لازم العالم يعرف اللى حصل..و نبدأ من هنا

كنت هاييجى لى شلل النهاردة لما اتصدمت بأن مافيش أخبار فى وكالات الأنباء العالمية عن البلطجة و الإجرام اللى حصل من الهمج دول ... لأ و الأدهى و الأسوأ ان فيهم اللى بيصوتوا و ينوحوا فى المحافل الأعلامية العالمية بإن احنا اللى ضربناهم و بهدلناهم .... صحيح "ضربنى و بكى ... و سبقنى و اشتكى" و فيه مثل تانى بنطبق عليهم تماما تمنعنى الدواعى الأدبية من مجرد التلفظ به (مغزاه انهم يلصقون بنا عيوبهم) و لكن اكيد كتير عرفوا قصدى ايه..

من غير ما أطول فى الكلام جت لى فكرة مهمة ..

منتدانا ده بيخش عليه كتير ... ليه ما نستغلش الفرصة دى و نحط فى مكان واضح (مثلا تحت علمنا الخفاق المرفوع الى العلا على الدوام) لنكات فيها فيديوهات يوتيوب مثلا و لنكات للصحافة و الأعلام (و ياريت بكل اللغات) و يكون عنوان البانر دى "حقيقة ماحدث فى السودان من الجزائريين ضد المشجعين المصريين" علشان نوصل أكبر قدر من المعلومات للعالم كله و يعرفوا الحقيقة بدل الأكاذيب اللى بيرددها الحثالة دول.

ايه رأيك يا كريم فى امكانية تنفيذ الفكرة دى و ايه رأيكوا جميعا..

و ممكن نعمل موضوع مفتوح يقدر اى حد يخش عليه و نحط فيه لنكات الحاجات دى كلها ، و اللى عنده لنك من الأعضاء يضيفها ليه مثلا ..

فى انتظار تعليقاتكم على الفكرة و لو حد عنده تعديل ياريت يساعدنا بيه.

لازم نعمل حاجة ... الناس اللى انضربت و اتهانت دى أهلنا ... و دى مصرنا ... لازم نرفع اسمها للسماء

منتدانا و غيره من المنتديات المصرية باللغة العربية
يعني اخرنا كام عربي يخشوا عليه عشان يضحكوا علينا اساسا
الحل في وجهة نظري
خبراء الإعلام و الانترنت
يدلونا علي مواقع مراسلات وكالات الانباء و الصحف العالمية و قنوات التليفزيون
و يا ريت لو فيه منتديات او بلوجات عالمية تكون عليها ترافيك عالي
و نبتدي نبعت و نراسل بس باللغة الانجليزية
طالما مسؤلينا و إعلامنا عاجز بهذه الطريقة عن توصيل الحقيقة