الموضوع: استلمت العربيه امبارح

الف مبروك بارك الله لك فيها ووقاك من كل سوء

ألف مبروك ياباشا وربنا يباركلك فيها بس سؤال غريب شوية هو إنت أولاً عربتك الشارك ده كنت مسأطلهة موتور evo ولا هي كنت evo ولا إيه بزبت ويه إلي خلاق تفكر تبعها أو تجب cerato عشان دة قرار صعب أوي انك تتنازل عن ٢٠٠٠ cc تربو يعني دنا بعت عربتي ال-BMW M40 على عيني عشان الجواز وحركات باءة كدة ياترى إنت عندك نفس السبب ولا إيه :)

اه موضوع الهوا دة هو ٣٢ أدم و ورى وملكش دعوة بالفتي بتاع المصريين :) ولو عوز الدابة تئيل شوية ممكن تخليها ٣٠ بس

المشاركة الأصلية كتبت بواسطة amr a.salam

ألف ألف مبرووووووووووك يا شوقي باشا

أخيراً يا راجل

ربنا يبارك لك فيها ويحفظها لك وتستخدمها في الخير

تقرير وشوية صور يبقى عداك العيب

لو هتتأخر في التقرير يبقى قوللي :

إخترت أنهي لون وفيها فرش جلد ولا لأ واشتريتها بكام ؟؟؟

ربنا يخليك ياعمرو ويرزقك بالاحسن ان شاء الله وانا مبسوط بروحكو الجميله ديه

انا هعمل التقرير طبعا ويسلام بقا على تقرير ابو الشوق لما يركب عربيه

وانا اخترت اللون الاسود لانه فخم جدا رغم ان ناس كتير عارضتنى فيه لكن انا حابه جدا ومرتاح الحمد لله للعربيه

والعربيه فيها كل حاجه فرش جلد وتعتيم وجنوط 17 سبور وفتحه سقف

كل حاجه ماعدا البصمه بس المفتاح مريحنيش ولا طريقته دخلت دماغى فقولت خلينى فى المضمون وخلاص بس

وانا متشكر ليك مره تانيه لزوقك وروحك الجميله ديه

ممكن اعرف سعرها كام العربيه دى وهل هى خليجى سعودى ولا كويتى ولا اردنى

المشاركة الأصلية كتبت بواسطة Beeso

ألف مبروك ياباشا وربنا يباركلك فيها بس سؤال غريب شوية هو إنت أولاً عربتك الشارك ده كنت مسأطلهة موتور evo ولا هي كنت evo ولا إيه بزبت ويه إلي خلاق تفكر تبعها أو تجب cerato عشان دة قرار صعب أوي انك تتنازل عن ٢٠٠٠ cc تربو يعني دنا بعت عربتي ال-BMW M40 على عيني عشان الجواز وحركات باءة كدة ياترى إنت عندك نفس السبب ولا إيه :)

اه موضوع الهوا دة هو ٣٢ أدم و ورى وملكش دعوة بالفتي بتاع المصريين :) ولو عوز الدابة تئيل شوية ممكن تخليها ٣٠ بس

لا ياباشا متتخضش انا الشارك كانت معايا خليجى فى البحرين وركبتها فتره كبيره ورجلى خدت على العربيه الشديده والتربو والحركات ديه فطبعا لما نزلت مصر بعتها محبتش انزلها ده غير ان ناس كتير خوفتنى وقلتلى ملهاش قطع غيار فى مصر فقولت خلاص انزل اشوف ايه الجديد وكده

ومرضتش اشتريها هنا تانى لانها 1500 تعبانه اوى فوقلت السيراتو شكلها حلو وعجبنى وكماليتها كويسه وهكذا لكن كاداء مكنتش جربتها

بس لما ركبتها وجربتها حقيقى العربيه عجبتنى وانا مش اى عربيه تدخل دماغى بس ديه عجبتنى رغم انها لسه فى اول 1000 بس ارتحتلها جدا

وانا مكنتش مسقط موتور ولا حاجه هى جايه كدا وديه اسمها GT غير Evo

واى سوال انا تحت امرك ياباشا

المشاركة الأصلية كتبت بواسطة abedsh000

ممكن اعرف سعرها كام العربيه دى وهل هى خليجى سعودى ولا كويتى ولا اردنى

سعودى

اخر سعر لما عصرت السيلز خدتها ب 124500 الفمروض هى رسمى ب 126