اي حد عنده مشكلة التزييق في ابواب اللوجان يدخل هنا حالاااااا
اولا السلام عليكم و رحمة الله وبركاتة
النهاردة طلعت في دماغي و قلت العربية من العيد الصغير ما اتغسلتش و التراب ماليها من جوا و من برا و خلاص العربية مش طايقة روحها من التراب اللي فيها و البلاك اللي في الرفارف من الطريق اللي كان بيرصف الفترة اللي فاتت
و جبت المكنسة الكهربة 2200 وات و استعنت علي الشقا بالله و هاتك يا تنضيف في الموكيت اللي للأسف اتشبع تراب و غبار و رملة من رحلة الغردقة و طبعا بسكوت و لبان و وورق من الست مي بنتي اللي ما بيحللهاش الأكل إلا في العربية
المهم الحمدلله خلصت و العربية بقت تمام من جوا
طبعا انا ليا فترة بشتكي من موضوع صوت التزييق اللي بيحصل عندي من اللأبواب
وكنت حاولت و انا في الصيانات اشوف ايه سببه و لما كنت بغير المرايات الجانبية طبعا البابين الأماميين اتفكوا و راجعنا علي كل الخوص و المسامير بتاعة الأكر و السقاطات اللي جوا الأبواب لقيناها كلها متربطة كويس و مش هي السبب:rfds:
المهم الفني بتاع مركز الخدمة قاللي دي عاوزة في يوم تكون جاي من بدري و نحل الأبواب كلها و نراجع عليهم
انا بصراحة بدأت انزعج من الصوت دا و بقيت متضايق منه جامد لأنه كان بيزيد يوم عن يوم و انا عفريتي حاجة تزن و لا تزيق في العربية ببقا ماشي و انا مش مركز :B4_237::36_1_2[1]:
النهاردة قلت انا هبص بنفسي و احاول اكتشف اي سبب للمشكلة الغلسة دي باي طريقة
طبعا انا بصراحة كان تفكيري كله رايح ناحية الزجاج و ان هو مصدر التزييق دا
و انا ببص علي الأبواب لقيت الإقفال اللي هي بتمسك في البنز اللي في جسم العربية لما الباب بيقفل مليان تراب و بمعني اصح طيييييييييييييييييييييين و دا تقريبا من التراب الللي اتكون علي الشحم اللي في القفل
قمت انا جايب علبة المناديل الورق و هاتك يا تنضيف في اقفال الأبواب الأربعة لما خليتهم بيلمعوا من تاني
و طلعت بالعربية علي البنزينة عشان اديها حمام بداية دخول الشتاء :girlsthink:
و قلت اشوف ايه ااخبار الصوت بعد اللي انا عملته و الحمدلله الصوت اختفي تماما و انا تعمدت امشي في طريق لسه الصرف الصحي بيتعمل فيها يعني كلها مطبات و حفر و الصوت لم يظهر نهائيا :ask: بعد ما كان بيهر و انا ماشي علي الأسفلت الناعم :120146b
انا عاوز اي حد عندة المشكلة دي يروح يعمل زي ما انا عملت و يقولنا علي النتيجة
بس انا حاليا مش عارف هل احط شوية شحم بسيطة علي القفل بتاع الباب و لا اسيبة كدا
و هل هناك اي انواع من منظفات معينة بتستخدم لتنظيف الأقفال و الحاجات دي
يعني هل سبراي زي ال wd 40 ينفع و لا ممكن يبوظ الدنيا
وبإذن الله يكون هو دا سبب المشكلة اللي ازعجت ناس كتير
