شكرا لردك السريع يا باشا وعقبال bmw 750 :36_1_1[1]:
عرض للطباعة
ماشاء الله عليكم .. مكنتش متوقع سرعه الرد و الاستجابه تكون بالقدر ده .. شكرا جزيلا :4:
ملاحظ ان محدش فادني خالص في موضوع التقسيط .. هو مبهم للدرجه دي ؟؟
و بالنسبه لكمبيوتر الرحلات .. يا ريت حد يقولي ده عباره عن ايه و وظيفته ايه
حضرتك التوكيل بيقسط 16202
بس أنا مش بحب موضوع التقسيط لان عليه اقاويل كتير من ناحية الحلال والحرام بس فيه دلوقتى بنوك بتقسط بطريقة اسمها المرابحة أو التقسيط الاسلامى خيلك فى الموضوع ده اضمن اجتنابا للشبهات (فمن اتقى الشبهات فقد استبرى لدينه )صدق رسول لله صلى الله عليه وسلم
الشيخ صفوت حجازي و شيوخ كثيرون متشددون قالوا إنه حلال من قناة الناس اللي فيها شيوخ كتير بيحرموا حاجات كتيرة أوي مش عارف ليهقالوا أن التقسيط حلال, بنك ناصر تقسيط 6% من سنتين و نصف حتى سبع سنين, و بدون تأمين خالص, و مصاريف إدارية 500جنيه, بس لازم تكون موظف حكومة, أو يكون عندك وديعة, لو ماكونتش موظف حكومة أو معندكش وديعة, كل ما عليك إنك تجيب إتنين موظفين شهود, أنا أمي موظفة و معنديش مشكله أقولها تخدمك, تليفوني 0112281521
و لو لسه مصر إنه حرام إدخل على موقع contactcars.com و عندهم كل أنواع التقسيط إسلامي و مش إسلامي
إزيكم ياشباب
أنا غاوى أشترى عربية اليومين دول
وكرهت الاسبيرنزا من المشاكل والصينى والكلام الخايب
أنا عاوز أشترى اللوجان
وأنا موظف بس غلبان هههه يعنى هخلى اتنين موظفين شهود يغطوا التكاليف بتاع الأقساط ياريت حد يقلى نظام التقسيط لو عن طريق بنك ناصر
يعنى ينفع أدفع مقدم بمزاجى سواء 10 أو عشرون أو تلاتين ألف وأقسط الباقى ولا ايه النظام
واجراءات الحجز لأننى غاوى بإذن الله أحجز فى واحد اللى جاى ولا احجز دلوقتى وادفع مقدم بسيط على ما استلم العربية بعد ست شهور وادفع كمان مقدم واكمل الباقى تقسيط ولا ايه النظام
آسف ياجماعة على التطويل واعذرونى ولكم جزيل الشكر مقدما
السلام عليكم و رحمة الله و بركاته
اخواني الاعزاء بالنسبة لموضوع تقسيط السيارة او اي تقسيط احرص ان يكون من يقسط لك ( البنك مثلا ) هو صاحب السلعة و ان العقد ثنائي بينك و بينه مباشرة ايا كان بنك او معرض او غيره، و لا يكون ابدا عقد ثلاثي الاطراف بينك و بين صاحب السلعة و بين من سيقسط لك لأنك في هذه الحالة تكون كمن اقترض من البنك و سوف ترد له ماله بفائدة فهذا ربا و ليس بيع اجل. و احرص اخي الكريم اثناء كتابة العقد ان يكون عقد بيع و ليس قرض شراء و الله اعلم.
بالنسبة لبنك ناصر اقل مقدم هو 15% من قيمة السيارة و الباقي يضع عليه نسبة 6% لكل سنة و هو ان شاء الله سليم و ليس فيه ربا لأن اخر عقد في ملف السيارة بين بنك ناصر و المشتري و ليس من المعرض للمشتري و العقد السابق لعقد بيع البنك لك هو عقد شراء بين المعرض و بين البنك. و الله اعلم
و على فكرة البنك لا يعطي ثمن السيارة للمعرض الا بعد ان يسلم المعرض للبنك صورة رخصة السيارة ضمانا من البنك ان يقوم المعرض بتسليمك السيارة حتى لا يلعب بالمشتري
أشكرك ياأستاذ طارق وهبة
وشكرا على ردك الكريم وربنا يصلح حالك وينفع بك الآخرين وييسر أمورك
برجاء سؤال هل ينفع أحجز مثلا بمبلغ 40% والباقى أقساط على ثلاث سنوات وفى نهاية السنة الثانية أسدد مبلغ السنة الثالثة بالكامل مع بنك ناصر وإذا كان ذلك يصح فهل من الممكن أن تحسب لى هذه المسألة إذا كان المبلغ العام 67ألف للوجان .