موضة الاوفربرايس بقت حاجه تزهق الكروز بتتباع باوفر برايس امبارح روحنا نتفرج عليها فى بلال موتورز اللى فى الداون تاون فى الاسكندريه المهم بكام المانيوال والاستلام امتى ياسيدى ؟
الاستلام الفورى ب 115000 جنيه قلت له نعم ليه دى العربيه مرترته وعندك فى المعرض بس 4 غير المخزن قالنا عموما هنزلهالك الف كمان بس ساعة التخليص قولت له مش هنخلص دى احنا اصلا مش مقتنعين ب110000 تيجى تزودهم ويقولك السعر الرسمى تستلم بعد شهر جشع يا جماعه ما بعده جشع وكنا بنهاجم توكيل كيا اتضح ان دى ظاهره عامه والجشع بقى متفشى امال لو الطلب زاد عليها شويه هيحصل ايه ؟؟ارحمنا يا رب
واللى يغيظك الاخ بتاع المبيعات فاكرنا هنود من كوالا لامبور ويقولنا الخامات المانى كلها وبس تقفيل كوري انا كنت هتنقط من الكدب والغش والسرقه الحمد لله ان احنا طلعنا بحاجاتنا كامله