إلا هو لية العربيات بقت التكنولوجيا بتاعتها مرعبة كدة !

**yoko** · 23-11-2009 01:39 AM

هو إحنا كعالم تالت(مع تحفظي على الكلمة دي) العربيات دي مش الأفضل ولا الأكتر عملية لينا بس في نفس الوقت مينفعش نفضل عايشين على العربيات موديلات ال٧٠ وال٨٠
والتطور مجاش مرة واحده ولا حاجة بس منحنى التطور في التكنولجيا منحنى أسى يعني لو إخترعوا ١٠٠ حاجة السنه دي السنة الجاية هيخترعو ١٠٠٠٠ حاجة وهو ده السبب إنك حسيت إن التطور فجئة
ده غير إن التكنولجيات دي إتأخرت في دخولها مصر أنا معايا بره مصر فورد موديل ٩٤ فيها تكنولوجيا أعلى من نص عربيات مصر موديل ٢٠١٠

**ehaballam** · 23-11-2009 11:52 AM

المشاركة الأصلية كتبت بواسطة amrbakly

هو بس السؤال الغريب لية الحاجات دية طلعت مرة واحدة كدة

يعني لو نفتكر من خمس ست سنين مكانتش موجودة حصل امتي التحول الغريب دة و الفكرة هل السوق بتاعنا يتحمل عربيات تكنولوجيتها متقدمة كدة و خاصة مع استهبال التوكيلات في الصيانات و قطع الغيار اللي اسعارها تساوي تقريبا تمن و احيانا ربع تمن العربية

يا باشا الحاجات دى من زمان .... بس جمركها غالى فأغلب الوكلاء كانوا مش بيجيبوا الموديلات اللى فيها هاي تك ..... لاخظ كدة الرينو من 10 سنين حتلاقى الكلام دة ززززو بصفة عامة ده العادى فى الأوروبى .... أما اليابانى فمبينزلوش الهاي تك فى العربيات إلا بعد أوروبا بكام سنة .... يعنى اللى تلاقيه فى المرسيدس و ال BMW من 15 سنة و الرينو و البيجو و الفيات من 7 سنين تلاقيه فى اليابانى دلوقتى .... طبعا المدة بتختلف حسب السوق يعنى الرينو فى أوربا ممكن الحاجة تنزل فيها بعد المرسيدس ب 5 سنين و قبل اليابانى ب 3 سنين

و الجملة الشهيرة .... لو عايز تعرف التكنولوجيا اللى حتبقى فى عربيتك بعد 10 سنين بص على المرسيدس S500 و إخواتها ال s الباقيين ( و القاعدة دى برضه فى أوربا .... هنا بمزاج الوكيل ) بس المؤكد أن اللى مشتراش ميجان مثلا علشان هاى تك بعد 5 سنين بالكتبر مش حيعرف يشترى حاجة لأن كل العربيات حتبقى كدة .... بص على اللانسر الجديدة و السيفيك والتويوتا الجداد لوأنت مش مصدقنى .
و يجعله عامر

**ابوهاشم** · 23-11-2009 12:35 PM

ولسه ياما هنشوف

**mezo73** · 23-11-2009 02:09 PM

المشاركة الأصلية كتبت بواسطة amrbakly

حاسس ان قريبا حنلاقي العربية عبارة عن بوردة و بنغيرلها بروسيسور و رامات !

ياةةةةةةةةةةةةةةةة انت قديم قوي ماهي فعلا عربيتي برمات وبروسيسور وكنت عاوز ازود الرمات علشان ارفع العربية من 850 حصان الي 1200 حصان

انت شاكلك نمت وطولت شوية في النوم

**amrbakly** · 23-11-2009 05:40 PM

يعني خلينا منطقيين دلوقتي اغلب العربيات الحديثة محتاجة بنزين عالي، يعني الناس معانا في المنتدي بتقول اللينيا بتسقف مع الكبس في بنزين 92

طيب لو حسبناها حنلاقي مصاريف بنزين عالية و قطع غيار عالية و صيانة مكلفة جدا و مفيهاش مهارة فعلا لأن للأسف مستوي العمال عندنا مش عالي

النتيجة ان فعلا المسألة غير إقتصادية بالمرة و خاصة الناس اللي بتجيب عربية تمنها أقل من 70 الف جنية يعني يادوبك جايب عربية علشان يتقي شر الشارع و المواصلات حيكون غير قادر علي مصاريف عربية من النوع دة

و خلينا ندي مثال عربية إنهار تمنها تماما زي الرينو كليو مثلا، مشكلة العربية الصيانة المكلفة و التكنولوجيا قصفت تمن العربية في المستعمل ووصلت لأنها بقت أقل من اربعين الف رغم انها موديلات حديثة يعني 2004 و 2005

النتيجة الحتمية لدة أن المستعمل حينهار و دة حيخلي ناس كتير تقلع عن شراء الزيرو لأن الفارق حيبقي ضخم

**Ralliart** · 24-11-2009 01:18 AM

المشاركة الأصلية كتبت بواسطة amrbakly

يعني خلينا منطقيين دلوقتي اغلب العربيات الحديثة محتاجة بنزين عالي، يعني الناس معانا في المنتدي بتقول اللينيا بتسقف مع الكبس في بنزين 92

طيب لو حسبناها حنلاقي مصاريف بنزين عالية و قطع غيار عالية و صيانة مكلفة جدا و مفيهاش مهارة فعلا لأن للأسف مستوي العمال عندنا مش عالي

النتيجة ان فعلا المسألة غير إقتصادية بالمرة و خاصة الناس اللي بتجيب عربية تمنها أقل من 70 الف جنية يعني يادوبك جايب عربية علشان يتقي شر الشارع و المواصلات حيكون غير قادر علي مصاريف عربية من النوع دة

و خلينا ندي مثال عربية إنهار تمنها تماما زي الرينو كليو مثلا، مشكلة العربية الصيانة المكلفة و التكنولوجيا قصفت تمن العربية في المستعمل ووصلت لأنها بقت أقل من اربعين الف رغم انها موديلات حديثة يعني 2004 و 2005

النتيجة الحتمية لدة أن المستعمل حينهار و دة حيخلي ناس كتير تقلع عن شراء الزيرو لأن الفارق حيبقي ضخم

كده يبقى العيب في بلدنا مش في الشركات لان 70 الف دي لو في اي بلد تانيه يبقى انت راكب عربيه بنقول عليها هنا من العربيات الجامده
ويبقى اللي عايز عربيه يتقي بيها شر المواصلات هيجيب حاجه في رينج ال30 الف جنيه وهتكون من العربيات اللي بنقول عليها محترمه هنا!!

**amrbakly** · 24-11-2009 06:33 AM

المشاركة الأصلية كتبت بواسطة mostafa_elhussain

كده يبقى العيب في بلدنا مش في الشركات لان 70 الف دي لو في اي بلد تانيه يبقى انت راكب عربيه بنقول عليها هنا من العربيات الجامده
ويبقى اللي عايز عربيه يتقي بيها شر المواصلات هيجيب حاجه في رينج ال30 الف جنيه وهتكون من العربيات اللي بنقول عليها محترمه هنا!!

مش للدرجة دية يا جدعان و علي فكرة اسعار العربيات في حدود 1600 سي سي مش فارقة كتير قوي زي ما أنتم متخيلين

و كمان هناك البنزين بسبعة جنية للتر ، اية رأيك تاخد جيتا بـ 100000 اللي هو تقريبا سعرها في أوربا و أمريكا زيرو و تاخد لتر البنزين 95 بسبعة جنية و لا نخلينا ساكتين و نحمد ربنا علي النعمة اللي احنا فيها

**HRH_Sameh** · 24-11-2009 11:12 AM

انا فاكر من كام سنة كده مرسيدس نفسها لاحظت الموضوع ده وبدأت تقلل الزيادة الرهيبة في التكنولوجيا في موديلاتها حتى عشان سهولة الاستخدام والصيانة برضه

اما عندنا بقى التطور الرهيب ده في التكنولوجيا خلانا لسه متمسكين بالموديلات القديمة
طبعا عشان زي ماقولتو قلة الفنيين اللي فاهمين - زيادة تكلفة التشغيل وقطع الغيار والتفاصيل الكتير

وشكرا ليكم ع المناقشة اللذيذة دي !!!

**ehaballam** · 24-11-2009 12:04 PM

المشاركة الأصلية كتبت بواسطة amrbakly

يعني خلينا منطقيين دلوقتي اغلب العربيات الحديثة محتاجة بنزين عالي، يعني الناس معانا في المنتدي بتقول اللينيا بتسقف مع الكبس في بنزين 92

طيب لو حسبناها حنلاقي مصاريف بنزين عالية و قطع غيار عالية و صيانة مكلفة جدا و مفيهاش مهارة فعلا لأن للأسف مستوي العمال عندنا مش عالي

النتيجة ان فعلا المسألة غير إقتصادية بالمرة و خاصة الناس اللي بتجيب عربية تمنها أقل من 70 الف جنية يعني يادوبك جايب عربية علشان يتقي شر الشارع و المواصلات حيكون غير قادر علي مصاريف عربية من النوع دة

و خلينا ندي مثال عربية إنهار تمنها تماما زي الرينو كليو مثلا، مشكلة العربية الصيانة المكلفة و التكنولوجيا قصفت تمن العربية في المستعمل ووصلت لأنها بقت أقل من اربعين الف رغم انها موديلات حديثة يعني 2004 و 2005

النتيجة الحتمية لدة أن المستعمل حينهار و دة حيخلي ناس كتير تقلع عن شراء الزيرو لأن الفارق حيبقي ضخم

يا باشا الموضوع مش كده خالص ....لأن من ساعة مابدأ استخدام الهاي تك في العربيات والmpg اللي هو كام ميل في الجالون بيعلى وبقت الشركات تنافس بعضها في الmpg كل شركة حتى الناس اللي ماكانتش بتفرق معاهم (الامريكان يعني ) بقوا يحاولوا يرفعوا الmpg بتاعهم
أما موضوع قطع الغيار فـفي قاعدة بتقول إنك كل ماتزود انتاجك من حاجة بترخص ... يعني فاكر الموبيلات من كام سنة كانت بكام وبقت بكام ....والعمالة واحدة واحدة بيتعلموا يعني من 3 سنين كان لازم تعمل صيانة الرينو في التوكيل دلوقتي في ناس بتفهم فيها بره التوكيل .... نقطة تانية في موضوع قطع الغيار.... الوكيل بيعامل اللي بيشتري عربيات معينة على أساس إنهم ناس مستريحين فبيحط اسعار خدمة وقطع غيار غالية .... زي هوندا سيفك اللي هي في كل الدنيا عربية شباب ...هي الوكيل محسسك إنه بيبيعلك لامبوجيني مثلا وبيغلي في قطع الغيار وكده

و يا راجل إنت جيت على الكليو اللي هي من أقَل العربيات في التكنولجيا....طب قول ميجان مثلا
من الآخر زي ما قلت قبل كده 5 سنيين بالكتير وكله حيبقى كده حتى الكوري و الصيني......لإن ده بيوفر حاجات كتير في العربية زي ال ABS , EBD,ESP و حاجات كتير تانية ... والحاجات دي بقت أساسية علشان العربية تمشي في اوروبا...

الموضوع: إلا هو لية العربيات بقت التكنولوجيا بتاعتها مرعبة كدة !

LinkBack

أدوات الموضوع

عرض

-

-

-

-

-

-

المواضيع المتشابهه

أرقام مرعبة

ملف صور حوادث سيارات شنيعة و مرعبة !

عاصفة مرعبة تضرب أوكلاهوما!

بيكانتو مرعبة

الكلمات الدلالية لهذا الموضوع

المفضلات

المفضلات

ضوابط المشاركة