بنفع الغلى ال autolock ؟

**mark_milad_95** · 22-11-2009 02:37 AM

العربية لما بتقفل اما امشى بعد ما ادوس فرامل بتعصبنى و بتخضنى و بتضايقنى ..

يتفع الغى الموضوع دا ؟؟

**M.almaghraby** · 22-11-2009 04:30 AM

هوا امان يعني

اسال فالتوكيل

**A. Ibrahim** · 22-11-2009 06:53 AM

مش محتاجه التوكيل الكلام ده موجود في المنول بتاع العربيه و سهل جدا

ولكن نصيحه و بلاش لانه مهم جدا لعددة اسباب.

لو عندك اولاد بيصعب انهم يفتحوا الباب من اللعب
بيحمي لو في حاجه ذات قيمه علي الكرسي او الكنبه و ياما ناس اتسرق منها حاجات وسط الزحمه

نصيحه بلاش

**eslamkasem** · 22-11-2009 02:22 PM

يا باشا دا فكرته جامده جدا كفايه انك في امان ولا قدر الله في حاجه جمبك اواق مهمه ولا حاجه في شنطه محدش يقدر يفتح الباب ويخدها

**R A N A** · 22-11-2009 03:22 PM

طب وليه تستني لما تتحرك وتدوس فرامل وتتخض
حضرتك أول ما تركب العربية وتقفل الباب استني ثانيتين تلاتة كدة وبعدين تدوس على الفرامل بنفسك وهايقفل وطالما انت اللي عاملها فمش هاتتخض.
او لما تقفل الباب تدوس على زرار اللوك بتاع السنتر اللي في الباب اللي جنبك وهايقفل الابواب كلها مرة واحدة من غير ماتتخض برده.
وبعدين كدة كدة بعد فترة هاتتعود على الصوت ده.
اصل انا برده كان الموضوع ده بيخضني في الاول وكنت بعاني منه بس بعد كدة بقيت اقفله بنفسي بإحدي الطريقتين دول واتعودت عليه انه بعد ماتحرك يقفل لوحده مع أول فرملة ومبقتش اتخض خلاص.
بس متلغيهوش لإنه فعلا مهم جدا جدا .

**mark_milad_95** · 22-11-2009 04:01 PM

كلام مظبوط و منطقى و مقنع .

بس فى مشكلة تانى لما حد يبقى جنبك و عايز ينزل , احيانا بينسى او مش عارف اصلا ان الباب مقفوا , فاحتمال المقبض يتكسر .

هو الحل اصلا بسيط ولا محتاج لعب . لو الموضوع كبير مش مشكلة .
انا كنت فاكر ينفع انا الغيه .

شكرا للاهتمام .