وزيرة يابانية !

**Abu Aly** · 22-11-2007 01:40 PM

شفت امبارح فى العاشرة مساء جزء صغير من حوار مع وزيرة الدفاع اليابانية السابقة ..ايوه مفيش غلط وزير الدفاع فى اليابان مش راجل لكن ست قمورة ملهاش علاقة بالعسكرية ( المسائل العسكرية البحتة فى الدول ديه من اختصاص رئيس الاركان ) .. شئ جميل و دروس لازم نتعلمها ..اولا انسانة رقيقة و فى منتهى البساطة مفيش عقد المنصب و ادعاء الاهمية و النفخة الكذابة بتاعة الوزراء فى مصر بتوع المواكب و المنظرة و عقد النقص ..
ثانيا زى فى الدول( المتخلفة عنا ) ! منصب الوزير منصب سياسى اساسا مش فنى ..يعنى مش زى عندنا وزير الدفاع لازم يكون عسكرى ووزيرالصحة لازم دكتور ووزير الزراعة مهندس زراعى ووزير الداخلية و التعذيب لواء شرطة .. الخ و تكون النتيجة الانشغال بالمسائل الفنية و الغرق فى التفاصيل الغير هامة على حساب سياسة الوزارة و السياسة العامة و التوتر مع وكلاء الوزارة و الادارة بدون خطة او فلسفة واضحه و النتيجة اننا محللك سر..
ثالث الدروس الوزيرة استقالت من منصبها لخطا احد مرؤسيها هى مش مسئولة عنه لكن استقالت لتحملها المسئولية
السياسية عكس ما يحدث من البهوات عندنا .. عمر ما حد يستقيل مهما كان فاشل او ارتكب هو نفسة اخطاء
و التشبث و الاستموات على الكرسى حتى الرمق الاخير !
رابعا منصبها كوزيرة لم يجعلها تخشن و تحاول ان تخفى انوثتها لتبدو قوية و مسيطرة على مساعيديها من الرجال و ملابسها بسيطة و محترمة ..
حاجة تزعل الرجالة عندنا حتى محصلوش نسوان بره !!!

**m_aash** · 22-11-2007 01:51 PM

ثالث الدروس الوزيرة استقالت من منصبها لخطا احد مرؤسيها هى مش مسئولة عنه لكن استقالت لتحملها المسئولية
السياسية عكس ما يحدث من البهوات عندنا .. عمر ما حد يستقيل مهما كان فاشل او ارتكب هو نفسة اخطاء
و التشبث و الاستموات على الكرسى حتى الرمق الاخير !

بلاش كده المنتديات ليها ودان :mrgreen: :mrgreen:

حاجة تزعل الرجالة عندنا حتى محصلوش نسوان بره !!!

يا ريت يبقوا نصهم بس مش زيهم
كان حلا البلد هايبقى أفضل كتير ;)

**HESHAM AMIN** · 22-11-2007 02:54 PM

متكلمش فالسياسة
اليابان دول ناس متخلفة اساسا :? :? :? :? :? :?

**أبو عبدالله** · 22-11-2007 04:09 PM

متكلمش فالسياسة
اليابان دول ناس متخلفة اساسا

:D :D :D :D :D :D :D

**Powert** · 22-11-2007 04:27 PM

ياترى الوزيرة دي كانت حلوة 8) 8) 8)

**meza** · 22-11-2007 08:29 PM

شئ جميل و دروس لازم نتعلمها ..اولا انسانة رقيقة و فى منتهى البساطة مفيش عقد المنصب و ادعاء الاهمية و النفخة الكذابة بتاعة الوزراء فى مصر بتوع المواكب و المنظرة و عقد النقص ..

عجبنى المثل اليابانى اللى ذكرته المذيعة "عود الأرز كلما إمتلأ بحباته كلما إنحنى أكثر "

رابعا منصبها كوزيرة لم يجعلها تخشن و تحاول ان تخفى انوثتها لتبدو قوية و مسيطرة على مساعيديها من الرجال و ملابسها بسيطة و محترمة ..

الست عندنا لو مسكت منصب لازم تبقى بميت راجل و تربى شنبها .... مينفعش تفضل زى ما هيا.... :D

حاجة تزعل الرجالة عندنا حتى محصلوش نسوان بره !!!

+100000
حاجة تكسف