الموضوع: i10

انصحك بالبيكانتو
قطع غيار ال i10 ناااااااااااااار

المشاركة الأصلية كتبت بواسطة mezo_88

انا الحمد لله محتجتش اغير اى حاجة فى العربية ثانيا انا جبت العربية عن اقتناع نفسى و مسألتش على سعر اى حاجة فيها
موضوع انى ابص لقطع الغيار و انا بشترى ده مش صح على كده مركبش بقى هوندا ولا سوبارو ولا رينو ولا الحاجات دى مدتم قطع الغيار بتعيش خلاص مش مهم سعرها
ثانيا قطع غيار الألنترا غالية يعنى كده مركبهاش؟؟؟
اسف لو كنت زعلت حد بكلامى ده

كلامك صح.. انا معايا i10 2009 و مبصتش على قطع الغيار و محتجتش لحاجه حتى الان الحمد لله

اهم حاجه توافرهااااااااااااااااااا اااا.. و غبور اكبر ميزه فيه انه بيوفر كل قطع الغيار حتى اصغر حاجه لا تتخيلها الحمد لله

يعنى رينو فيها مشاكل توافر قطع الغيار و كيا كذلك.. اعتقد الحاله الوحيده اللى ممكن الواحد يركز فيها على اسعار قطع الغيار لو كانت بنت او واحد بيشترى عربية و هيتعلم عليها و فى الحالة دى ربنا يسترها

انا عربيتى عامله 8,970 كم بس مانيوال

العربية ممتازه فى كل حاجه بس غيرت الكاوتش لمقاس 175/70 و العربية بقت افضل فى المطبات و الحفر من الاول و ثباتها زاد

كمان الاتوماتيك منها الفتيس فيها يابانى من شركة Jatco و ده بينزل فى البيكانتو و الاتوس و الشركة دى بتنتج لسوزوكى و VW و Infiniti و نيسان و ميتسوبيشى..........

يعنى متخافش منه كأعتماديه.. الحاجه اللى تخوفك سحبه ممكن يكون ازاى!!

بص دى مواصفات العربية لسه لاقيها امبارح بالصدفة.. هتلاقى فيها تسارع العربية المانيوال من 0-60 و 0-100 و 60-100 و التسارع من 0 حتى 400 متر و تحتها هتلاقى الاتوماتيك فى شكل جداول (صفحة رقم 6)

http://magazin.automix.centrum.cz/files/121.pdf

لو ركزت هتلاقى تسارع الاتوماتيك من 60-100 افضل من المانيوال
الاتوماتيك تسارعها فى 11.6 ثانيه
المانيوال تسارعا فى 14.9 ثانيه

لكن المانيوال تتفوق فى التسارع من 0 الى 60 و من 0 الى 100

بالتالى كتسارع عادى مش فارقه اوى لكن الفرق يتحس لما تركب ناس كتيير و تشغل التكييف و بردوا الله و اعلم انا مجربتهاش

كمان متنساش ان الاتوماتيك هتسحب بنزين اكتر من المانيوال

انا عندى فى المانيوال اقل استهلاك حتى الان 262 كم فى الصفيحة ده مع الحرق و التكييف معظم الوقت و الزحمة الشديدة مع الكاوتش العريض

اما احسن استهلاك فيوصل 385 كم و اكتر فى الصفيحة

العربية بوجه عام ممتازه و مع تغيير الكاوتش بقيت احس انها فى فئة اعلى من فئتها

بالتوفيق ان شاء الله

انا معايا اتوس 2009 مانيوال و مافيش اي فرق بينها و بين i10 الا الشكل بس ( مسألة أذواق ) أما المواصفات الفنية للعربيتين واحدة تماما بدون اي فرق بينهم الا السعر بس و التوس أرخص و هي ممتازة معايا .
كمان في حاجة مهمة أن حوض الموتور بس الأتوس أوسع بكتير مما يسهل مسألة الصيانة فيما بعد

المشاركة الأصلية كتبت بواسطة mustafa_maghraby

انا معايا اتوس 2009 مانيوال و مافيش اي فرق بينها و بين i10 الا الشكل بس ( مسألة أذواق ) أما المواصفات الفنية للعربيتين واحدة تماما بدون اي فرق بينهم الا السعر بس و التوس أرخص و هي ممتازة معايا .
كمان في حاجة مهمة أن حوض الموتور بس الأتوس أوسع بكتير مما يسهل مسألة الصيانة فيما بعد

لأ فى فروق حتى و لو بسيطه
ال i10 اعرض
عرض الاتوس 1525 مم
لكن عرض ال آى 10 1595 مم

المسافة بين العجل الامامى و المسافة بين العجل الخلفى اكبر لل i10 و ده بيدى ثبات افضل طبعا

للاتوس 1315 و 1300 مم
آى تن 1400 و 1385 مم

موتور ال i10 الكنترول يونت بتاعته مختلفة عن الاتوس علشان كده هتلاقى ال i10 فيها كام حصان زياده و عزم اعلى

الباور فى ال i10 كهرباء انعم و اخف و ممتع فى السواقة

طبعا التابلوه مفيهوش كلام مختلف تماما

دى شوية فروق بس

سؤال يا خبراء الهيونداى. هل i10 قطع غيارها اغلى من قطع غيار بيكانتو؟؟؟

ارجوا الافاده