أعتذر و الله يا جماعة (هي مال إعتذاراتي كترت كدة) عن التأخير في الرد عالموضوع
لو تعرفوا اللي العربية عملته معايا !
أول حاجة كانت عاملالي مفاجأة (عجلة إتخرمت علي باب الرحاب و باظت خالص قطع غريب عجيب مريب) .. تاني مفاجأة بقي .. بعد ما رحت من الشرق للغرب من الرحاب لزايد و أقول هو العربية خشنة كدة ليه ؟ أقيس الزيت ألاقيه ناقص شوية .. رحت التوكيل .. قالك كارتيرة الزيت إتخرمت ! شوفوا التثبيتة .. مش عارف أمشي بالعربية أشتري عجلة يعني واقف واقف !
الشئ الإيجابي في الموضوع إن اما رحت أصلحها لقيت العربية اللي قدامي عليها ستيكر نايل موتورز و قابلت أبو عبد الله هناك و قعدنا نتكلم طول لحد ما العربيات خلصت .. رب صدفة خير من ألف معاد .
في المقابلة بقي انا هقولكم .. انا قابلت علي أبو حمزة في زايد قبليها بيوم و قلتله بصراحة انا تعبان شوية و إحتمال مجيش بس مش هقول كدة لأن فيه رؤية إن المقابلة تتأجل و انا كنت خايف تتأجل متتمش خالص فقلت لو مرحتش هعتذر في يوميها (تثبيت يعني :] بس دي كانت ظروف خاصة و الله ) و يوميها ظبطت المنبه علي 9 لأن بالليل حسيت بنشاط و قلت لأ انا هروح .. و قفلت الموبايل عشان محدش يصحيني و أصحي 9 نايم تمام .. المنبه رن 9 .. صحيت قفلته و كملت نوم .. !
فيييييييين بقي الساعة 2 و نص صحيت لوحدي و قلت يا نهار أسود المقابلة .. نزلت طيران عالرحاب بس إنتوا عارفين المشوار طويل .. و كمان العجلة عملتها معايا عالباب (كويس إنه كان عالباب) و بصراحة المقابلة رغم إنها كانت قصيرة بالنسبة لي لأن جيت متأخر لكني كسبت إني شفت أستاذ توفيق و هيثم و ميدو و أحمد مصطفي و شيكا و كل الناس اللي واحشاني .. و الناس اللي كان نفسي أتعرف عليها مادو و هاني و محمود و كل الناس الحقيقة كانت مقابلة جامدة جداَ و رغم إفتقادنا لناس كتير إنما الجايات كتير برضه .
بعد المقابلة بقي كانت فترة تجارب حاجات كتير هقولكم عليها قريب زي تعريض مقاس الكاوتش علي الجنط الحديد و مشيت 560 كيلو عالإستبن (إكتشفت إن بتوع العجل مسمينه عجلة توك توك) .. ده غير تجربة الماتيريا في المقابلة .
أستاذ توفيق حضرتك بجد حبيب الملايين و لك معزة خاصة عندي أنت و حرمكم المصون لأن معاكم بحس إنكم أهلي و أكتر و الله .. و إن شاء الله المقابلة الجاية خلاص إتفقنا علي أكلتها الرئيسية و اللي عنده برد يروح ;)
المفضلات