العربية مش بتدور على طول الصبح

**ashrofa72** · 22-11-2007 06:04 PM

العربية من فترة بسيطة لو مش طالع بيها بالليل كام مشوار واتركنت بالليل الصبح بتغلبني لما ادورها يا تري السبب ايه وعلى فكرة انا قست قراءة البطارية فى الورشة والدينمو وقالي انهم كويسين ممكن تشوف المارش. يا تري المشكلة فين ارجو الافادة من الزملاء الكرام وشكرا مقدماً.

**hazem_khidr** · 22-11-2007 07:44 PM

ليها احتمالات كتير.
يا تري البطاريه عندك بقالها كتير ولا لاء و يا تري الميه بتاع البطاريه مظبوطه ولا لاء؟؟؟
غير البوجيهات لو بقالها كتير ما اتغيرتش.
ضبط الكهربا و الهوا

**ashrofa72** · 22-11-2007 08:46 PM

على فكرة انا من ساعة ما اشتريت العربية البطارية كانت موجودة فى العربية ومن فترة الكهربائي زود ميه نار للبطارية بس اننا رحت النهاردة وخليت الفني قاس قراءة البطارية والدينمو وقال تمام التمام وقال ليا يمكن المارش عاوز يتنضف مش عارف صح ولا ايه والبوجيهات مغيرها يمكن من حوالي خمس شهور.

**eng_mkhalaf** · 23-11-2007 09:29 AM

المارش لو فية مشكلة بتسمع صوت غريب مع الدوارة وهتغلبك سواء الصبح أو باليل - شيك على البوجيهات ونشوف أية النتيجة

**ashrofa72** · 23-11-2007 06:29 PM

حجرب اغير البوجيهات ان شاء الله وارد عليكم شكرا على الردود.....

**atefmb** · 25-11-2007 02:50 AM

السبب الاكيد فى تأخير الدوارة الصبح بيكون حاجة من اثنين اما
الكاربيراتير ممكن يكون فيه حاجة
لو كان عندك طاقم كهربة اققصد ابلاتين خلى الميكانيكى يكشف عليه
لو كان عندك انجكشن يبقى ممكن المشكلة فيها
وفى النهاية الله يقويك

**tutankhamoun** · 25-11-2007 09:28 AM

هب البطارية بيتزودلها ميه نار !!!!!!!!!!!!!!!!!!!!
أنا اللي اعرفه أنه يتم تزويد مياه مقطرة و تباع في أي بنزينة بجنيه واحد أو جنيه و نصف

**eng_mkhalaf** · 25-11-2007 11:36 AM

ممكن تزودها مية نار أو مية مقطرة حسب ما الكهربائى يشوف الحالة

**ashrofa72** · 26-11-2007 02:12 PM

أنا متشكر جدا على الردود يا ر جاله بس على فكرة الكهربائي هو الى زود مية النار مش انا وعلى فكرة الموضوع ده سبب ليا مشكلة كبيرة وهي مية النار زادت بره البطارية ونزلت على خرطوم التكييف واكلت الجزء الكاوتش فيه ولما جيت اشغل التكييف الخرطوم انفجر علشان الخرطوم ده الى بينضغط فيه الفريون والتكييف دلوقتي خربان وعاوز اصلحه.منه لله الكهربائي!!!!!

**Migo123** · 26-11-2007 03:03 PM

دي ميزه البطاريه الجافه

الموضوع: العربية مش بتدور على طول الصبح

LinkBack

أدوات الموضوع

عرض

-

-

-

-

المواضيع المتشابهه

العربية مش بتدور !

العربيه بتدور الصبح من تالت او رابع مرة

العربية مش بتدور

لون العادم أول ما بتدور العربيه الصبح

العربية مش بتدور على طول الا الصبح

الكلمات الدلالية لهذا الموضوع

المفضلات

المفضلات

ضوابط المشاركة