الحمد لله استلمت اول امبارح النترا 2010
والله العربيه ممتازه اداء و رحابه وكمان جبت اللون البتنجاني
والراجل صاحب المعرض عمل معايا واجب جامد في السعر والترخيص
عرض للطباعة
الحمد لله استلمت اول امبارح النترا 2010
والله العربيه ممتازه اداء و رحابه وكمان جبت اللون البتنجاني
والراجل صاحب المعرض عمل معايا واجب جامد في السعر والترخيص
مبرووووووووووووووووووووك مبرووووووووووووووووك
الف مبروووووووووك عليك
ربنا يباركلك فيها
الف مبروك وربنا يباركلك فيها بس يا ريت تقول خدتها بكام ومن معرض ايه واشمعنى اخترت الالنترا ولم تختار السيراتو بصراحة شكرا
ألف ألف مبروك .. ويا رب أوعدني بعربية
بس ما قلتش اسم المعرض والسعر كام الله يخليك تقول .. وجزاك الله خيرا
الف مبروك وربنا يديك خيرها ويكفيك شرها
الف الف مبروك
ربنا يباركلك فيها
الف مبروك
مزلنا مستنين الرد
ما شاء الله
1600 مبروك ..ربنا يحفظهالك .. و تستعملها في الخير دائما
...
متنساش تنقل احساسك و انطباعاتك الاولي عن السيارة للزملاء لتعم الافادة
مبروووك :)
الف مبروك
الله يبارك فيكم يا شباب وعقبال لما كل واحد يجيب العربيه اللي نفسه فيها
اولا انا جايب العربيه من شبين الكوم من الموزع المعتمد لهيونداي اسمه اولاد بركات وده بعد اختلافي مع معرض رضا حمزه لسوء معامله مدير المعرض
المهم انا خلصت العربيه على 98500 موديل 2010 وكانت لسه نازله من عربيه الشحن لانه كان لسه جايب دفعه عربيات
وبصراحه هوا راجل زوق جدا لابعد الحدود
اداني مع العربيه طقم دواسات شيك جدا سالت عليهم طلعوا ب 1500 جنيه
واداني كمان مفرش عربيه اللي هوا واتر بروف
ولما جه معايا البنك ورجعنا لاقيت العربيه اتغسلت وحطيلي نص التنك بنزين
واداني ورق العربيه في نفس اليوم واداني نمر تجاريه مشيت بيهم الخميس و الجمعه والنهارده بعت معايا واخد رخصلي العربيه مخلانيش اعمل حاجه
اما بخصوص انا فضلتها علي السيراتو لان عندي ابن عمي معاه واحده المرايا بتاعته اتكسرت بقالها اكتر من شهرين مش لاقيها في التوكيل
اسف علي الاطاله بس العربيه بسم الله ماشاء الله تحفه بدون نقاش
شكرا على الرد و ربنا يباركلك فيها
ممكن تقولنا ايه كماليتها بالضبط و فين المعرض ده بالضبط ؟
ربنا يباركلك فيها
ألف مبرووووووك
و ربنا يباركلك فيها و يكفيك شر الطريق
أولا ... الف الف مبروك وربنا يعطيك خيرها ويكفيك شرها و احسنت الاختيار
ثانيا ... انت ذوقك حلو جدا وبتفهم فى الالوان
ثالثا ... بما انى نصفى منوفى وبما انى اتعاملت مع معارض كتير احب اقولك ان اللى عمله معاك صاحب المعرض شيئ غريب جدا وعليه وفيما يبدو ان السيارة فى الفترة اللى جاية هترخص مبلغ وقدره و هوا بيعوضك حاليا علشان متزعلش ساعتها.
الف الف مبروك.ياريت تقولنا فيها ايرباج ولا لأ.
_______________
محمد عبدالله
ألف مبروك ، ربنا يطعمك خيرها و يكفيك شرها
الف مبروك وان شاء الله يوفقك لعمل الخير بيها .
احب اقولك كام نصيحة في بداية شراء السيارة :
1- التزم بالتعليمات المكتوبة في الدليل بخصوص فترة التليين وده مهم ومتستهونش بيه .
2- تأكد من ضغط الاطارات لان العربيات الجديدة بتبقى فيها ضغط عالي وده مش كويس على الكاوتش واضبطه على 32 للاربع كاوتشات .
3-متغسلش العربية بصابون مواعين او مسحوق غسيل لانه مع الزمن هيخلي الدهان باهت واللمعة بتاعته هتروح . انما ممكن تغسلها بماء بس او في شامبو مخصص لغسيل السيارات بيتباع في السوق ومش غالي .
4- لما تيجي تعمل صيانة الألف كيلو وتغير زيت لازم تغير الفلتر وانتبه للنقطة ده اوي وهي : متخليش الراجل اللي بيحطلك الزيت يحط ال 4 لتر كلهم انما خليه يحط 3.3 لتر زي ما مكتوب في الدليل و اهتم بالموضوع ده لان زيادة منسوب الزيت في المحرك ضارة بالمحرك .
5- احرص دائما على التأكد من منسوب زيت الجير بوكس .
6 متزدش مائ الردياتر عن الموضح على الاربة .
7- يفضل تحط بنزين 92 ولو الموضوع مكلف يبقى 90 مفيش مشاكل .
والف مبروك تاني وربنا ينفعك بخيرها ويكفيك شرها .
فعلا نصائح جميله
و شكرا على الافاده
الف شكر يا باشا على النصايح الحلوه دي بس انا لسه مغسلتش العربيه
بس ملاحظ ان بعد ما شيلت الازق اللي كان علي السقف البويه فيها حتت مطفيه روحت المعرض اللي حبتها منه قالي ده من الازق وقالي ممكن تتعسل بجاز ابيض او شامبو محصوص بالعربيات الخديده
انت راي سيادتكم ايه
ألف مبروك , وربنا يديك خيرها ويكفيك شرها
مستنين من حضرتك تقييمك لها
ألف مبروك...و ياريت تقراء المانيول بتعاها كويس جداً و متكسلشى و متعتمدشى على معلوماتك و خلاص.... علشان فى ناس بتفتى و خلاص يعنى أول ما جبت العربية واحد قالى لازم لازم تدور العربية على ال N طبعاً رجعت للمانيول لاقيت أنه ده مش صح و إن الصح إنك تدور على P...طبعاً قولتله و رجع للمانيول بتاع العربية.....و ربنا يرزقك خيرها و يكفيك شرها...:ask:
مبروك ربنا يدك خير ويبعد عن الحسد:36_3_10[1]: