الموضوع: دعوة عامة و هامة لكل أهلاوي و زمالكاوي

بجد احييك على المبادرة الهايلة دي
وياريت نبطل كل خلافاتنا الداخلية على كافة المستويات سواء في الكورة في السياسية وحى في الدين (ولو مؤقتاً) ونحاول نحافظ على شكلنا قدام العالم لحد ماحقنا يرجعلنا عشان منديش فرصة للجزائر ولا اي دولة تانية مالهاش لازمة تعيب فينا.
على قد مانا زعلانة جدا بسبب اللي حصل من الدولة الزفتة الجزائر دي والجزائريين الهمج اللي اتهجموا على ناس مدنيين مسالمين مصريين على اد مانا مبسوطة لإن اللي حصل ده خلى كل المصريين يرجعوا يدافعوا عن هويتهم من تاني حتى اللي كان بيلعن في البلد وظروفها وبيشتم في مصر معظم الوقت دلوقتي حط علم مصر وبيدافع عن بلده بكل ما أوتي من قوة
بجد انا مبسوطة ان احساس الانتماء للبلد ده رجع لينا من تاني وياريت يكون دافع قوي لينا كلنا اننا نحسن من احوال بلدنا ونرفع من شأنها في وسط الدول التانية وترجع زي زمان لما العالم العربي كله كان بيحترمها وبيعملها الف حساب