واضبطه على 32 للاربع كاوتشات .

3-متغسلش العربية بصابون مواعين او مسحوق غسيل لانه مع الزمن هيخلي الدهان باهت واللمعة بتاعته هتروح . انما ممكن تغسلها بماء بس او في شامبو مخصص لغسيل السيارات بيتباع في السوق ومش غالي .

4- لما تيجي تعمل صيانة الألف كيلو وتغير زيت لازم تغير الفلتر وانتبه للنقطة ده اوي وهي : متخليش الراجل اللي بيحطلك الزيت يحط ال 4 لتر كلهم انما خليه يحط 3.3 لتر زي ما مكتوب في الدليل و اهتم بالموضوع ده لان زيادة منسوب الزيت في المحرك ضارة بالمحرك .

5- احرص دائما على التأكد من منسوب زيت الجير بوكس .

6 متزدش مائ الردياتر عن الموضح على الاربة .

7- يفضل تحط بنزين 92 ولو الموضوع مكلف يبقى 90 مفيش مشاكل .

والف مبروك تاني وربنا ينفعك بخيرها ويكفيك شرها .

الف شكر يا باشا على النصايح الحلوه دي بس انا لسه مغسلتش العربيه
بس ملاحظ ان بعد ما شيلت الازق اللي كان علي السقف البويه فيها حتت مطفيه روحت المعرض اللي حبتها منه قالي ده من الازق وقالي ممكن تتعسل بجاز ابيض او شامبو محصوص بالعربيات الخديده
انت راي سيادتكم ايه

المشاركة الأصلية كتبت بواسطة tarekabosdera

مش عارف ايه الأزرق ده ؟ اكيد حضرتك تقصد اللزق الأبيض اللي بيكون على العربيات الجديدة .

عموما اشتري شامبو مخصص للعربيات يكون في نسبة wax عشان ده بتحافظ على دهان العربية من العوامل الخارجية لمدة كبيرة .
وبلاش موضوع الجاز ده عشان مش مضمون .

الف شكر يا باشا انا فعلا قصدي اللزق الابيض ده
معلش معنديش عربي كي بورد
ممكن تقولي الشامبو ده اقدر اجيبه منين

المشاركة الأصلية كتبت بواسطة tarekabosdera

كان في موضوع في القسم التعليمي بيقول ان افضل شامبو لغسيل السيارات هو ماركة ( رابيدو ) وده بتتباع في كارفور في قسم مستلزمات السيارة. وهو صناعة مصرية ومش غالي .

الف شكر علي اهتمامك وسرعه الرد
ولك مني جزيل الشكر