ريتمو ولا 132 محتاج رايكم ضروووووورى

ياجماعة محتاااج رايكم ضرووورى وياريت اللى يكون مجرب يفيدنى برائية اجيب 132 ولا ريتمو

مع العلم انى عايز عربية ينفع اصرف عليها ويبان فيها الصرف عشان ناوى ان شاء الله اغير مكنة وجنوط وبودى كيت والكلام دة كلو يعنى ناوى اصرف عليها من الاخر فعايز اعرف انهى واحدة فيهم انسبلى مع العلم انى بفضل الريتمو نسبيا عشان شكلها عاجبنى (ازواق طبعا ) وموديلها احدث شوية من ال132 عشان موضوع الاحلال دة بس سمعت ان الريتمو عيبها الشاسية الضعييف اوى والعفشة التعبانة بس مش مشكلة العفشة انا ممكن اغيرها كلها بعفشة سبور بس هو الشاسية دة اللى شايف مالوش حل ومش حيستحمل مكنة شديدة ولا تظبيط
وبالنسبة لل132 انا اسمع ان اعطالها كتيير الكلام دة صح ولا غلط وهل هى ينفع تتظبط تسقيط مكنة وجنوط وشغل ولا شاسيها مش حيستحمل برضو
ملحوظة : محدش يقولى بدل الفلوس اللى حتصرفها علها زود وهات جديد عشان مهما صرفت عليها مش حجيب نص تمن الجديد النضيف
افيدونى افادكم الله

انا شايف 132 افضل من الريتمو كا ( صالون و شكل و حجم و متانة ) .
بالنسبة لموضوع الاعطال ( كل دة راجع ليك من حيث الصيانة ) ، اذا كان الجديد بيعطل ! .

اولا انت متطلباتك من العربية ايه؟
يعني لو لوحدك ريتمو
لو عائلية 132..........ولكن من حيث القوة ومتانة العربية ف 132
اما موضوع الاعطال فعلا حسب صيانتك للعربية
وربنا يوفقك في اختيارك

132 برقبة كذا عربية ريتمو
كفاية أنها جر خلفي وبها مميزات كثيرة مثل الصالون الواسع، الشنطة الواسعة حوض الموتور ممكن يليق فيها الترويش، ومن غير ما تسقط لها موتور ممكن تجيب الـ 2000 سي سي وتجري بيها زي ما انت عايز بس خد بالك الموتور ده قوي جداً في الجري

ال132 طبعا
هى كمان هيبان فيها الشغل والتجديد
العربيه دى لما بتتظبط صح مالهاش حل
وطالما انت هتصرف عليها يبقى مافيش
مشاكل ولا اععطال كتير ان شاء الله
غير كده انت بتقول هتسقط موتور ليه
هى اساسا 2000سى سى يعنى مافيش اقوى من كده

انا في رأي 131 احسن من الاتنين و ممكن تعمل فيها اللي انت عاوزه

tab3an 132 mn 3'eer tafkeeeer w es2al megarab:(.b

132

اقتباس:

---

المشاركة الأصلية كتبت بواسطة hashem1999

ال132 طبعا
هى كمان هيبان فيها الشغل والتجديد
العربيه دى لما بتتظبط صح مالهاش حل
وطالما انت هتصرف عليها يبقى مافيش
مشاكل ولا اععطال كتير ان شاء الله
غير كده انت بتقول هتسقط موتور ليه
هى اساسا 2000سى سى يعنى مافيش اقوى من كده

---

+11111111

طبعا 132

من واقع تجربة شخصية 132 عربية فيها كل ما تحب
قوية واسعة فى الصالون والشنطة
والاعطال بسيطة جدا ومبتصرفش كتير
بس نصيحتى لك تكون عربية حالتها كويسة
انا معايا 132 /2000cc موديل 1978وفعلا اعطال بسيطة وتكلفة قليلة واي فلوس تتصرف عليها بيكون لها اثر محسوس فى الاداء والشكل

بص يا باشا انا عربيتي ريتمو و الحمد لله شغالة كويس...لكن مشكلتها فعلا ان العفشة ضعيفة بسبب موتورها ال(1500cc) العنيف على شاسيه هو هو بتاع ال128.
لكن لو استعملتها بحرص و خد بالك منها هتلقيها عربية تحفة

132 طبعا فى كل حاجة