-
خبراء الاوبل
اخواني خبراء الاوبل اخوكم لسه جديد و ما اعرفش حاجه عن الاوبل
معروض علي اوبل فيكترا 1994 اتوماتيك كامله موتور استيراد لسه متركب حالا
فبريكه دواخل بسعر 30 الف ايه رايكم في السعر
ايه اخبار قطع الغيار و الصيانه و ايه مشاكل الموديل ده
رجاء سرعة الرد للاهميه لاني حاخلص فيها ان شاء الله بكره او بعده علي الاكثر
-
قليل قوى اكشف عليها كويس
العربية دى 2000 سى سى و لو حالتها صح مش هتقل باى حال من الأحوال عن 40000
اكشف عليها كويس قوى و معنى انها غيرت موتور يعنى متهانه قوى موتور الأوبل معمر لدرجة لا يمكن تتخيلها
-
انا معايا اختها بس مانيوال مش هابيع اقل من 45000 لو فضلت معايا لغاية ما اموت
-
لا دي ببلاش كدا اكيد في حاجه غلط
افحص العربيه عند اللى انتا تشاور علي مش هوا خلي بالك ياباشا
افحصها كويس
ماشيه اد ايه طيب
-
لو خدت العربية دى متبهدله هتبيع هدومك عليها و اكشف على التكييف بالذات
-
و الله مش عارف اقول لكم ايه علي سرعة الرد دي
انا اكيد حاكشف عليها
بس كنت عاوز استفسر عن اسعار قطع الغيار و توافرها و الصيانه
و اهم شئ اكشف عليه فيها ايه غير التكييف
-
دي بقى طناني باشا يفيدك بيها اكتر
شوف كمان البودي بتاع العربيه عامل ازاي ممكن تكون واكله ضربه
-
بص يا باشا قطع غيارها فيها الغالى و فيها الرخيص يعنى حاجات العفشة سعرها حلو
حاجات الموتور من سيور و فلاتر سعرها حلو
حساسات و خصوصاً الماف غالية موت لأن الماف لوحده استيراد معدى 800 جنيه و الأيدل رخيص استيراد 100 جنيه حساس الكرنك بيعمل 300 جنيه حساس التى بى اس بيعمل 250 جنيه حساس الكولنت 65 جنيه و و عندك كتوت المروحه ب 230 جنيه قواعد الموتور القاعدة 200 جنيه هما 3 قواعد يعنى 600 جنيه
التكييف حاجاته برضوا غالية يعنى البلف ب 160 جنيه كباس 1450 جنيه سرنتينه 1000 جنيه فلتر فريون 400 جنيه كويل بالأكسبشن يعمل 1000 جنيه شجرة الفريون بالعزل الصينى 500 التركى 600 الأصلى 1200 جنيه
فتيس نار و حاجته غالية
بلى ورا مع السره و الواحده ب 475 جنيه
الفوانيس ورا ديبو تايوانى 250 جنيه
قدام فى نفس الحدود 250 جنيه
غمازتين 60 جنيه
جوه بقى موزة الباب 70 جنيه
الطنابير قدام 250 جنيه و التيل 100
طنابير ورا 370 جنيه و التيلين جوه و بره 175+100
يعنى زى ما انت شايف فيها كده و فيها كده
-
متشكر جدا علي الرد السريع يا باشا و ان شاء الله بعد ما اشوفها و افحصها هابلغك باللي حصل
-
و نصيحة اخيره
متكشفش عليها فى نفس المنطقة اللى هى فيها
لو تعرف ناس حبايبك خليهم يكشفوا عليها مش اى حد و خلاص يا ربنا يعوض عليك و على التوكيل ب 275 جنيه و تقرير شامل
Content Relevant URLs by
vBSEO 3.6.0 PL2