تابع مسلسل الأعلام العالمى .. قناة المستقلة

قناة مش عارف تبع مين اسمها المستقلة جايبة مذيع تونسى و شئ غريب بيقول ان اسمه أشرف سعد (شكله و هيئته اعتقد ان هو اشرف السعد الهربان فى لندن بعد سرقة اموال المودعين فى شركات السعد) و بيقول انه بيتكلم من بريطانيا ...

المذيع قال ايه عاملين حملة اسمها نداء المحبة علشان يزيلوا الخلاف بين المصريين و الجزائريين و ان الكل اخوة و ان مافيش حاجة حصلت من الجزائريين و ان حتى لو حصل فهى شوية تجاوزات مش اكتر و ان المصريين هما اللى عملوا و عملوا و بهدلوا الجزائريين ، و ان برغم كده فمافيش مشكلة و ان الجزائريين بيحبوا المصريين و انهم بيعيطوا فى المساجد بعد خطبة الجمعة على ان المصريين بيقولوا عليهم "الأفتراءات" دى ، و ان كفاية اشاعات و تهييج من اهل الفن و القنوات الفضائية العميلة (اللى هى المصرية)

و طبعا أى حد يتصل يأكد الكلام ده فأهلا و سهلا به ، اما اللى يتصل يعارض فالشئ اللى اسمه أشرف سعد يروح متصدر و يقعد يتكلم و يعارض و يشكك و يقول "انا مصرى و بأقول ان كلام الملحق الطبى المصرى بيقول انه لم يحدث شئ مما يقولون" ، و بيحلف على كده.

بالذمة حد شاف حاجة أوطى أو اقذر من كده ؟؟؟

حسبى الله و نعم الوكيل ...

مش لاقى كلام أقوله ...

راجل ولا مؤخذه :b4_444:

واية المشكلة اذا كانت الحكومة بوزرائها وجيشها ساكتة وعاملة عبيطة
هنسيب الحكومة ونمسك فى الشخص

قناة شيعية مش متأكد لبنانية أو عراقية لإني بحذفها مع كل search جديد

اقتباس:

---

المشاركة الأصلية كتبت بواسطة Col. Eng. Khaled

قناة شيعية مش متأكد لبنانية أو عراقية لإني بحذفها مع كل search جديد

---

يافندم المشكلة مش فى حذفها ، المشكلة ان فيه ناس بتشوفها وبيصدقوها (و خصوصا من من المدعى بأنه مصرى) ، ازاى نرد على الناس الواطية دى ، انا ذهلت من اللى سمعته فيها و بالذات من الشئ اللى بيدعى انه مصرى و بيلبخ فى حق مصر اللى اسمه أشرف سعد

ده رفع لى ضغطى يا ناس:I_angr1[1]::036:

فاهم قصد حضرتك يا دكتور و مقدر إحساسك

قناه المستقله ليست شيعيه ولا لبنانيه هى قناه صاحبها رجل اعمال عربى من الخليج وتبث من لندن واشرف السعد صديق شخصى للراجل صاحب القناه ولذلك هو ضيف دائم فى القناه وكان له حلقات عن ذكرياته اثناء اقامته فى مصر وفتره شركات توظيف الاموال والتطورات اللى حصلت وقتها خلت الحكومه تقلب عليهم ومن ضمن ماذكره ان كان عنده وزراء حاليين شغالين موظفين فى شركاته .. والظاهر ان الحاج اشرف مش عاوز يفوت اى فرصه فى الظهور الاعلامى فى اى مناسبه (وان كنت معجب بصفه شخصيه بروح الفكاهه عنده يعنى كل كلامه نوادر وحكايات كوميديه واقعيه ) على اساس انه كان بيقول انه هايرجع يستثمر تانى فى مصر بس بعد الدوله ماتفرج عن باقى الاصول الخاصه به واللى بتصل الى 200 مليون دولار تقريبا على ما اذكر