عملت كام جروب على الفيسبوك انهارده؟
ايه حكايه ال فيس بوك؟
كل شويه جروب مش عارف عشان ايه و واحد يحط فيديو جايبه من الفيسبوك و يعملوله جروب
و جروب لسويرس و جروب لطرد السفير و جروب لكراهيه الجزاير و الف جروب لتأييد مش عارف ايه
و الاعلام يجيبوا شاب و يقولك ده شاب مصرى عمل جروب على الفيسبوك اسمه طلعوا السفير عشان مصر و الحضور بالبرنامج يبصوله بصه لعالم فى الذره لسه خارج من المعمل و ووووااااوووو
ايه اللى خلاك فكرت فى كده؟!
الشاب يرد الدم غلى فى عروقى و قلت لازم اشارك فعملت جروب
فيه ايه؟
هوه انا بس اللى شايف ان الموضوع ده بقى غريب حبتين و حكايه الجروبس و توقيع مش عارف نص مليون يبقى الفرخه هتولد مش هتبيض و كلام كله ماسخ
ده حتى الجرايد بتجيب اخبار الجروبات مش عارف جروب مين بيكره منى ذكى و جروب مش عاجبه شعر صدر تامر حسنى و الكلام بقى بييجى من الcyber space ينط فى حياتنا
فى ايه يا مصريين
