لو عايزين حل لكرامتنا بره وجوه

**Eslam.Adly** · 21-11-2009 03:41 PM

اولا انا نفسى نبقى منظمين فى طريقة محاولتنا للرد على الى بيحصل:

1- عشان نعرف نرجع كرمتنا الى ضاعت لازم نرجعها جوه بلدنا الاول (يبقى فى وقفة ضدة النفوذ والمال والسلطة) يعنى اصلاح ذاتى و داخلى.
2-لما نعرف نرجع كرامة المصرى جوه البلده نبقى نبص على الناس الى بتتهان يوميا فى دول الخليج(دكتور فى السعودية بينجلد والتانى تلاقى الكفيل السعودى ولا الكويتى مبهدلينو وممرمطيين بيه الارض ولا المصريين الى بينعدم فى ليبيا وطبعا الى عملوه الجزائريين فينا والخ الخ الخ....)

حاجة اخيرة:
فى نظرة دينية وسياسية خاطئة وهى:
قال رسول الله صلى الله عليه وسلم:
لا فرق بين عربي أو أعجمي إلا بالتقوى (يعنى نفهم علطول كده ان سيدنا محمد قد فرق بين الشخص و الاخر بالتقوى والتقوى فقط) واكيد طبعا ديانتة وليس انه عربى.

يعنى كل واحد هايعد يغنى بأتحاد العرب و العروبة واحنا ام الكباروالمتحضريين (على فكرة مصر لسة من الدول النامية) والعاقلين والشمخ الجوانى والكلام الفاضى الى ماعدش ليه ايه لازمة وقلل من قيمة المواطن المصرى جوه بلده وبرها.
ياريت كل واحد هايقول عيب ودية مش اخلاقنا يركن على جنب ومايفكرش يدخل على النت من اساسة.
وانصحه اساسا انه يتفرج على القناة الاولى والثانية فى التليفزيون المصرى عشان يتبنج على الاخر ويحس انى منفخ الريش ومسلطن ومتكيف.

لما نجيب كرامتنا وحقوقنا فى بلدنا الاول نبى نبص على الى بحصلنا بره ووالله العظيم ده الحل الوحيد.

**sherif_habeb** · 21-11-2009 04:07 PM

ما ضاع حق ورائه مطالب

إذا كنت ترغب في رؤية مصر في كاس العالم 2010 إفعل الخطوات التالية

نحتاج حوالي نصف مليون رسالة فقط ( ليست بالكثيرة علينا نحن المصريين )

هذة هي طريقة الشكوي التي لن تستغرق أكثر من دقيقة

- اذهب على هذا الرابط (FIFA.com)

2- اختار (Feedback on National Teams' Fixtures and Results)

3- اكتب اسمك و اميلك

4- و اكتب هذه الرساله ؟ و إذا كان لديك صيغة أخري يمكنك كتابتها

What happened in the match between Egypt and Algeria established in the Sudan from the terrorism of the masses of Algeria and the instigation of the Algerian football federation event does not belong to football and inconsistent with the policy of fair play from FIFA and declared that the first thing that happened before the game to break into the Algerian public to pitch and what happened in the Algerian football players before the match and during the national anthems of both teams and terrorism suffered by the Egyptian public before and after the game in Sudan and Algeria, all this has had a clear impact on the outcome of the game, so please FIFA reported undertaking the appropriate decision to write off the Algerian national team or a re-match behind closed doors

5- اكتب الكلمه التى فى الصوره

6- ثم اضغط على (submit)

تمت

حاول إرسال هذة الرسالة لكل شخص تعرفة ، الوقت مهم

**mnabil1980** · 21-11-2009 05:30 PM

باتفق معاك جدا فى ان أساس مشاكلنا هو انعدام الديموقراطية وتسلط الفاسدين ومنعدمى الكفائة على رأس البلد واساس حلها هو اصلاح البلد والسعى لارساء نظام ديموقراطى به رقابة ومحاسبة حقيقية من الشعب على الحكام والمسؤلين وبه سيادة للقانون وفصل للسلطات.

ولكن دة مايعنيش تأجيل محاولة حفظ كرامتنا فى الخارج ولكن يجب أن نحاول فى الاتجاهين معا.

وباتفق معاك جدا فى وجوب الكف عن النفخ فى أنفسنا بالكلام الفاضى فهذا الكلام يضحك علينا الناس واحنا دولة نامية زى ما قلت. جزء كبير من هذا النفخ يفعله النظام ليدارى سلبياته وسوء ادارته وفساده. لنحقق الديموقراطية وسيادة القانون فى بلدنا وننهض بها وندع الأفعال والانجازات تتحدث عنا لا الكلام الفارغ.

**egyegy** · 22-11-2009 12:29 AM

المشاركة الأصلية كتبت بواسطة Eslam.Adly

لما نجيب كرامتنا وحقوقنا فى بلدنا الاول نبى نبص على الى بحصلنا بره ووالله العظيم ده الحل الوحيد.

في المشمش، نفس الاشخاص اللي مطلعين عينينا هنا، دلوقتي بيغنوا نشيد الكرامة لكل مصري.

حاجة تثير الضحك، اغلب الناس بقى عندها لامبالاة، و بيعتبروا ان الكلام اللي احنا كلنا متفقين عليه هنا وهو إصلاح الداخل، يعتبر درب من دروب المستحيل ولا يجب ذكره الآن ولا غدا ولا بعد غد ولا حتى في المستقبل القريب او البعيد.

نفس الاشخاص اللي كل يوم بيجلدوا فينا هما دلوقتي اللي بيعزفوا وبيقولوا الوطن والوطنية والكرامة للمصريين، كل المواضيع اللي انا شوفتها في المنتدى بتتكلم عن تاريخ مصر وحضارة مصر، طيب وفين مستقبل مصر، انا كل امنية حياتي اطمن على مستقبل مصر، انا نفسي حد يقولي كلمة عن مستقبل، حد من كل أعضاء المنتدى مطمن على مستقبل مصر يطمني، وأخيرا رحم الله إمرئ عرف قدر نفسه.

Eslam.Adly : شكرا لك
mnabil1980 : شكرا لك

وشكرا لكل إنسان بيحب بلده