عرض للطباعة
وانا مع عمى امبارح رايحين مشوار وهو الى كان سايق اكل مطب محترم على سرعة عالية المهم العربية طلعت دخان ركن على جنب وبصينا عليها من تحت لقينا الزيت كله نازل وطبعا جزء منه جه على الشكمان ودخن العربية من تحت بصيت انا كويس تانى لقيت الكارتيره بتاعت الزيت مشروخة ونزلت كل الزيت
السؤال هو
ايه الى ممكن يكون اضر تانى فى منطقة الكارتيره ؟؟
والكارتيره دى تعمل كام جديده او استعمال تقريبا؟؟
ربنا يستر ومعلش الحمد الله
الرجاء الذهاب للصيانة ضرورى , وشوف ممكن الكارتيرة تتلحم بدلا من التغيير
الموضوع ده حصل للوحش الكبير momo10000 وهاتلاقي في الموضوع ده هو صلح الكارتيرة ازاي بكل التفاصيل
http://www.nilemotors.net/Nile/102599-momo.html
شكرا على الردود العربية فعلا دلوقتى فى مركز صيانة رينو فى شارع اسكندر ميامى اسكندرية ولكن النهاردة اجازة فى اسكندرية ولسه معرفش الاضرار الاضافيه ايه
هل ممكن تكون طرمبة الزيت اضرت هيا كمان؟؟
الموقف ده حصلى قبل كده
وانا ماجر العربيه الميجان
اخدت مطب عالى جدا بسرعه لان الطريق كان ضلمة والمطب معلهوش اى دهانات عاكسه
الغالب انه حصل شرخ فى الكارتيره اللى بيتجمع فيها الزيت
وهتلاقى لما بتركن العربيه تلاقى بقعه زيت كبيره جدا
وحلها كالاتى
1- فك طبه الزيت وتفضى كل الزيت اللى فى الموتور
2- تفك الكارتيره وهى فى الغالب الومنيوم
3- تلحمها عند اى حد بيلحم الومنيوم او كحل مؤقت تحط عجينة اللحام ولحام الانبوبتين على الشرخ وفى الغالب ممكن يقعد معاك اسبوعين او اكتر
4- او انك تغير الكارتيره بواحده جديدة
متخفش ان شاء الله بسيطة
ايه الاخبار؟
قدر الله وماشاء فعل ربنا يسترها أن شاء الله
تم الاتى
غير كارتيرة زيت المكنه وكارتيرة زيت الفتيس بالمصفاه بتاعتها لانها طلعت هيا كمان اضرت من الخبطة وكانت التكلفة 1500 تقريبا جنيه شامل المصنعية الحاجات دى استعمال طبعا
الله يخلف عليك واللي ديته فلوس مش مشكلة المهم السلامة و لا يغني حذر من قدر
انا الكرتيره كانت وقعت عندي ، روح لأي واحد بتاع كرتيره بيفصل لك واحده لمقاس العربية بالظبط بس ح يكون نضيف انا عملتها كلها بحوالي 70 جنيه