حفل تدشين الساجا في داندي مول

تم اليوم 21/11/2009 حفل تدشين الساجا في داندي مول بحضور المهندس هشام عز العرب والمهندس حبيب إبراهيم المدير العام لبروتون مصر و أ/ محسن صالح مدير المبيعات

العربية نازلة فول أوبشن فقط يعني ما فيش منها بيزيك
المانيوال 63000
الأوتوماتيك 69000

أسيبكم مع صور الحفل

http://img175.imageshack.us/img175/694/21112009132.jpg

http://img514.imageshack.us/img514/8719/21112009135.jpg

http://img514.imageshack.us/img514/6752/21112009137.jpg

http://img180.imageshack.us/img180/2677/21112009136.jpg

وده البورشور بتاع العربية

http://img514.imageshack.us/img514/6495/21112009138.jpg

http://img21.imageshack.us/img21/7963/21112009139.jpg

ميرسى كتير على الخبر الحلو ده
المفروض كانوا عزمونا فى الافتتاح
كنا هنعملهم دعايه جامده جداااا
اتوقع للعربيه مستقبل مشرق فى مصر

ايوه كدااااا
مش ناقص غير شوية دعايا تلفزيونيه
وشوية اعلانات في الجرائد
والعربيه دي هتنتشر بسرعه وسط اعدائها من الماركات الاخرى
وهتكون منافسه قويه جدااااااااااااا
شكرا على التقرير يا فندم
تحياتي

شكراً على المجهود جزاك الله خيراً...
هي سيدان فقط ولا في موديل هاتش باك و هل بدأ الحجز ام لا؟....
شكراً

منافس جديد للفيرنا و اللوجان و اللانوس
هي 1300 سي سي صحيح.. بس فول أوبشن
شكراً على الخبر

شكرا على التقرير
وفعلا منافس قوي للفرنا واللوجان وهتثبت نفسها ان شاء الله
بس محتاجه دعايه عشان الناس تعرفها
حد يقول لعمو عز يعمل دعايه, مش كل مره ينزل عربيات بروتون في الضلمه كده

it is 1300 and you will get people saying that I would rather get the Yaris than buying this car.....

even though it has a lot of options...but I dont know if it has a chance in front of the New Accent or not....maybe to the lanos and verna and logan but New Accent and Yaris is hard

ان شاء الله تبقى منافس قوى لكل العربيات اللى فى فئتها بس يا رب يكونوا عاملين حسابهم فى توافر قطع الغيار و اسعارها وكل ما يخصها عشان تنتشر وتقدر تنافس فعلا.

ربنا يوفق بروتون

خبر جامد بجد و ميرسى عليه يا باشا

موضو ع جامد جدا
يا ريت حد يجبلنا اخبار عنها عشان انامش لقيها علي موقع بروتن

عبد الرحمن باشا تسلم ايديك على التوبيك الجميل
وبصرحة عربية جميلة بالنسبة للسعرها وتستحق الاحترام والتقدير

70 حصان بس ؟؟؟
المهم انها نزلت مصر
مش عارف ليه حاسس ببشرى حلوه بالعربيه ديه .

اقتباس:

---

المشاركة الأصلية كتبت بواسطة ahmed_h_g

70 حصان بس ؟؟؟
المهم انها نزلت مصر
مش عارف ليه حاسس ببشرى حلوه بالعربيه ديه .

---

95 حصان مش 70 :colsmil:

ممكن اجيبها ان شاء الله

اخيرا و بعد انتظار !! .... انا شايف ان الساجا بالاسعار ديه منافسه جدا جدا
فل اوبشن مانيوال ب 63 جنيه يعنى دخلت فى شريحه البيكانتو و I10 السعريه ! .. و اكيد حتنافس جدا مع الانوس و الفيرنا و اللوجان و الافيو.

شكرا يا ايمن على التغطيه الاخباريه ...http://www.nilemotors.net/Nile/images/icons/icon7.gif

شكرااااااااااا
اول مره اسمع عنها

اقتباس:

---

المشاركة الأصلية كتبت بواسطة ahmed_h_g

70 حصان بس ؟؟؟
المهم انها نزلت مصر
مش عارف ليه حاسس ببشرى حلوه بالعربيه ديه .

---

70 كيلووات يعنى -------> 95 حصان

بس ده رقم خرافى لعربية 1300 دا ال 1400 بتوصل ال 100 بالعافيه لما تكون cvvt

لو العربية مفيهاش cvvt يبقى ال 95 دول غلط و الصح 70 حصان بس بردوا رقم صغير

الناس بتاعت التوكيل بجد حرام فيهم التوكيل انا عمري مشفت كده

ده لما موتوسكل صيني بينزل بيعملو اعلانات و هيصه و جرايد ناقص الشو الروسي:3mla:

و ده عربيه هتنافس عربيات لها تاريخ عند المصرين (بيدور علي سعر اعادة البيع - قطع غيار عند البقال - و لازم تكون غبور او لنسر) فين الدعايه و الاعلانات .

ده احن بتوع بروتون اللي عملين اصحاب التوكيل معرفناش حاجه.............

عربية جامدة ياريت تنافس اللوجان
بس الفيرنا و اللانوس راحت عليهم
بس اللي نازلة base ولا Luxury اللي بالسعر المكتوب فوق

العربيه دي علي فكره لو كويسه.....هتبقي صفقه
و أحسن من الفيرنا و اللوجان و اللانوس
يا رب تنتشر و تاكلهم كلهم

حضرتك متأكد ان السعر ده لل Luxury
لو كده تعتبر صفقه رابحه 100%

فيديو لل saga
[youtube]http://www.youtube.com/watch?v=kSTT0Q7AEMw[/youtube]

[youtube]http://www.youtube.com/watch?v=9AeNCePvsYs&feature=related[/youtube]

فيديو شرح للسيارة
[youtube]http://www.youtube.com/watch?v=CPcrBM4YbbA[/youtube]

http://www.mycen.com.my/sightings_pi...ton_saga03.jpg
http://www.mycen.com.my/sightings_pi...ton_saga04.jpg
http://www.mycen.com.my/sightings_pi...ton_saga05.jpg

هذا اللينك فيه صور و review ليها
New Proton Saga Launch and Test Drive Report

سعرها حلو عايزة دعاية علشان تبيع كويس

العربيه جميله جدا انا شوفتها النهارده في التوكيل و سعرها فعلا 63000 للفل اوبشن

عربية تحفة 100 100

شكرا للصور والتقرير
وان شاء الله تحقق نجاح

العربية تحفة ما شاء الله
و عدد الاحصنة 70 حصان مش 95 لان ده كتير جدا على 1300 سي سي
بس لو شفت التسارع بتاعها هتعرف انها تحفة ان شاء الله
البونتو بتاعتي 60 حصان و تسارعها تحفة بتطلع من الياريس و الكورولا 2007
فا اكيد دي هتعمل على الاقل زيها و يمكن احسن و الله اعلم
بس هي حلوة جدا جدا

و فعلا صفقة رابحة و خصوصا ان السعر ده للفل اوبشن كمان يعني وهم

الساجا بالضبط 94 حصان

Proton Saga - Wikipedia, the free encyclopedia

اقتباس:

---

The new Saga is powered by the same 1.3-litre Campro engine (which was co-designed with Lotus) that is fitted to entry-level Gen-2s. Besides the 1.3L engine option, the 1.6-liter version is also available as an exclusive engine option for taxi operators[8] before being offered to regular customers.[9] Like other Proton models powered by Proton's own Campro engines, the 1.3-liter engine is rated at 94 hp (70 kW; 95 PS) at 6,000 rpm and 120 N·m (89 lb·ft) at 4,000 rpm

---

ومش غريبة على التكنولوجيا الجديدة. دة ال Skoda Yeti الجديدة فيها موتور 1200 سى سى 105 حصان :surprise:

ال 70 دول سبعين كيلو وات مش سبعين حصان و دا يساوي 94 او 95حصان

خبر تحفة وهااااااااااااااااااايل :vctry:

بجد هاتخلى المنافسة تولع فى فئة الـ65-70 الف ج .. وكفاية لحد كده بقى احتكار غبور وهيمنته :3mla:

أنا معجب جدا بعربيات بروتون كلها ومتابعها من التسعينات فى الخليج وفرحت جدا لما بقالها توكيل فى مصر فى السنوات الأخيرة أيام الويرا 1300 أم 42 الف وبعديها الواجا والجين2 والبيرسونا وأخيرا الساجا

بس المشكلة أن توكيل عز العرب مش عاوز يصرف خالص وقاعد مستنى العربية تبيع لوحدها أو واحد اشترى يقول لواحد تانى عاوز يشترى وهكذا :120146b
ونفس القصة مع سيتروين اللى مع نفس التوكيل برضه

يارب يفوقوا بقى :ask: ويحسنوا مراكز الصيانة وخدمات ما بعد البيع لأن العربية منافسة جدا وعملية وجديرة بالاحترام فى نفس الوقت :satelite:

طب ما هو المشكله فى أى عربيه جديدة التوكيل
لو سمعته كويسه العربيه أكيد هاتبيع كويس و هايبقى فيه إقبال كويس عليها طالما سعرها منافس و بالإمكانيات دى

1300 سي سي - 93.8 حصان ( ال 70 دي بالكيلو وات )

اعتقد انها منافس لسيارات المتاحف الي عندنا :)

الفرنا و الانوس و اللوجان ( و الي مش عايز بيكانتو او i10 او سبارك ) .

و البس فى توكيل سيى وقطع غيار مبالغ فى سعرها و مشاكل غريبة فى الكهرباء
سيارات غير اعتمادية

انا شفتها اليوم منورة فى معرض قبل التأمين الصحى بمدينة نصر وبصراحة جميلة اوى