مواصفات وكماليات وفئات الجميلة ميجان هاتش باك وسيدان

**madda7** · 22-11-2009 01:54 AM

السلام عليكم
احسن وحوش
قدامي عربيتين ميجان سيدان وهاتش
اول سؤال ايه الفرق بينهم؟

تاني سؤال دا سؤال ودا الأهم - عاوز اعرف ايه هيه كماليات الميجان بالتفصيل الممل؟
يعني كلها فيه abs ولا لأ - مرايات كهربا وضم مثلا - تارة ملتي ولا مش كلو - بتنزل بكاسيت سي دي والاصلي نوعو ايه مثلا - التكييف هل كلو تتش
يعني ياريت واحد من الوحوش يقزقزلنا كدا في المواصفات ويا حبذا -حلوة يا حبذا دي- لو اعرف مواصفات الفئات المختلفة للميجان والكماليات الزيادة في كل فئه وسعر الفئة زيرو كان كام
انا عارف اسئلة كتير بس اتمنى حد يرد عليا بسرعة عشان عاوز ان شاء المولى اقتني هذه الجميلة الفرنسية عشان كلامكم عنها شجعني جدا وحاسس انها اتظلمت رغم انها تستاهل وانا مستعجل جدا لاني حاليا بدون

**chato_eg** · 22-11-2009 02:01 AM

حضرتك الأول قزقز فى الموضوع التالى....
كــل مــا تريـــد معرفتــــه عــن الميــــجان II
و لو فيه سؤال لك لم تغطيه الروابط فى الموضوع...احنا فى الخدمة
الفرق الأساسى بين السيدان و الهاتش باك هى بلد المنشأ
السيدان كلها تركية التجميع.....الهاتش باك كلها فرنسية ( وفى منها أسبانى لكن مش فى مصر )

**madda7** · 22-11-2009 03:00 AM

متشكر على ردك الانيق
بس انا قريت فعلا في المنتدي الهايل دا معلومات كتير عن الميجان وفعلا استفدت بزيادة كمان في وقت قصير جدا
انا بس كنت عاوز شبه تلخيص عشان كمية المعلومات كتير وبلمها من كذا موضوع فبحس اني اتشتت شوية كدا ، انما لو اللي عارف حب يقولهالي ممكن تاخد منه وقت ابسيط بكتير وانا هكون مركز جدا فهتثبت المعلومات تمام ودا كان قصدي ، وبلاش بالتفصيل الممل لاني مش قصدي كدا بالحرف طبعا

شكرا مرة تانية واديني هدعبس تاني وهزبط الامور ان شاء الكريم