طريق الاسكندرية الزراعى (حل لسائقى الملاكي)
طبعا الموضوع ده مش كل الناس هاتكون مهتمه بيه لكن معظمنا اتعرض له و احتاج له ...
تضطرني الظروف كثيرا لأتخاذ طريق الاسكندرية الزراعى حتى مدينة بنها
و لمن يعرف هذا الطريق فهو طريق مليئ بالحفر و المطبات المفاجئه و ايضا عبور المشاه المفاجئ و الرادار
مع العلم ان الطريق ده من اكثر الطرق المسببه للحوادث - معدل 3 حوادث على الاقل اسبوعيا
فا فكرت فى طريقه لعبور هذا الطريق بسيارتي بدون حدوث حادثة لي (الا اذا قدر الله ذلك)
1- من اول منطقة شبرا الخيمه - دور على ميكروباص (اجره "قليوبيه - منوفيه - شرقيه")
يكون سواقه محترم (هاتقولى عرفت ازاي - من سواقته هاتعرف انه محترم - مش بياخد غرز - مش معدي ال 100)
2- الزق وراه
حتى لو وقف ينزل زباين هدي لحد ما يرجع يسبقك تاني و خلى مسافه 20 متر بينك وبينه
طبعا خد بالك من نمرته لان الميكروباصات شبه بعضها
طبعا الكلام ده ممكن تطبقه من شبرا الى الاسكندريه بس انا عادة بروح اسكندريه من الصحراوي فا معرفش الطريق اخباره ايه
و توصل بالسلامه ان شاء الله
ربنا يسترها معانا ومع الاخرين
أسلم حاجة تسوق بطريقة معتدلة طول الطريق ومش مهم توصل بدرى المهم توصل بالسلامة
وتختار أوقات غير مزدحمة مروريا أى السير فى غير أوقات تكدس المواصلات
البعد كل البعد عن أى عربية نقل أيا كان نوعها حتى لو كانت ربع نقل الدبابة اللى محملة أقساط لبن وكمان الميكروباص
الانتباه ومتابعة المرايات كل لحظة خاصة جهة اليمين للتأكد من عدم تخطى أى عربية ليك من اليمين وما أكثرهم
بصراحه الكلام ده هو السليم انا بمشى عالطريق ده مره كل شهر وهو فعلا طريق وحش بس ساعات بختار وقت متاخر اوى واسوق على سرعه متوسطه وبوصل اسرع ومستريح الاعصاب لانى بلاقيه فاضى وتركيزى بيقل لانى ماشى متوسط عكس النهار بقى تركز اوى عشان الطريق مزدحم وبتوصل متاخر
