غفوة أثناء القيادة ( كيفية تجنبها للنقاش)

**tamertamer** · 22-11-2009 01:37 PM

الحوار دة بيفكرنى بواحد صحبى بينام فى اى حتة وكنا مسفرين اسكندرية واعدنة يومين بدون نوم طبعا سعتة بينام وهو واقف اعد متشقلب بينام وهو الوحيد قلى نام وانا عرفة بينننننننام كتير وعندة مشكلة فى النظر مبيشفش كويس المهم كنا رجعين شبة ميتين كنا 4 اشخاص المهم اى واحد فينا بدون نوم 48 ساعة والارهاق فى الشمس والمشى وكمان الاكل حدثة بلاء اى جدال خليتة يسوق وبصراحة كنت مرعوب وربط حزام الامان وقريت الشهادة وقلت فى نفسى ما هو انا لو سقت هنموت بردو وفضلت نايم انا والعيال نحو سعتين وهو كان ماشى 180 تقريبا ينزل 160 انا كنت بحس بالفرامل بس هعمل اة مش قادر افتح عنية بجد ووصلنا بالسلامة ومش هعملها تانى العمر مش بعزقة

**Michael_Lanos** · 22-11-2009 01:40 PM

المشاركة الأصلية كتبت بواسطة mido777

انا جايب سماعه بتوضع خلف اللأٌذن وعند ميل الرأس بتعمل صوت صفارة تنبيه ..... وبستعملها فى السفر

حلوه دي

**Egyzizo** · 22-11-2009 01:53 PM

لما الأمور توصل لأن جفونى تقع منى بأقف على جنب وآخد تعسيلة ربع ساعة (نوم نوم يعنى) .. بتبقى كفاية أو انها تصحصنى على الأقل ساعة بعدها ..

**gomangy** · 22-11-2009 02:18 PM

انا الموضوع ده حصلي وانا راجع من مطروح من حوالي اربع سنين كنت انا ووالدي قدامي بعربيته وانا وراه وكنت واخد دور زكام ابن هرمه المهم جيت عند المنيا ومش عارف ايه اللي حصلي وكان معايا اخواتي وولاد عمي والحمد لله لقيت نفسي واكل مطب صناعي قبل الكمين والحمد لله محصلتش معايا تاني الي الان
وربنا يكفينا شر الغفله وشر الطريق

**XXXMEMOXXX** · 22-11-2009 02:20 PM

المشاركة الأصلية كتبت بواسطة mido777

انا جايب سماعه بتوضع خلف اللأٌذن وعند ميل الرأس بتعمل صوت صفارة تنبيه ..... وبستعملها فى السفر

فكره جامده

اكتر حل سهل وامان تركن على جنب الطريق وتنام شويه
وربنا يسترها علينا ..

**Dr_Mido** · 22-11-2009 02:42 PM

مرة واحدة غفلت وانا ماشى و عملت حادثه

واتعلمت درس انى منمش ااقل من 8 ساعات قبل السفر ولو قمت مش مركز ياما مسافرش ياما اسافر مواصلات او حتى ااجر سواق

**د.محمود صلاح** · 22-11-2009 02:55 PM

ربنا يحفظنا جميعا ,

متابعين المزيد من الآراء والحلول

**Michael_Lanos** · 22-11-2009 03:18 PM

المشاركة الأصلية كتبت بواسطة dr_mido

مرة واحدة غفلت وانا ماشى و عملت حادثه

واتعلمت درس انى منمش ااقل من 8 ساعات قبل السفر ولو قمت مش مركز ياما مسافرش ياما اسافر مواصلات او حتى ااجر سواق

بعد الصوره دي، الواحد لازم ينام كويس جدا جدا جدااااااا قبل السفر

**M.Mostafa80** · 22-11-2009 03:24 PM

لسه كنت راجع من مطروح الأسبوع اللى فات كان فجر يوم الثلاثاء
كنت عايز أطلع باليل بس حسيت أنى مش قادر والمشكله انى كان عندى شغل ومش هينفع أضرب اليوم المهم قمت نايم لحد الساعه 4 وصحيت اتكلت على الله فى الفجر والعمليه كانت تمام لحد ما ب
أء النهار يشقشق حسيت انى عايز أنام (وارث عن والدى نعمه ربنا يدمها عليا يارب عمرى ماعينى تغمض وانا وراء الدركسيون )
طلعت أكل كان معايا لأنى كونت بدأت أحس بالجوع
وشغلت الكاسيت بصوت عالى والحمد لله وصلت بسلام
هو بس احب أضيف حاجه الموضوع ممكن نكون احنا السبب فيه لكن لوحصل يبقى ربنا كاتبهولنا صحيح بتبقى فى أسباب لكن ساعه القدر يعمى البصر
وربنا يستر طريقنا كلنا يارب

الموضوع: غفوة أثناء القيادة ( كيفية تجنبها للنقاش)

LinkBack

أدوات الموضوع

عرض

-

-

-

-

-

-

-

-

المواضيع المتشابهه

نصائح هامة أثناء القيادة

كيف تتصرف اذا انفجر اطار السيارة أثناء القيادة؟

المخاطر الصحية أثناء القيادة (لازم كله يقرأها)

عند تهدئة سرعة السيارة أثناء القيادة دون توقف....وسؤال للماهرين في القيادة

الكلمات الدلالية لهذا الموضوع

المفضلات

المفضلات

ضوابط المشاركة