أبقي شوفي يا جزائر مين راح ينجيكي من الغرق

**eltorky** · 22-11-2009 10:15 AM

مليون شهيد

وتاريخ مجيد

من الكفاح المشترك

وخوض غمار المعترك

وف آخر الشوط أخسرك

مين علمك تقتل أخوك

وأمك وأبوك

وإحنا اللى قدمنا الدماء

قبل العرق

خلاص وصلنا لمفترق

وثورتك.. حريتك

دول كان مخاضهم أرضنا

وف حضننا

تيجى انت تهتك عرضنا

تحرق علمنا

اللى كان شاهد على قبر الشهيد

وترهب الطفل الوليد

تنسى تاريخك يا بليد

بقى هو دا الجيل الجديد

ده نسل بن بيلا وبومدين والرجال

اللى لما ضاق الكون عليهم

شدو لبلادنا الرحال

رفعوا علمهم فوق صدورنا

قبل ما يغوص فى الرمال

غمض عيونك جوا قبرك يا جمال

ماتشفش أحفاد النضال

واقفل ودانك

أصل البيان الجاى من صوت العرب

بيقول على المصرى انضرب

بيقول تاريخك كله كان وهم وخطب

نام يا بطل

لا عليك ملامة أو عتب

وانزل يا واد من فوق كتاف القاهرة

أنت فقدت الذاكرة

لا تصلى فى الأزهر

ولا تمشى ف حوارى السيدة

ولا تسمع الكوكب وهى منشدة

ولا تقرا محفوظ النجيب

ولا حتى تسمع عندليب

خليك كده

تحرم عليك

كل العيون والأفئدة

تحرم عليك كل الدماء والأوردة

وبريئة منك ألف مدنة

وكل جبهة ساجدة

وأنا حفضل المصرى

كريم العنصرين

اللى متربى وساكن فى الحسين

اللى علمتك تقول الضاد

وتنطق كلمتين

يابو اللسان الأعجمى

انزل يا واد من فوق كتاف القاهرة

من امتى بتشيل العيال

دى مصر ولادة رجال

سادات.. مبارك

ومعاهم الناصر جمال

واقفين على شط القنال

رافعين علمها

اللى بإيديك اتحرق

رجالة من عزة وشهامة مش ورق

يا حارق الطوق والشراع

مين راح ينجيك من الغرق

■ شاعر مصرى

قصيدة ل: محمد محمود السعي [justify] منقول[/justify]

**Ahmed Selim** · 22-11-2009 11:31 AM

رائعة.........

**gomangy** · 22-11-2009 12:24 PM

روووووووووووووووووووووووو ووووووعه

**egyegy** · 22-11-2009 01:07 PM

eltorky : الصورة الموجودة في التوقيع لديك، مقززة جدا، ارجو منك تغييرها، لا يليق ان يشاهدها اعضاء المنتدى، كان يوجد شكوى للجنة فض المنازعات بنفس الفحوى ولكن عن صورة اخرى مشابهة للصورة التي في توقيعك.

طالع هنا

**eltorky** · 22-11-2009 01:31 PM

المشاركة الأصلية كتبت بواسطة egyegy

eltorky : الصورة الموجودة في التوقيع لديك، مقززة جدا، ارجو منك تغييرها، لا يليق ان يشاهدها اعضاء المنتدى، كان يوجد شكوى للجنة فض المنازعات بنفس الفحوى ولكن عن صورة اخرى مشابهة للصورة التي في توقيعك.

طالع هنا

والله يا باشا داة من كتر قرفي منهم و لاكن انا هاغيرها مخصوص بس علشان البنات اللي في المنتدي مش أكتر و لاكن لو علي الجزائر أنا عايز أحط توقيع أقزر من داة بمراحل

**egyegy** · 22-11-2009 02:42 PM

المشاركة الأصلية كتبت بواسطة eltorky

والله يا باشا داة من كتر قرفي منهم و لاكن انا هاغيرها مخصوص بس علشان البنات اللي في المنتدي مش أكتر و لاكن لو علي الجزائر أنا عايز أحط توقيع أقزر من داة بمراحل

شكرا على رد فعلك الإيجابي والمتفهم.

-

الموضوع: أبقي شوفي يا جزائر مين راح ينجيكي من الغرق

LinkBack

أدوات الموضوع

عرض

أبقي شوفي يا جزائر مين راح ينجيكي من الغرق - انشر الموضوع فى :

-

-

-

-

-

المواضيع المتشابهه

ناوي أبقي أوكتافياوي بعد ما كنت فابياوي سنين طويلة

ناوي أبقي أوكتافياوي بعد ما كنت فابياوي سنين طويلة

ناوي أبقي أوكتافياوي بعد ما كنت فابياوي سنين طويلة

غرق اسكندريه - ما نشوف الغرق شكله ايه

الكلمات الدلالية لهذا الموضوع

المفضلات

المفضلات

ضوابط المشاركة