انا ما قلتش نعتمد علي ال c-ncap و بس
لكن معظم السيارات الصيني ما دخلتش euro ncap و لا اي اختبار تاني و لذلك فان ال C-ncap هو المرجع ليها و دا بس للسيارات الصيني علشان كدا انا ما حطيتش حاجة عن السيارات الصينية من الماركات المعروفة زي التويوتا و الفورد والفولكس والبي ام و المرسيدس
غير كدا في كذا عربية دخلوا اوربا زي البريليانس و جريت وال و حتي النوبل تتباع في اليونان بعد ما كسبت قضية ضد مرسيدس ان السيارة مش تقليد السمارت
و بردوا انا ما قلتش ان السيارات الصيني قمة الأمان بس انت لو ركزت هتلاقي الهيما مثلا واخدة 3 نجوم و هي نفس المازدا فاميلي القديمة و نفس القصة اللايونسيل اللي هي متسوبيشى كريستالة يبقي معني كدا ان العربيات الياباني مكانش فيها امان الا من وقت قريب ؟؟؟
هو الصيني فيه امان بس لسه ما وصلش للكوري و الياباني
بردوا الكوري فيه عربيات خدت فيه درجة سيئة في الأمان من وقت قريب زي الكيا سبكترا اللي خدت اسوأ سيارة امان في امريكا
مفيش صناعة بتبدأ من الصفر وتوصل مرة واحدة انها تبقي قمة الأمان و علشان كدا هما عملوا الأختبار علشان يشجعوا الشركات الصيني علي انهم يطوروا السيارة و اول سيارة ظهر فيها الكلام دا هي سبيرانزا m11
و بردوا الموضوع دا علشان اللي بيشتري عربية صيني يساعدوا علي الأختيار بحيت يبعد عن السيارات اللي نتيجتها سيئة و يحاول يختار احسنهم (طبعا نسبيا)