أعقلوها معايا ........ حكاية الكلوب
المقابلة اللى فاتت قلت لبعض الأخوة انى شبه متأكيد ان فيه صلة بين منتدى اسبيرانزا كلوب و ابو الفتوح و ده لعدة أسباب، منها على سبيل المثال لا الحصر:
- هجومهم المستميت على اى شخص ينقض السيارة.
- الأشادة بابو الفتوح بمناسبة و بدون مناسبة من جانب المؤسسين فى أغلب المواضيع.
- ردهم العنيف على عضو عندهم تسأل فى براءة عن صلتهم بالتوكيل لما اعلنوا انهم ممكن يعرفوا ان بيانات العضو صحيحة و انه عنده اسبيرانزا لما يحط رقم الشاسيه و لما العضو قال ازاى التوكيل يدى بياناتى لاى حد بواسطة رقم الشاسيه، الدنيا قامت عليه والأخ مروان لغى عضويته.
المهم شكوكى دلوقتى بقت تقريبا يقين بعد ما ابو الفتوح حط لينك الكلوب كمكون من مكونات كلوب تانى فى موقعه الجديد
http://www.aboulfotouh.com/daewooclu...oodefault.aspx
و بالعقل كده أكيد لو الكلوب فى اى نوع من الموضوعية و بيتكلم فى مميزات و عيوب يبقى مش من مصلحة الوكيل انه يدل الناس عليه، لانه ببساطة عامل الموقع ده للدعاية مش للنقاش الموضوعى اللى لو خلى 1% من اللى بيفكروا يجيبوها يغيروا رأيهم يبقى هو خسر فلوس.
القصة بتاعة الكلوب ده بدون دبلوماسية لا تزيد عن سبوبة و الحدق يفهم.
