الموضوع: طريق الاسكندرية الزراعى (حل لسائقى الملاكي)

المشاركة الأصلية كتبت بواسطة mada121977

هدى اعصابك يا عم خالد :)
انا قلت الكلام من غير تعميم ..انا مقلتش كل الناس ... بس بصراحه وبدون زعل انا ملاحظ موضوع الغربيه ده من زمان وحصل قدامى كذا حادثه كانوا اللى سايقين وتسببوا فى الحوادث من نمر الغربيه ..ولاحظت مرات كتيير لما واحد يجيى من ورا زى الصاروخ وعمال ياخد غرز ويكسر على الناس وفاكر الطريق بتاعه لوحده بيبقى نمر غربيه مش عارف لييه ؟
هتقولى ماهوا كل المحافظات فيها حوداث وكله عمال يخبط كله ..اقولك ماشى وفيه ناس فعلا فى القاهره والمنصوره وف كل حته فى مصر معندهمش ذوق ولا اخلاق فى السواقه بس المشكله ان نمر الغربيه بالذات وخاصه عربيات النقل والنصف نقل هيا اللى نسبتها اكتر فى الموضوع ده
وماتزعلش تانى مره علشان انا مش بعمم الكلام :) ولو شفتك على الطريق ان شاء الله هاديلك نور عالى علشان توسع

لو شفتنى يبقى انا الى هديلك نور عالى لانى اكيد هبقى جاى طاير و باخد غرز عشان الطريق بتاعى هههههههههههههههه....
هى فعلا بتوع النقل عندنا هتلاقى مواصفاتهم انه محدد دقنه و ماشى لازق فيك و طاير ده يبقى محلاوى ههههههههه
و انا معاك ان كل بلد فيها الكويس و الوحش ..
انا متعقد من عربيات البحيره (دايما يقفلو عليا و يعملو حاجات غريبه).
بس عادى بحبهم و دايما بتوقع منهم كده ههههههههههههههه

المشاركة الأصلية كتبت بواسطة eslamsubaru

على فكرة الطريق اطظبت كتير و بقى جامد و فى طريق عند بركة السبع (طريق دفره) و ده طريق حر اطلعه و انت تروح اسكندرية فى 1:20h من بنها, و الرادارات على الطريق مش كتير
فى عند قها بين الكوبرى الجديد و القديم
عند مدخل شبين المنوفية قبل كوبرى شبين
و فى قبل دمنهور ب 5 ك

طريق دفره كفر الزيات صح ؟؟
الطريق ده ملوووووووش حل ...
انا جيبت عليه 190 بس محدش يجرب

المشاركة الأصلية كتبت بواسطة Ahmed0Nouh

اخطر حاجه تعملها على الطريق ده انك تمشى وراه ميكروباص ولو بمسافه

اولا مش هتبقى كاشف الطريق منه كويس خصوصا ان فى ناس بتعدى الطريق ببرود غريب ولا كأنه حاره 6 متر فممكن الميكروباص يفادى واحد من مسافه قريبه قوى وفجاه تلاقى انت اللى بيعدى قدامك

ثانيا الميكروباصات بتقرب من العربيات حواليها والحفر قوى فانت اكيد مش هتمشى وراه بالسنتى وممكن تلاقى حفر ومطبات فجأه مكنتش شايفها منه ومتعرفش تفاديها وكمان فى مناطق كتير الاسفلت فيها عامل انتفاخات وبلالين عجيبه ولا كأنه عجينه زى اللى فى مطلع كوبرى قها وانت راجع القاهره فى وسط الطريق وشوفت منها قدام عينى عربيات بتتقلب ودى الميكروباص يعدى من عليها عادى لكن الملاكى يحك فيها ويبقى حظه اسود لو داس عليها بعجله

بشكل عام الطريق ده ربنا بيسترها عليه مش اكتر والحل الوحيد فيه انك تمشى بسرعه الطريق لان فعلا المشى عليه بطئ بيعرضك للخطر اكتر يعنى على الاقل تكون ماشى عليه 80-90

ومتقربش من اللى قدامك ومتمشيش ورا اوتوبيس او عربيه نقل او ميكروباص او نص نقل يعنى ببساطه مهم قوى قوى تبقى كاشف الطريق قدامك لمسافه كافيه لأى مفاجات سواء من الناس اللى بتعدى او من العربيات النقل او من الحفر والمطبات والبقاليل اللى فى الاسفلت

كمان اعمل فرح لأى عربيه بتعدى منها علشان انا اتقرصت كتير قوى من حد ابقى بعدى منه وخلاص طلعت جنبه والاقيه بيرمى على او عربيه نقل بعد ما اوصل للراس قدام الاقيه قرر ياخد شماله بدون سابق انذار

ومهم برده ان لو حد لزق فيك وعايز يعدى منك متستعجلش وركز كويس وانت بتوسع له لحسن يكون حد جاى يجرى من ورا وطافى النور او حد بياخد غرزه لان محدش هيجى يلزق وراك ويقولك وسعلى الا اذا كان مفيش مفر غير من وراك والدنيا مزنوقه جنبه

والاهم من كل ده تجنب السواقه على الطريق ده بليل علشان بيبقى كارثه بكل المقاييس ما بين ناس متعرفش النور الواطى فين وكل حياتهم نور عالى وما بين ناس مش منوره نور الموبايل حتى ومقضينها غرز , لدرجه ان ساعات هتلاقى عربيات عدت منك وانت 100% مشوفتوش وهو بيعدى انت بس سمعت صوته

وسيبك من الذوق على الطريق ده لأنه للأسف البقاء فيه لذوى القدرات الخاصه فى تخليص نفسهم من الهلاك وربنا يعفينا من شر الحوادث

المفيد