الحقيقة وراء لوجو البلاي بوي ..
الحقيقة وراء لوجو ال PlayBoy ...
فى طريقنا للمقطم انا و صديقى Most Wanted ( عضو فى المنتدى ) ..
و ظهرت امامنا Matrix و عليها من الخلف لوجو البلاى بوي , طبعا المنظر ده عادى جدا , و لكن اللى مش عادى ان اللى سايقة امراة مُنتقبة !!
طبعا استغربت جدا جدا جدا ! ازاااااى .
دارت علاملات الاستفهام شوية و فى الاخر قررنا اننا نسالها هل تعرف معناها ام لا !
كان معانا واحدة قريبة صاحبي فقولنا نخليها هى اللى تتكلم علشان الست متخافش خصوصا اننا كنا فى المقطم .
وقفت على جمب و نزلنا اتكلمنا معاها و لما الست عرفت معنى اللوجو ده لطمت على وشها :)
و كانت مستغربة اكتر مننا و قالت لنا اصل دى عربية ابنى و امل مرة اعرف الكلام ده !
قلت لها طب الحمد لله انك عرفتى فقالت لى ممكن تشيلها لو سمحت , قلت لها اكيـــــــــــــــــد و شلت لها اللوجو فى ثانية و الست قعدت تتشكر و تقول متشكرة حوالى ساعة .
يا ريت يا جماعة اى حد يشوف حاجة زى كدا يحاول يعمل اى حاجة ولو حتى نصيحة صغيرة ..