موقف غريب بتوكيل العبور

**mohamed1979** · 21-11-2009 05:24 PM

السلام عليكم و رحمه الله و بركاته

الحمد لله وصلت لغايه 10000 كيلو بالوجان وقررت اعمل الصيانه بالتوكيل اتكلت على الله و حجزت بالتوكيل ميعاد الصيانه
وكان ليا طبعا ملاحظات على العربيه
الهاند بريك ضعيقه
صوت بدواسات الفرامل و الدبرياج
كاوتش الزجاج الأمامى كان مخلوع من مكانه
وطبعا صيانه ال 10000 كيلو
دخلت العربيه و بعد ساعه ونصف رحت الحسبات و دفعت 340.00 جنيه تمن الصيانه و المصنعيه
و ركبت العربيه و اول ما خرجت لقيت ان الهاند اتشدت كويس و بقت تمسك تمام
كاوتش الزجاج اكتشفت انه متعملش
و سمعت صوت تزيق عند رفع الهاند والعربيه على منحدر
صوت مع المطبات الصناعيه
المهم سافرت بالعربيه الشغل و عند رجوعى حجزت بالتوكيل علشان اراجع الحاجات دى تانى و بلغت على المشاكل دى فى عند حجز الصيانه
و رحت التوكيل و جرب مهندس الأستقبال العربيه و اتأكد من صوت الهاند و صوت المطبات الصناعيه
ودخلت العربيه و قعدت حوالى ساعه ونص
وشويه نادى على الريسبشن علشان اروح اخد تصريح الخروج و سألت المهندس عن اسباب الأصوات الى بسمعها بالعربيه
وكانت اجابته مفاجأه بالنسبالى
ان الأصوات دى كلها كانت بسبب ان العفشه مش متربطه وقالى واضح ان قسيت على العربيه فى المطبات و طبعا ده مش اسلوب سواقتى
وطبعا كده اكتشفت ان العربيه مربطتش عفشه فى صيانه ال 10000
المهم جربت العربيه و المفاجاه ان الأصوات الى بشتكى منها موجوده زى ماهيا بالظبط
طبعا انا كنت وصلت لمرحله الغليان ودخلت على المهندس تانى وصوتى كان نبرته عاليه و فى دماغى هو انا علشان معنديش معرفه بالتوكيل ملاقيش اى اهتمام
ازاى صيان ال 10000 و متتربط العفشه
والمهم المهندس هدانى شويه و وعدنى ان كل المشاكل حتتحل ان شاء الله
جاء المهندس الى مفرض اشتغل بالعربيه و جرب العربيه تانى وقالى انشاء الله العربيه حتكون معاك خلال ربع ساعه
وفعلا العربيه خرجت وقالى المهندس اتفضل جرب العربيه و جربت العربيه ولقتها حاجه تانيه خاص وطبعا كل الى بشتكى منه اتعمل
وكان سبب الصوات دى كلها ان ماستر الضفضعه اتقرص عليه جامد عند شد الهاند بريك فى الزياره الاولى
معلش ياجماعه بس انا حربيت اسرد عليكو الموضوع من الأول
و صدقت اشاعه ان توكيل العبور اقل مركز فى مهاره الفنين على عكس الأسكندريه و المقطم
مش عارف بس انا حزين من الموقف ده
و اسف على الأطالة و على سوء سردى للموضوع معلش اخوكو مبيعرفش يكتب كويس

**mostafabakry** · 21-11-2009 05:28 PM

الحمدلله ان المشاكل اتحلت
و عقبال صيانة ال 1000000 كم بإذن الله

**mohamed1979** · 21-11-2009 05:41 PM

الحاجه الى مزعلانى اوى ان توكيل رينو مينفعش يطلع حاجه زى الى حصل معايا
بس بصراحه انا بحترم العربيه دى اوىىىىىىىىىىىىىىىىى

**amr.elsayed** · 21-11-2009 05:44 PM

مبروك على الصيانة وعقبال صيانة المليون كيلو

**MoHaMed HaMeD** · 21-11-2009 05:47 PM

وانا كمان بحترمها ومش عايز حاجه تزعلنى منها والحمد الله انى المشاكل اتحلت يعنى مجش قالك هى كده ومالهش حل

**zkralla** · 21-11-2009 06:52 PM

يا باشا لكل قاعدة استثناء التوكيل بصفه عامة على حسب ما سمعت من ناس كتير توكيل محترم (أنا لسه ما عملتش اى صيانة لانى مستلم من اسبوعين بس ) وحتى شكوتك حلوها بس اكيد أن فيه فى الى بتقوله تقصير من التوكيل بس زى ما قلت لكل جواد كبوه وفى المجمل أنا شايف أن التوكيل سمعته ممتازة

**nomercy22** · 21-11-2009 07:40 PM

الحمد الله وعقبال صيانه المليون

**Beam28** · 21-11-2009 08:32 PM

كويس ان المهندس بيطلع يجرب معاك اساسا انا قعدت في غبور 3 سنين عمر ما مهندس طلع جرب معايا الشكوى كلها كانت بتبقى عالواقف من غير تجربة ولا يحزنون. والحمد لله ان المشاكل كلها اتحلت في النهاية وبعدين كل زيارة بساعة ونص بس؟ ده في التوكيلات التانية اقل واجب 8 ساعات

**chato_eg** · 22-11-2009 12:15 AM

أنا حاسس إننا بشكل عام متوقعين أداء مثالى من التوكيل....و مش منتبهين إلى إننا لا نزال فى مصر و لا بنقارنه بإللى بيحصل فى التوكيلات عموما...
لكن مش معنى إن الناس غلط...يبقى أعوم على عومهم
أنا مبسوط إن الناس صاحية و مش بتكسل و لا بتتهاون فى حقها...لو عايزين التوكيل يفضل كويس يبقى لازم كعميل أنبههم إلى أى تقصير بأشوفه و خصوصا لو فى حقى
يعنى هما مش بينسوا يكتبوا أى حاجة ليهم فى الفاتورة...يبقى لازم الشغل يتعمل مظبوط
أحى صاحب الموضوع على مشاركته....
لكن أحب ألفت الانتباه إلى إن الضغط فعلا شديد فى المقطم..و ممكن نفس الموقف ده يحصل
أحب برضه أوضح....مهم جدا الواحد يكشف على المشاكل إللى كان بيشتكى منها أول ما يستلم بعد الصيانة...علشان يشد ودنهم لو فى حاجة ما اتعملتش فى ساعتها...علشان كده ميعاد 8 صباحا ده مثالى فإن اليوم بيكون فيه بركة و تقدر تخلص كله فى يومها حتى لو أى حركة من دول حصلت...لكن تصور الوضع لو رحت الساعة 12 مثلا...هيقولو لك شرفنا يوم تانى و الموضوع مش بياخد نصف ساعة و طبعا هتروخ بعدها بكام يوم و وارد تسمع كلام تانى عن سوء استخدامك للعربية...خصوصا إن مش هو نفس مهندس الاستقبال و حتى لو هو هيكون نسيك